WordPress Credits
Guiding the next generation of contributors through hands-on learning.
About the program
WordPress Credits is a contribution-based program by the .WordPress Foundation that connects higher education students with the global open source community. It offers real-world experience with mentorship to help students fulfill academic requirements while contributing directly to WordPress.
ເປີດຕົວຮ່ວມກັບມະຫາວິທະຍາໄລ Pisa ແລະ ປະກາດໃນງານ WordCamp Europe 2025, ໂຄງການນີ້ພວມເຕີບໂຕຢ່າງຕໍ່ເນື່ອງ, ສົ່ງເສີມການຮ່ວມມືລະຫວ່າງນັກຮຽນ, ມະຫາວິທະຍາໄລ ແລະ ບໍລິສັດຕ່າງໆ ໃນທົ່ວລະບົບນິເວດຂອງ WordPress.
How it works
ໂດຍທົ່ວໄປແລ້ວ ໂຄງການຈະດຳເນີນໃນໄລຍະ 1 ພາກຮຽນ ແລະ ແບ່ງອອກເປັນ 3 ໄລຍະຫຼັກ:
- ການເລີ່ມຕົ້ນ
- ການເຮັດໂຄງການ (ການມີສ່ວນຮ່ວມ)
- ສະຫຼຸບຜົນ
ຜ່ານໂຄງການນີ້, ນັກຮຽນຈະໄດ້ຮ່ວມເຮັດວຽກກັບອາສາສະໝັກ ແລະ ນັກວິຊາຊີບຈາກບໍລິສັດຕ່າງໆໃນລະບົບນິເວດຂອງ WordPress.
ການເລີ່ມຕົ້ນ
ນັກຮຽນຈະໄດ້ຮັບການຝຶກອົບຮົມກ່ຽວກັບເຄື່ອງມືຂອງ WordPress, ວັດທະນະທຳຊຸມຊົນ ແລະ ການຮ່ວມມືແບບໂອເພັນຊອດ ພ້ອມທັງເຊື່ອມຕໍ່ກັບທີ່ປຶກສາ ແລະ ທີມງານທ້ອງຖິ່ນ.
ການເຮັດໂຄງການ
ນັກຮຽນພັດທະນາໂຄງການການມີສ່ວນຮ່ວມສ່ວນບຸກຄົນໃນດ້ານທີ່ສົນໃຈ ເຊັ່ນ ການແປ, ການສ້າງເນື້ອຫາ, ການຈັດກິດຈະກຳ, ການພັດທະນາລະບົບ ຫຼື ການອອກແບບ.
ສະຫຼຸບຜົນ
ນັກຮຽນນຳສະເໜີຜົນງານ, ແລກປ່ຽນຄວາມຄິດເຫັນ ແລະ ຊ່ວຍປັບປຸງໂຄງການສຳລັບຜູ້ເຂົ້າຮ່ວມໃນອະນາຄົດ.
Why participate in WordPress Credits
ສຳລັບນັກຮຽນ
- ສ້າງໂຄງການ WordPress ຕົວຈິງ ແລະ ພັດທະນາທັກສະທີ່ນຳໃຊ້ໄດ້ຈິງ
- ຮຽນຮູ້ຈາກທີ່ປຶກສາທີ່ມີປະສົບການ
- ສ້າງຄວາມໝັ້ນໃຈຜ່ານການປະຕິບັດຕົວຈິງ
- ເຊື່ອມຕໍ່ກັບຊຸມຊົນໂອເພັນຊອດລະດັບໂລກ
ສຳລັບທີ່ປຶກສາ
- ນຳເອົາປະສົບການການຮຽນຮູ້ທີ່ມີຄວາມໝາຍມາສູ່ນັກຮຽນ
- ແບ່ງປັນຄວາມຮູ້ ພ້ອມທັງເສີມສ້າງທັກສະຄວາມເປັນຜູ້ນຳຂອງຕົນເອງ
- ເຊື່ອມຕໍ່ສະຖາບັນ ຫຼື ຊຸມຊົນຂອງທ່ານກັບລະບົບນິເວດ WordPress ລະດັບໂລກ
ສຳລັບສະຖາບັນ
- ເຂົ້າເຖິງໂຄງການການສຶກສາທີ່ສົມບູນ ແລະ ພ້ອມນຳໃຊ້ໄດ້ທັນທີໂດຍບໍ່ມີຄ່າໃຊ້ຈ່າຍ
- ສາມາດລວມເອົາປະສົບການໂອເພັນຊອດຈາກໂລກຕົວຈິງເຂົ້າໃນຫຼັກສູດການຮຽນໄດ້ໂດຍກົງ
- ເພີ່ມການມີສ່ວນຮ່ວມຂອງນັກຮຽນຜ່ານການເຮັດໂຄງການຕົວຈິງ
- ໂອກາດສຳລັບຄູອາຈານທີ່ຈະໄດ້ຮັບການຝຶກອົບຮົມເພື່ອເປັນທີ່ປຶກສາໃນອະນາຄົດ, ເສີມສ້າງຄວາມສາມາດພາຍໃນສະຖາບັນ
- ການເປັນພັນທະມິດຢ່າງເປັນທາງການກັບມູນນິທິ WordPress, ເຊິ່ງຈະຊ່ວຍຢັ້ງຢືນຄວາມມຸ່ງໝັ້ນຂອງສະຖາບັນຕໍ່ກັບການສຶກສາດີຈິຕອນທີ່ມີຄຸນນະພາບສູງ ແລະ ການຮ່ວມມືແບບໂອເພັນຊອດລະດັບໂລກ
ສຳລັບບໍລິສັດ
- ເພີ່ມການຮັບຮູ້ໃນຖານະບໍລິສັດທີ່ສະໜັບສະໜູນການສຶກສາແບບໂອເພັນຊອດ ແລະ ນັກວິຊາຊີບ WordPress ລຸ້ນໃໝ່
- ເຊື່ອມຕໍ່ໂດຍກົງກັບນັກຮຽນທີ່ມີຄວາມມຸ່ງໝັ້ນ ເຊິ່ງຈະໄດ້ຮັບປະສົບການຕົວຈິງຜ່ານໂຄງການທີ່ມີການແນະນຳ
- ເສີມສ້າງຊື່ສຽງໃນລະບົບນິເວດຂອງ WordPress ໃນຖານະຜູ້ສະໜັບສະໜູນການລິເລີ່ມຂອງຊຸມຊົນທີ່ມີຄຸນຄ່າ
- ໂອກາດໃນການຮ່ວມມືກັບທີ່ປຶກສາ, ສະຖາບັນ ແລະ ຜູ້ປະກອບສ່ວນ ເພື່ອຜົນປະໂຫຍດຮ່ວມກັນໃນໄລຍະຍາວ
Success stories
“ປະສົບການຂອງຂ້ອຍໃນໂຄງການ WordPress Credits ແມ່ນມີຄຸນຄ່າຫຼາຍ. ຕັ້ງແຕ່ເລີ່ມຕົ້ນ, ຂ້ອຍຮູ້ສຶກໄດ້ຮັບການສະໜັບສະໜູນ ແລະ ມີແຮງຈູງໃຈທີ່ຈະຮຽນຮູ້ເພີ່ມຂຶ້ນໃນທຸກໆມື້. ໃນລະດັບບຸກຄົນ, ທີ່ປຶກສາຂອງຂ້ອຍແມ່ນດີເລີດຫຼາຍ, ພວກເຂົາໃສ່ໃຈຕໍ່ຄຳຖາມຂອງຂ້ອຍສະເໝີ, ຕອບໄວ ແລະ ສະແດງໃຫ້ເຫັນເຖິງຄວາມຕັ້ງໃຈທີ່ຈະຊ່ວຍເຫຼືອແທ້ໆ.“
Nazareth
Universidad Fidélitas
“ຂ້ອຍຖືວ່າໂຄງການນີ້ໜ້າສົນໃຈ ແລະ ມີປະໂຫຍດຕໍ່ເສັ້ນທາງການສຶກສາຂອງຂ້ອຍຫຼາຍ. ຂ້ອຍໄດ້ມີໂອກາດພັດທະນາທັກສະດີຈິຕອນ ແລະ ໄດ້ຝຶກຝົນຄວາມສາມາດໃນການສື່ສານ. ນອກຈາກນັ້ນ, ຂ້ອຍຍັງໄດ້ເຂົ້າຮ່ວມໃນຊຸມຊົນທີ່ມີການເຄື່ອນໄຫວ ແລະ ຮ່ວມມືກັນຢ່າງໃກ້ຊິດ, ເຊິ່ງການໄດ້ພົບປະກັນຕົວຈິງໄດ້ຊ່ວຍໃຫ້ການຮຽນຮູ້ຂອງຂ້ອຍດີຂຶ້ນຫຼາຍ.“
Leonardo
Università di Pisa
“ໂຄງການນີ້ເຮັດໃຫ້ຮູ້ສຶກຄືກັບເປັນສ່ວນໜຶ່ງຂອງຊຸມຊົນສ້າງສັນຂະໜາດໃຫຍ່ ທີ່ພ້ອມຈະຊ່ວຍເຫຼືອກັນເພື່ອສ້າງບາງສິ່ງທີ່ມີຄວາມໝາຍ ແລະ ມີການພັດທະນາຢູ່ສະເໝີ. ຂໍຂອບໃຈໂຄງການນີ້ທີ່ເຮັດໃຫ້ຂ້ອຍໄດ້ມີສ່ວນຮ່ວມໃນໂຄງການທີ່ໃຫຍ່ກວ່າ ເພື່ອຊ່ວຍໃຫ້ນັກຮຽນຄົນອື່ນໆຄືຂ້ອຍໄດ້ມີໂອກາດເຂົ້າຮ່ວມນຳ.“
Arianna
Università di Pisa
“ໂຄງການນີ້ມອບປະສົບການທີ່ດີຫຼາຍໃຫ້ກັບຂ້ອຍ: ຂ້ອຍຮູ້ສຶກວ່າໄດ້ຮັບການສະໜັບສະໜູນຕະຫຼອດການເດີນທາງ, ແລະ ໄດ້ມີໂອກາດເຕີບໂຕ, ພັດທະນາທັກສະ ແລະ ຮຽນຮູ້ສິ່ງໃໝ່ໆທີ່ບໍ່ເຄີຍຮູ້ມາກ່ອນ. ຫາກທ່ານພວມຊອກຫາສະຖານທີ່ໆຈະຕ້ອນຮັບທ່ານຢ່າງອົບອຸ່ນ, ທີ່ນີ້ແມ່ນຄຳຕອບ. “
Giulia
Università di Pisa
ສະຖາບັນທີ່ເຂົ້າຮ່ວມ
ກວດສອບລາຍຊື່ສະຖາບັນທີ່ພວມເຂົ້າຮ່ວມໃນ WordPress Credits. ພວກເຂົາຮ່ວມກັນຊຸກຍູ້ການສຶກສາແບບໂອເພັນຊອດ ໂດຍການເຊື່ອມຕໍ່ນັກຮຽນ, ຄູອາຈານ ແລະ ຜູ້ປະກອບສ່ວນຈາກທົ່ວທຸກມຸມໂລກ.
ຫາກສະຖາບັນຂອງທ່ານຕ້ອງການເຂົ້າຮ່ວມເຄືອຂ່າຍທີ່ພວມເຕີບໂຕນີ້, ກະລຸນາ ລົງທະບຽນຄວາມສົນໃຈ ເພື່ອໃຫ້ພວກເຮົາສາມາດເຊື່ອມຕໍ່ ແລະ ວາງແຜນຂັ້ນຕອນຕໍ່ໄປຮ່ວມກັນ.
Universidad Fidélitas
San José, ຄອສຕາຣິກາ
ມະຫາວິທະຍາໄລ Riga Nordic
Riga, ລັດເວຍ
Universidad Privada Franz Tamayo
Santa Cruz & Cochabamba, ໂບລີວີ
Università di Pisa
Pisa, ອີຕາລີ
ການສຶກສາຂອງ Ahmad
Dhaka, ບັງກະລາເທດ
ມະຫາວິທະຍາໄລເສດຖະສາດ Krakow
Krakow, ໂປແລນ
ມະຫາວິທະຍາໄລເຕັກໂນໂລຊີ Cracow
Krakow, ໂປແລນ
IES Azarquiel
ໂຕເລໂດ, ສະເປນ
Creative Campus – Universidad Europea
ມາດຣິດ, ສະເປນ
Central New Mexico Community College
ແອວບູເຄີກີ, ສະຫະລັດອາເມຣິກາ
Drew University
ແມດິສັນ, ສະຫະລັດອາເມຣິກາ
Escuela de Arte Toledo
ໂຕເລໂດ, ສະເປນ
Escuela de Arte de Huesca
ອູເອສກາ, ສະເປນ
ERAP Research and Learning LLP
ໂກລກາຕາ, ອິນເດຍ
Juraj Dobrila University of Pula
ປູລາ, ໂຄຣເອເຊຍ
Escuela de Arte de Zaragoza
ຊາຣາໂກຊາ, ສະເປນ
IES Venancio Blanco
ຊາລາມັງກາ, ສະເປນ
Zaragoza Dinámica
ຊາຣາໂກຊາ, ສະເປນ
Meet our mentors and admins
ທີ່ປຶກສາ ແລະ ຜູ້ດູແລໂຄງການຂອງພວກເຮົາແມ່ນກຳລັງຫຼັກຂອງ WordPress Credits. ທີ່ປຶກສາຈະຊ່ວຍແນະນຳນັກຮຽນໃນກ້າວທຳອິດຂອງການມີສ່ວນຮ່ວມໃນໂອເພັນຊອດ, ຊ່ວຍພວກເຂົາກຳນົດໂຄງການທີ່ມີຄຸນຄ່າ, ສ້າງຄວາມໝັ້ນໃຈ ແລະ ພັດທະນາທັກສະຕົວຈິງຜ່ານການຮ່ວມມືກັບທີມງານ WordPress. ຜູ້ດູແລໂຄງການຈະຄອຍເບິ່ງແຍງໃຫ້ທຸກຂັ້ນຕອນດຳເນີນໄປຢ່າງຮຽບຮ້ອຍ, ຕັ້ງແຕ່ການເລີ່ມຕົ້ນໄປຈົນເຖິງການປະສານງານໂຄງການ ແລະ ການຮ່ວມມືກັບສະຖາບັນ. ທຸກຄົນຮ່ວມກັນສ້າງສະພາບແວດລ້ອມການຮຽນຮູ້ທີ່ເອື້ອອຳນວຍ ເຊິ່ງຊ່ວຍໃຫ້ນັກຮຽນສາມາດມີສ່ວນຮ່ວມຢ່າງມີເປົ້າໝາຍ, ເປີດໂອກາດໃໝ່ໆ ແລະ ກາຍເປັນສ່ວນໜຶ່ງຂອງລະບົບນິເວດ WordPress ທົ່ວໂລກ.
Our sponsors
WordPress.com ມອບໂດເມນ ພ້ອມກັບໂຮດຕິ້ງຟຣີ 1 ປີ ແລະ ສ່ວນຫຼຸດ 50% ເມື່ອຕໍ່ອາຍຸ
Weglot ມອບແຜນທຸລະກິດ (Business Plan) ໃຫ້ໃຊ້ຟຣີ 1 ປີ ເພື່ອແປເວັບໄຊຂອງທ່ານ
How to get involved
ເຂົ້າຮ່ວມໃນຖານະນັກຮຽນ
ໄດ້ຮັບປະສົບການຈາກໂລກຕົວຈິງ, ຮ່ວມເຮັດວຽກກັບທີ່ປຶກສາ, ມີສ່ວນຮ່ວມໃນໂຄງການ WordPress ແລະ ສ້າງທັກສະທີ່ຈະຊ່ວຍສົ່ງເສີມອາຊີບໃນອະນາຄົດຂອງທ່ານ ໃນຖານະສ່ວນໜຶ່ງຂອງຊຸມຊົນໂອເພັນຊອດລະດັບໂລກ.
ສະໝັກເປັນທີ່ປຶກສາ
ແບ່ງປັນປະສົບການຂອງທ່ານ ແລະ ຊ່ວຍແນະນຳນັກຮຽນຜ່ານໂຄງການໂອເພັນຊອດຕົວຈິງ, ພ້ອມທັງໃຫ້ຄຳແນະນຳ, ການສະໜັບສະໜູນ ແລະ ທິດທາງໃນຂະນະທີ່ພວກເຂົາຮຽນຮູ້ ແລະ ເຕີບໂຕ.
ສະໝັກເປັນສະຖາບັນພັນທະມິດ
ມາເປັນພັນທະມິດ ແລະ ມອບໂອກາດໃຫ້ນັກຮຽນໄດ້ຮັບປະສົບການຕົວຈິງ ພ້ອມທັງມີສ່ວນຮ່ວມໃນໂຄງການໂອເພັນຊອດລະດັບໂລກ. ການເຂົ້າຮ່ວມໂຄງການຈະຊ່ວຍໃຫ້ທ່ານນຳເອົານະວັດຕະກຳ ແລະ ການຮຽນຮູ້ແບບປະຕິບັດຕົວຈິງເຂົ້າສູ່ຫຼັກສູດຂອງທ່ານໂດຍກົງ.
ມີສ່ວນຮ່ວມໃນຖານະບໍລິສັດ
ເສີມສ້າງຊຸມຊົນໂອເພັນຊອດໃຫ້ເຂັ້ມແຂງ ໂດຍການສະໜັບສະໜູນນັກຮຽນຜ່ານການເປັນທີ່ປຶກສາ, ມອບເຄື່ອງມື ແລະ ຊັບພະຍາກອນທີ່ມີປະໂຫຍດ ຫຼື ການມີສ່ວນຮ່ວມອື່ນໆ ທີ່ຊ່ວຍເພີ່ມປະສົບການໃນໂຄງການ.
ເຂົ້າຮ່ວມຊຸມຊົນ
ເຂົ້າຮ່ວມຊ່ອງ Slack #wpcredits ເພື່ອແລກປ່ຽນໄອເດຍ, ຮ່ວມມືກັນ ແລະ ເຊື່ອມຕໍ່ກັບຜູ້ຈັດງານຄົນອື່ນໆ.
ຫາກທ່ານຍັງມີຄຳຖາມ ຫຼື ຕ້ອງການລາຍລະອຽດເພີ່ມເຕີມ, ທ່ານສາມາດຊອກຫາທຸກຢ່າງໄດ້ໃນ ຄູ່ມືນີ້.