WooCommerce

وەسف

WooCommerce سەکۆی بازرگانیی ئەلیکترۆنیی سەرچاوە-کراوەیە بۆ وۆردپرێس.

کرۆکی سەکۆکەمان ئازادە، توانای فراوانیی هەیە و بەهێزە بە کۆمەڵگەیەکی جیهانی. ئازادیی سەرچاوەکراوە واتای ئەوەیە تۆ بەتەواویی خاوەنی دراوە و ناوەڕۆکەکانی فرۆشگاکەتی بۆ هەمیشە.

جا تۆ بازرگانییەک بڵاودەکەیتەوە، فرۆشتنی فیزیکی دەکەیت بە سەرهێڵ، یان ماڵپەڕ بۆ کڕیارەکان دروست دەکەیت، (WooCommerce) بەکاربهێنە بۆ فرۆشگایەک کە بە شێوەیەکی بەهێز ناوەڕۆک و بازرگانیی تێکەڵ دەکات.

• فرۆشگای جوان و سەرنجڕاکێش دروست بکە بە ڕووکارەکان کە گونجاون لەگەڵ نیشانەی بازرگانی و پیشەسازییەکەت.
• داهاتت زیاد بکە بە ئەزموونێکی سەبەتەی کڕینی بەهێز کە کڕیاران ڕادەکێشێت.
• پەڕەکانی بەرهەم لە چەند خولەکێکدا دەستکاری بکە بە بەکارهێنانی بڵۆکەکانی بەرهەمـی پارچەیی.
• کاڵا فیزیکی و دیجیتاڵییەکان، گۆڕانکارییەکانی بەرهەم، شێوەپێدانە دەستکردەکان، داگرتنە دەستبەجێکان، و کاڵاکانی فرۆشیاری هاوبەش پیشان بدە.
• بەشداریکردن، جێ‌ڕاگرتن، یان ئەندامێتی بفرۆشە، بە زیادکراوە بەهێزەکانی گەشەپێدەرەکانمان.
• بچۆرە لووتکەی ئەنجامەکانی گەڕانەوە بە سوودوەرگرتن لە سوودی (SEO)ـی وۆردپرێس.
• لەسەر سەکۆیەک بنیاد بنێ کە گەشە دەکات. بازرگانیی ئەلیکترۆنیی گونجاو بۆ فرۆشگا قەبارە-گەورەکان بەدەستبهێنە.

هەموو ئەو ئامرازانەی پێویستتە بۆ فرۆشتن

ئامرازە جێگیرکراوەکان و تەواوکردنە بەناوبانگەکان یارمەتیت دەدەن بە کارایی کردارە بازرگانییەکانت بەڕێوەببەیت. زۆرێک لە ڕاژەکان بە خۆڕایی زیاد دەکرێن بە یەک کرتە لە ڕێگەی یارمەتیدەری جێگیرکردنـی ئارەزوومەندانەوە.

• هەڵبژێرە چۆن دەتەوێت پارە وەربگریت. بەئاسانی پارەدانەکان لە ئاسوودەیی فرۆشگاکەتەوە بەڕێوەببە بە (WooPayments) (لە ئەمریکا، بەریتانیا، ئێرلەندا، ئوسترالیا، نیوزیلەندا، کەنەدا، ئیسپانیا، فەڕەنسا، ئەڵمانیا، و ئیتاڵیا بەردەستە). بە شێوەیەکی پارێزراو کارتی کرێدت، جزدانی مۆبایل، گواستنەوەی بانکی، و پارەی کاش وەربگرە بەهۆی +100 دەرەڕێی پارەدانەوە – لەوانە Stripe، PayPal، و Square.
• هەڵبژاردەکانی گەیاندنت شێوەپێ بدە. نیشانەکانی (USPS) ڕاستەوخۆ لە داشبۆردەکەتەوە چاپ بکە و تەنانەت کاتی هەڵگرتنێکیش دابنێ بە (WooCommerce Shipping) (تەنیا بۆ ئەمریکا). پەیوەست بە لەگەڵ گەیەنەرە ناسراوەکاندا وەک UPS و FedEx – لەگەڵ کۆمەڵێکی فراوانی چارەسەرەکانی گەیاندن، کۆگا، و جێبەجێکردن بۆ ناوچەکەت.
• باجی فرۆشتن ئاسان بکە. (WooCommerce Tax) یان ڕاژە تەواوکراوە هاوشێوەکان زیاد بکە بۆ ئەوەی ژماردنی خۆکار بکەیت بە ڕاستی.

گەشە بە بازرگانییەکەت بدە، تایبەتمەندی زیاد بکە، و چاودێریی فرۆشگاکەت بکە

(WooCommerce) بۆ بازرگانی دروست کراوە. بە داشبۆردێکی ناوەندیی بەهێز و نەرم کە لەناو (WooCommerce)ـدا جێگیر کراوە، چاوت لەسەر گرنگترین پێوەرەکانی کارایی بێت.

بینەرەکانت لە سەرانسەری کەناڵەکانی بازاڕدۆزی و کۆمەڵایەتیدا فراوانتر بکە بە تەواوکردن لەگەڵ Google Ads، HubSpot، Mailchimp، و Facebook. هەمیشە دەتوانیت سەیری ناوەندی بازاڕدۆزیـی ناو-داشبۆرد بکەیت بۆ بیرۆکە و ئامۆژگاریی نوێ بۆ یارمەتیدانت لە سەرکەوتن.

کارایی فرۆشگا بەهێزتر بکە بە سەدان زیادکراوی خۆڕایی و بەپارە لە بازاڕی (WooCommerce)ـەوە. گەشەپێدەرەکانمان پشکنینی ورد بۆ هەر زیادکراوێکی نوێ دەکەن و بەردەوام پێداچوونەوە بە زیادکراوە بووندارەکان دەکەن بۆ پاراستنی بنەڕەتەکانی جۆرایەتیی بازاڕەکە. ئێمە بە شێوەیەکی چالاکانە بەدوای ئەو بەرهەمانەدا دەگەڕێین کە یارمەتیی دروستکەرانی فرۆشگا دەدەن بۆ دروستکردنی فرۆشگای سەرکەوتوو.

فرۆشگاکەت لە هەر شوێنێکەوە بەڕێوەببە بە بەرنامەی بەکاربەریی مۆبایلی خۆڕایی WooCommerce (Android و iOS). ئاگاداربە: گوێت لە دەنگی ئاگانامەی ‘چا-چینگ’ی کەمێک خووپێ‌گر بێت هەر جارێک فرۆشێکی نوێ ئەنجام دەدەیت!

خاوەنی دراوەی فرۆشگاکەت بە و کۆنترۆڵی بکە – بۆ هەمیشە

بە WooCommerce، دراوەکەت هی خۆتە. هەمیشە.

ئەگەر هەڵبژێریت دراوەی بەکارهێنان لەگەڵماندا هاوبەشی پێ بکەیت، دەتوانیت دڵنیابیت لەوەی کە بە نەناسراوی دەمێنێتەوە و بە پارێزراوی هەڵدەگیرێت. لە هەر کاتێکدا بڕیار بدە واز بهێنیت بەبێ کاریگەری لەسەر فرۆشگاکەت.

بە پێچەوانەی چارەسەرەکانی بازرگانیی ئەلیکترۆنیی خانەخوێکراو، دراوەی فرۆشگای (WooCommerce) داهاتوو-پارێزە؛ تۆ ئازادیت لە هەناردەکردنی هەموو ناوەڕۆکەکەت و گواستنەوەی ماڵپەڕەکەت بۆ هەر سەکۆیەک کە بتەوێت. بێ هیچ سنووردارکردنێک.

بۆچی گەشەپێدەران (WooCommerce) هەڵدەبژێرن (و خۆشیان دەوێت)

گەشەپێدەران دەتوانن WooCommerce بەکاربهێنن بۆ دروستکردن، کڕیارخوازکردن و فراوانکردنی فرۆشگایەک کە بەتەواویی لەگەڵ داواکارییەکانی کڕیاردا بگونجێت، ئەمەش لە ڕێگەی زیادکراوەکان یان چارەسەرە دەستکردەکانەوە.

• قولاپ و پاڵاوتنەکان بەکاربهێنە بۆ دەستکاریکردن یان دروستکردنی کارایی.
• بە بەکارهێنانی (REST API)ـیەکی بەهێز و وێبهووکەکان، نزیکەی هەر ڕاژەیەک تەواو بکە.
• بڵۆکی ناوەڕۆکی دەستکرد بە (React) دیزاین بکە و دروستی بکە.
• هەر ڕواڵەتێکی کۆدی پێوەکراوە ناوەکییەکە بپشکنە و دەستکاریی بکە.
• گەشەپێدان خێراتر بکە بە CLI.

سەکۆ ناوەکییەکە بەتوندی و زۆر جار تاقیدەکرێتەوە، لەلایەن تیمێکی گەشەپێدانی تایبەتەوە پشتگیری دەکرێت کە لە ناوچە کاتییە جیاوازەکاندا کار دەکەن. بەڵگەنامە گشتگیرەکان لەگەڵ هەر بڵاوکردنەوەیەکدا بەڕۆژدەکرێتەوە، کە توانات پێدەبەخشێت بەتەواوی ئەو فرۆشگایە دروست بکەیت کە پێویستتە.

ببە بە بەشێک لە کۆمەڵگە نێودەوڵەتییە گەشەکردووەکەمان

(WooCommerce) کۆمەڵگەیەکی گەورە و پڕ وزەی هەیە کە تایبەتە بە یارمەتیدانی فرۆشیاران بۆ سەرکەوتن – و بەخێرایی گەشە دەکات.

دیدارەکانی (WooCommerce) لە شوێنە جیاجیاکانی جیهاندا هەن کە دەتوانیت بە خۆڕایی بەشدارییان تێدا بکەیت و تەنانەت لە بەڕێوەبردنیاندا بەشدار بیت. ئەم بۆنانە ڕێگەیەکی نایابن بۆ فێربوون لەوانی تر، هاوبەشیکردنی شارەزاییەکانت، و پەیوەندیکردن لەگەڵ کەسانی هاوبیردا.

(WooCommerce) هەروەها ئامادەیی بەردەوامی هەیە لە WordCampـەکاندا لە سەرانسەری جیهان – خۆشحاڵ دەبین بە بینینت.

بەشداربە و وەریبگێڕە

(WooCommerce) لەلایەن (Automattic)، دروستکەرانی (WordPress.com) و (Jetpack)، گەشەی پێدەدرێت و پشتگیری دەکرێت. هەروەها سەدان بەشداریکەری سەربەخۆمان هەیە، و هەمیشە جێگە بۆ زیاتر هەیە. سەردانی کۆگای (GitHub)ـی (WooCommerce) بکە بۆ ئەوەی بزانیت چۆن دەتوانیت بەشدار بیت.

(WooCommerce) بۆ چەندین زمان وەرگێڕدراوە، لەوانە دانیمارکی، ئۆکراینایی، و فارسی. یارمەتیی بەخۆماڵیکردنی زیاتری (WooCommerce) بدە بە زیادکردنی زمانەکەی خۆت – سەردانی translate.wordpress.org بکە.

پەیوەستبوون بە WooCommerce.com

دەتوانیت فرۆشگاکەت بە WooCommerce.comـەوە پەیوەست بکەیت بۆ بەڕێوەبردنی بەشداریکردنەکانت لە بازاڕی (WooCommerce) و وەرگرتنی بەڕۆژکردنەوەکانی بەرهەم بەبێ جێهێشتنی بەڕێوەبەرایەتیی وۆردپرێس. پەیوەستبوونەکە دامەزراندنی بەرهەمە کڕدراوەکان ڕاستەوخۆ لە WooCommerce.comـەوە چالاک دەکات و دەستپێگەیشتن بە پشتگیریی تەکنیکی ئاسان دەکات. ئەگەر دەتەوێت بزانیت چ دراوەیەک کۆدەکرێتەوە و چۆن بەکاردەهێنرێت، تکایە سەیری سیاسەتی تایبەتێتیـمان بکە.