Suad Amiry
| Suad Amiry | |
|---|---|
.jpg) | |
| Genys |
1951  Damask |
| Kenedhlogeth |
 Palestayn |
| Alma mater |
|
| Galwesigeth |
pennser, jynner, skrifer |
| Arvether |
|
| Pewasow |
Viareggio-Versilia International Prize |
Suad Amiry (Arabek سعاد العامري) (genys 1951) ew awtour ha pednser a drig en cita Ramallah e’n Ladn West.
Adhysk
[golegi | pennfenten]Hy herens a vovyas dhort Palestayn dhe Amman en Jordan, etho megys veu ena. Hi a studhyas pednserneth en Universita Amerika en Beyrut, Universita Michigan hag Universita Karedin, Alban.
Bewnans personel
[golegi | pennfenten]Pan dhehwelas dhe Ramallah avel tornyas en 1981, hi a vetyas Salim Tamari, neb a’y demedhas woja hedna, ha gortos ena.
Resegva
[golegi | pennfenten]Treylyes veu hy lever Sharon and My Mother-in-Law dhe 19 yeth, an diwettha anodhans Arabek (an versyon a veu lever sowyh en Frynk). An lever a waynyas an Pewas Viareggio en Itali war-barth ha Manuela Dviri, jornalydh ha dramatydh italo-israelyek. Ledhys veu mab Dviri gen fusen Hezbollah pan oberi e’n lu israelyek.
Tredh 1991 dhe 1993 Amiry a veu esel a ganasedh kres palestinek en Washington, D.C.. Hi a bys dhe oberi gen kaskerghow kres benenes palestinek hag israelyek.
Tredh 1994 dhe 1996 hi o skoodhyer ismenyster gonisogeth an awtorita palestinek.[1]
Hi ew kevarwodher ha fondyer Kresen Riwaq rag Gwithans Pednsernethel (fondys veu an Gresen en 1991), an kensa a’y sort dhe oberi war withans ha dasdrehevel ertach pednsernethel en Palestayn.
Amiry o esel a veyni Universita Birzeit bys dhe 1991. Woja hedna hi a oberas dhe Riwaq lebma thew kevarwodher.[2] Apoyntys veu dhe vos iskaderyer Kesva Fydhyadoryon Universita Birzeit en 2006.
Riwaq
[golegi | pennfenten]Onan a ragdresow kensa Riwaq o gul rol a dherevyansow a werth istorek en Palestayn, kowlwres en 2004 hag a gomprehend 50,000 a dherevyansow, hanter anodhans magoryow. En 2001 Riwaq a lonchyas towlen deg bledhen rag gul hwelyow dre withans (tashgheel). Oberoryon a veu adhyskys dhe dhevnydhya daffar ha teknegow hengovek. En 2005 Riwaq a lonchyas ragdres '50 gwig' hag a with telleryow poblek ha gweres trevesigyon dhe nowetthe aga threven.[3] Riwaq a wrug ober posek ewedh e’n Gwigow Tron (qura karasi), kresyow tollans Ottoman. [4]
Levrow
[golegi | pennfenten]- Space, Kinship and Gender: The Social Dimension of Peasant Architecture in Palestine. University of Edinburgh Press (1987)
- The Palestinian Village Home. British Museum Press. (1989) gans Vera Tamari
- Traditional Floor Tiles in Palestine. Mongraf Riwaq. (2000)
- Earthquake in April. Institute of Palestine Studies. (2003)
- Sharon and My Mother-in-Law : Ramallah Diaries. Knopf Doubleday Publishing Group (2005)
- Nothing to Lose but Your Life: An 18-Hour Journey with Murad. (Paperback) Bloomsbury Qatar Foundation Publishing (2010)
- Menopausal Palestine: Women at the Edge. Women Unlimited. (2010)
- Golda Slept Here. Hamad Bin Khalifa University Press. (2014)
- My Damascus. Olive Branch Press. (2021 - Italian edition 2017)
Dustuni
[golegi | pennfenten]- ↑ https://www.penguinrandomhouse.com/authors/67530/suad-amiry/
- ↑ "About Riwaq". 10 December 2006. http://www.riwaq.org/about/about.html.
- ↑ Andrew Ross (sociologist)|Ross, Andrew (2019) Stone Men. The Palestinians Who Built Israel. Verso Books|Verso. Skantlyn:ISBN p.103
- ↑ Ross. p.114
Kevrennow dhe-ves
[golegi | pennfenten]- Riwaq Centre for Architectural Conservation
- Birzeit University
- Keskows Radyo - Recording dhyworth Woman's Hour der BBC Radio 4
- Vysyt dhe'n Gresen Palesteyn yn (Washington DC) rag keskows ha sina lyver. Redyewgh dasskrif warlinen po mirewgh orth gwydhyow a'y heskows
Ma an erthygel ma usya an Furv Skrifys Savonek a-barth Kernowek diwedhes.