Sun Protection Factor (SPF) på engelsk
Solfaktor er eit tal som viser kor godt ein solkrem vernar mot skadeleg stråling frå sola. Talet fortel kor mykje lenger ein kan vere i sola utan å bli solbrend, samanlikna med om ein ikkje bruker solkrem.
Eksempel: Solfaktor 15 gjer at det tek omtrent 15 gonger lenger tid å bli solbrend. Om ein normalt blir solbrend etter 10 minutt utan solkrem, vil solfaktor 15 gje vern i omtrent 150 minutt.
Solfaktoren blir målt på ein skala frå 0 til 100. Dei vanlegaste typane er:
Det finst solkrem med solfaktor heilt opp til 100, men dette er ikkje så vanleg.
Kor høg solfaktor ein treng, avheng av årstida, kvar ein bur i landet, og kva hudtype ein har. Små barn bør bruke høg solfaktor. Ein lys hudtype som blir fort raud, treng høgare faktor enn mørkare hudtypar, som har meir melanin.
I Noreg bør folk bruke solkrem med minst solfaktor 30 om sumaren.
Hudkreft kjem nesten alltid av sol eller at ein har brukt solarium. Solarium er ei maskin som lagar UV-strålar, og som folk bruker for å bli brune. Mykje sol gjer òg at huda ser eldre ut, og at ein mellom anna får rynker.
Når ein unngår å bli solbrend, er det mindre risiko for hudkreft. Å bruke solkrem gjer at ein unngår å bli brend.
