Aller au contenu

ArXiv

Si Wikipedia, tasanayt tilellit.
arXiv
Tuṭṭfa n ugdil n ArXiv-org 20140706
alugu n arXiv
Anawdépôt disciplinaire (fr) Suqel, serveur de préimpression (fr) Suqel, outil de science ouverte (fr) Suqel, tansa n web, base de données en ligne (fr) Suqel d base de données bibliographiques (fr) Suqel

arXiv neɣ arXiv.org d yiwen seg yismal n tussna imeqqranen deg umaḍal. D akufi umḍin anda imeskaren, imusnawen d yimnadiyen zemren ad serssen tizrawin-nsen tussnanin, ad tent-ǧǧen ad tent-ɣren medden s wudem ilelli(baṭel).

Iswi agejdan n arXiv d asnerni n ubeddel n tmusni tussnant, s usifses n unekcum ɣer tezrawin d yigemmaḍ n unadi ussnan. Deg unagraw aqbur n usuffeɣ ussnan, imnadiyen ilaq-asen ad ǧǧen tizrawin-nsen deg tesɣunin tussnanin, syin ad rǧun kra n wayyuren, tikwal ugar, uqbel ad d-ffɣent.

arXiv ibeddel tarrayt-a: imnadi yezmer ad yessufeɣ tazrawt-is uqbel ma tettwaqbel deg tesɣunt tussnant. S wakka, imusnawen n umaḍal zemren ad ɣren igemmaḍ imaynuten war ma rǧan asuffeɣ unṣib.

2. Amezruy n arXiv

[ẓreg | ẓreg aɣbalu]

2.1. Talalit-is deg 1991

[ẓreg | ẓreg aɣbalu]

arXiv yettwasnulfa-d deg useggas 1991 sɣur amesfiziki amarikan Paul Ginsparg.

Deg tazwara, isem-is yella hep-th, imi yettwasnulfa-d i usuffeɣ n tezrawin n tfizikt taẓrayant n tiẓwar s wudem afellay (high-energy theoretical physics).

Deg tallit-nni, imusnawen ttmeslayen gar-asen s tezrawin i ttazen s yimaylen neɣ s yisemliyen yettwaẓergen.

Paul Ginsparg yebɣa ad yesseɣti ugur-a s usnulfu n unagraw anda yal amnadi yezmer ad yessers tazrawt-is, yal yiwen ad tt-id-yawi.

2.2. Amhaz n usmel

[ẓreg | ẓreg aɣbalu]

Seg 1991 armi d ass-a, arXiv yedda seg yiwet n taɣult n tfizikt ɣer waṭas n taɣulin tussnanin.

Deg 2001, arXiv yuɣal ɣer usmel arXiv.org.

Deg 2011, Cornell University teṭṭef-d tawuri tagejdant deg usefrek-is.

Deg yiseggasen i d-iḍefren, arXiv yernu tiɣulin timaynutin, yessnerna allalen n unadi, yerna yessifses aṭas anekcum ɣer tezrawin tussnanin.

Ass-a, arXiv d yiwen seg yidigan igejdanen i seqdacen yimnadiyen, ladɣa deg tfizikt, tusnakt d tesnenselkimt.

3. Amek iteddu arXiv?

[ẓreg | ẓreg aɣbalu]

arXiv ur yettili ara am tesɣunt tussnant tamensayt. Yella umgired agejdan gar-asen.

3.1. Tazrawt uqbel asuffeɣ unṣib

[ẓreg | ẓreg aɣbalu]

Deg tesɣunin tussnanin, tazrawt tettɛeddi ɣef ukayad sɣur yimnadiyen-nniḍen uqbel ad tettwasuffeɣ.

Akayad-a qqaren-as s teglizit peer review, s tefransist évaluation par les pairs.

Deg arXiv, amnadi yezmer ad yessers tazrawt-is uqbel akayad-a.

Tazrawt am tin qqaren-as preprint, d awal i d-yemmalen tazrawt i d-yeffɣen uqbel asuffeɣ-is unṣib deg tesɣunt.

3.2. Asenqed n tezrawin

[ẓreg | ẓreg aɣbalu]

Ma yella arXiv ur yesseqdac ara akayad am win n tesɣunin tussnanin, aya ur d-yemmal ara belli yal tazrawt tettwaqbal war asenqed.

Yella deg-s unagraw n usenqed d usismel (moderation).

Imsenqaden ttwalin ma:

- Tazrawt teqqen ɣer yiwet n taɣult tussnant.

- Agbur-is yewulem i usmel.

- Tazrawt tettwasers deg taggayt iwulmen.

- Tella deg-s kra n tɣawsa i ixulfen ilugan n usmel.

Maca asenqed-a ur d-yemmal ara belli igemmaḍ n tezrawt ttwasentmen s wudem ussnan. D tamawt tagejdant i yal win ara yeɣren tizrawin deg arXiv.

3.3. Tizrawin s waṭas n ileqman

[ẓreg | ẓreg aɣbalu]

Amnadi yezmer ad yessers tazrawt, syin ad yesseɣti tuccḍiwin neɣ ad yernu igemmaḍ imaynuten.

arXiv yeḥrez ileqman yemgaraden n tezrawt.

Ihi, yiwet n tezrawt tezmer ad tesɛu:

- v1: lqem amezwaru.

- v2: lqem wis sin, deffir n useɣti.

- v3: lqem wis kraḍ, s yigemmaḍ imaynuten.

Tiɣula tussnanin yellan deg arXiv

[ẓreg | ẓreg aɣbalu]

arXiv yesɛa aṭas n tɣula tussnanin. Gar-asent:

Taɣult Isem s teglizit Tangalt
Tusnakt Mathematics math
Tafizikt Physics physics
Tasnenselkimt Computer Science cs
Tastrunumit Astronomy/Astrophysics astro-ph
Tidaddanin Statistics stat
Tafizikt n teẓwert tafellayt High Energy Physics hep
Tadamsa/Tussna n tenzzut Economics econ
Tussna tatiknikit Electrical Engineering and Systems Science eess
tasnudert Quantitative Biology q-bio
Tussna n yidrimen s tnecta Quantitative Finance q-fin

Aya yesɛa azal meqqren deg unadi, acku yezmer yiwen ad iẓer amek temhaz tezrawt seg lqem ɣer wayeḍ.

Yal taɣult tettwabḍa ɣer taggayin timeẓyanin.

4.1. Tigzi taragmawant

[ẓreg | ẓreg aɣbalu]

Deg taɣult n tesnenselkimt, ad naf taggayin am:

cs.AI — Artificial Intelligence

[ẓreg | ẓreg aɣbalu]

Tigzi taragmawant s umata: tarrayin n usnulfu n yinagrawen izemren ad xedmen kra n twuriwin i yeḥwaǧen tigzi.

cs.LG — Machine Learning

[ẓreg | ẓreg aɣbalu]

Almad n tmacint: tarrayin i yesɛan iswi ad slemden inagrawen umḍinen seg yisefka.

cs.CL — Computation and Language

[ẓreg | ẓreg aɣbalu]

Tasnenselkimt n tutlayt: tasleḍt n tutlayin s tmacinin, tasuqilt tawurmant, asenqed n uḍris d yinagrawen n tutlayt.

Taggayt-a tesɛa azal meqqren i win yebɣan ad yissin amek ttwasnulfan tudmawin(imudilen) imeqqranen n tutlayt (LLMs).

cs.CV — Computer Vision

[ẓreg | ẓreg aɣbalu]

Tamuɣli tasenselkimant: aselmed n tmacinin akken ad ɛeqlent ɣef tugniwin d yiferdisen yellan deg-sent.

4.2. Tusnakt

[ẓreg | ẓreg aɣbalu]

Deg tusnakt, ad naf taggayin am:

- math.AG: tasnakt n talɣiwin tijebrayin.

- math.NT: tiẓri n yimḍanen.

- math.PR: tiẓri n tlisa n wurman.

- math.LO: talɣa n usfukel asnaktan.

- math.DS: inagrawen idinamikanen.

Taggayin-a zemrent ad sɛunt azal meqqren i yimnadiyen n tesnakt, ladɣa wid ixeddmen ɣef teẓriwin timaynutin.

5. Azal n arXiv deg unadi ɣef tigzi taragmawant

[ẓreg | ẓreg aɣbalu]

Deg yiseggasen ineggura, arXiv yuɣal d yiwen seg yidigan igejdanen n usuffeɣ n tezrawin ɣef tigzi taragmawant.

Aṭas n yimnadiyen n taɣult-a srusun igemmaḍ-nsen deg arXiv uqbel ad ten-suffɣen deg tesɣunin neɣ deg yimagaren tussnanen.

5.1. Timudmin timeqqranin n tutlayt

[ẓreg | ẓreg aɣbalu]

Imnadiyen xeddmen ɣef:

- Tazmert n tmudmin n tutlayt.

- Aselmed n tmudmin s yisefka imeqqranen.

- Asifses n useqdec n tnezmart d teẓwert n uselkim.

- Aḥraz n tɣellist n yinagrawen n tigzi taragmawant.

- Asnerni n tzemmar n usfukel d usiḍen.

Deg arXiv, yezmer umnadi ad yaf tizrawin ɣef Transformers, diffusion models, reinforcement learning d waṭas n tarrayin-nniḍen.

5.2. Amek arXiv yettɛawan tutlayin timeẓyanin?

[ẓreg | ẓreg aɣbalu]

arXiv yezmer ad yesɛu azal meqqren i tutlayin am teqbaylit.

Amnadi yezmer ad yessers tazrawt ɣef:

Aselmed n tmudemt n tutlayt taqbaylit

Tazrawt tezmer ad d-tessegzi:

  • - Amek yettwagmer ummud n yisefka.
  • - Amek yettwaseɣti ummud-nni.
  • - Anta tarrayt n uselmed i yettwasqedcen.
  • - Amek tettwakayad tmudemt.
  • - D acu n yigemmaḍ i d-yewwi.

Aɛqal awurman n tira taqbaylit (OCR)

Amnadi yezmer ad yessers tazrawt ɣef umudil izemren ad iɛqel ɣef yisekkilen n teqbaylit deg tugniwin.

Deg tezrawt-a, yezmer ad yessegzi amek tamudemt yettɛemmil akked yisekkilen am:

ɛ, ɣ, ḥ, ṛ, ṣ, ṭ, ẓ, č, ǧ.

Aya yezmer ad yili d asurif ameqqran i usnerni n teqbaylit deg umaḍal umḍin.

6. Amek ara nadi ɣef tezrawin deg arXiv?

[ẓreg | ẓreg aɣbalu]

Aseqdec n arXiv ur yeḥwaǧ ara tasiregt neɣ amiḍan i tɣuri n tezrawin.

6.1. Anekcum ɣer usmel

[ẓreg | ẓreg aɣbalu]

Anekcum ɣer usmel agejdan:

arXiv.org — Aseɣzef n tezrawin tussnanin

Deg usmel, ad tafeḍ allal n unadi.

Tzemreḍ ad tnadiḍ s:

- Azwel n tezrawt.

- Isem n umnadi.

- Awalen igejdanen.

- Taɣult tussnant.

- Tangalt n tezrawt.

6.2. Amedya n unadi

[ẓreg | ẓreg aɣbalu]

Ma tebɣiḍ ad tafeḍ tizrawin ɣef tmudmawin n tutlayt, tzemreḍ ad tnadiḍ:

large language models

Neɣ:

low resource language models

Neɣ:

Amazigh natural language processing

Ma tebɣiḍ tizrawin ɣef teqbaylit, tzemreḍ ad tnadiḍ:

Kabyle language

Neɣ:

Berber language processing

6.3. Aɣuri n tezrawt

[ẓreg | ẓreg aɣbalu]

Yal tazrawt deg arXiv tesɛa asebtar-ines.

Deg-s, ad tafeḍ:

Title: azwel n tezrawt.

Authors: imnadiyen i tt-yuran.

Abstract: agzul n tezrawt.

Subjects: tiɣulin tussnanin i ɣer teqqen.

PDF: isemli n tezrawt s umasal n PDF.

Submission history: amezruy n yileqman-is.

Tzemreḍ ad teɣreḍ agzul, syin ad tessidreḍ isemli PDF ma tebɣiḍ ad tkemmleḍ taɣuri.

7. Amek ara tessuffɣeḍ tazrawt-ik deg arXiv?

[ẓreg | ẓreg aɣbalu]

Asuffeɣ n tezrawt deg arXiv yeḥwaǧ kra n yisurifen. Asurif amezwaru: Asnulfu n umiḍan, Ilaq ad tesɛuḍ amiḍan deg arXiv.

Asurif wis sin: Asewjed n tezrawt, Tazrawt ilaq ad tesɛu talɣa tussnant iwulmen. S umata, ilaq ad tili deg-s:

1. Azwel.

2. Isem n umnadi neɣ imnadiyen.

3. Agzul.

4. Tazwart.

5. Tarrayt n unadi.

6. Igemmaḍ.

7. Tasleḍt n yigemmaḍ.

8. Taggrayt.

9. Iɣbula tussnanen.

Talɣa-a tezmer ad temgired ilmend n taɣult d wanaw n tezrawt.

Asurif wis kraḍ: Afran n taɣult

Ilaq ad tferneḍ taggayt iwulmen i tezrawt-ik.

Amedya: ma txedmeḍ tazrawt ɣef OCR n teqbaylit, taggayt cs.CL tezmer ad tili d yiwet seg taggayin iwulmen, ilmend n uḍris n tezrawt.

Asurif wis ukkuẓ: Asers n tezrawt

Ad tesserseḍ ifuyla n tezrawt-ik. arXiv yesseqdac aṭas LaTeX, ladɣa deg tusnakt d tfizikt. Yettqebbil daɣen kra n yimassalen-nniḍen, ilmend n yilugan-is. Asurif wis semmus: Asenqed n Tezrawt tettɛeddi ɣef usenqed n usmel.

Kra n yimnadiyen imaynuten zemren ad ḥwaǧen "endorsement", d aseddu neɣ asezmel sɣur umseqdac yettwaqeblen deg taɣult-nni.

Ma tettwaqbel, tazrawt ad d-tban deg usmel. Iwakken ad tissineḍ ilugan unṣiben, wali arXiv Submission Help.

8. Tazrawt deg arXiv d tidet tussnant?

[ẓreg | ẓreg aɣbalu]

Ala, mačči yal tazrawt yellan deg arXiv d tidet tussnant yettwasentmen.

D yiwet n tɣawsa tagejdant i ilaq ad nefhem.

Tazrawt tezmer ad tesɛu:

- Tuccḍiwin deg yisiḍanen.

- Igemmaḍ ur nettwasekyaden ara.

- Tarrayt n unadi ur nelhi ara.

- Tarrayt n usfukel ur newwiḍ ara.

- Igemmaḍ i zemren ad ttwabeddlen s tezrawin i d-iteddun.

arXiv d allal n usuffeɣ d ubeddel n tmusni, mačči d aselkin aneggaru n tidet tussnant.

Amek ara nessenqed azal n tezrawt?

Ilaq ad nẓer:

1. Anwa i tt-yuran?

[ẓreg | ẓreg aɣbalu]

D imnadiyen n tesdawit? D agraw n unadi? Neɣ d wid ur nesɛi ara amezruy ussnan yettwassnen?

2. Tella tarrayt tussnant?

[ẓreg | ẓreg aɣbalu]

Ilaq ad nẓer ma igemmaḍ ttwasfuklen s tarrayt yettwasegzan.

3. Tella tarrayt n usekyed?

[ẓreg | ẓreg aɣbalu]

Ma tazrawt d tin n tesnenselkimt, yelha ma yella tangalt neɣ isefka i zemren wiyaḍ ad sqedcen i usɛiwed n ukayad.

4. Tettwasuffeɣ deg tesɣunt tussnant?

[ẓreg | ẓreg aɣbalu]

Ma tazrawt tettɛedda ɣef ukayad n yimnadiyen-nniḍen, aya yezmer ad yernu azal i tɣuri-s, maca ur d-yettak ara tamentilt taɣrudt n tidet n yigemmaḍ-is.

9. Azal n arXiv deg umaḍal ussnan

[ẓreg | ẓreg aɣbalu]

arXiv yessekcem-d abeddel ameqqran deg tarrayt n usuffeɣ n tmusni tussnant.

9.1. Asifses n unekcum ɣer tmusni

[ẓreg | ẓreg aɣbalu]

Deg waṭas n tesɣunin tussnanin, aɣuri n tezrawin tezmer ad teḥwaǧ lexlaṣ. arXiv, s umata, yessifses anekcum ɣer tezrawin war lexlaṣ. Aya yesɛa azal ladɣa i yimnadiyen n tmura anda tiẓrigin tussnanin d allalen n unadi ur ttwaṭṭafen ara s sshala.

9.2. Arured n usuffeɣ n yigemmaḍ

[ẓreg | ẓreg aɣbalu]

Deg unagraw amensay, asuffeɣ n tezrawt yezmer ad yeṭṭef aṭas n wakud. Deg arXiv, tizrawin yettwaqeblen zemrent ad d-ffɣent s zreb ugar. Aya yessifses beṭṭu n tmusni gar yimnadiyen.

9.3. Aḥraz n azray n unadi

[ẓreg | ẓreg aɣbalu]

arXiv yeḥraz azray n usuffeɣ n tezrawin. Ilaq ad nefhem belli azemz n usuffeɣ yezmer ad yesɛu azal deg unadi, acku yezmer ad d-yemmel melmi i d-yettwasekcem ugemmuḍ ussnan ɣer uẓeṭṭa n tezrawin. Maca azemz n usuffeɣ iman-is ur yettsebtay ara anwa i d-yesnulfan tikti tamezwarut.

9.4. Aɛiwen n yimnadiyen imaynuten

[ẓreg | ẓreg aɣbalu]

arXiv yessifses i yinelmaden n tesdawit d yimnadiyen imaynuten ad ɣren tizrawin timaynutin. Aya yezmer ad yernu deg usnerni n tmusni d uselmed n tarrayin n unadi.

10. Tilisa d wuguren n arXiv

[ẓreg | ẓreg aɣbalu]

Ɣas akken arXiv yesɛa aṭas n tzemmar, yella kra n wuguren.

Amezwaru: Ulac akayad ussnan amensay uqbel asuffeɣ.

Aya yezmer ad yeǧǧ kra n tezrawin i yesɛan tuccḍiwin ad d-ffɣent.

Wis sin: Tizrawin ur d-ttemlilent ara akk deg tɣara.

Kra seg-sent d tizrawin igerzen aṭas, kra-nniḍen ur sɛint ara tazmert tussnant tameqqrant.

Wis kraḍ: Aṭas n tezrawin.

I win i yettnadin deg yiwet n taɣult, yezmer ad yili d ugur ad yaf tizrawin i yesɛan azal ameqqran gar waṭas n yisemliyen.

Wis ukkuẓ: Asenqed n tezrawin ur d-yemmal ara aseddu n yigemmaḍ.

Yal win i yeɣren tazrawt ilaq ad yesɛu tamuɣli tusnant tameqqant, ad isenqed isfukal d yigemmaḍ.

11. arXiv d usnerni n tmusni deg Tefriqt Ugafa

[ẓreg | ẓreg aɣbalu]

arXiv yezmer ad yesɛu azal meqqren i yimnadiyen n Tefriqt Ugafa, ladɣa deg tmura anda anekcum ɣer kra n tesɣunin tussnanin yezmer ad yili d ugur.

I yinelmaden n tesdawiyin n Lezzayer, arXiv yezmer ad yili d aɣbalu ameqqran i:

- Tɣuri n tezrawin timaynutin.

- Asnerni n tmusni deg tusnakt d tfizikt.

- Almad n tarrayin n unadi.

- Asnulfu n yimudilen n tigzi taragmawant.

- Asnerni n yisnasen umḍinen s tutlayin timaziɣin.

Deg taɣult n tutlayin timaziɣin, arXiv yezmer ad yili d adeg anda imnadiyen ara ssersen tizrawin ɣef teqbaylit, tacelḥit, tarifit d tutlayin-nniḍen.

Maca ilaq ad nebḍu gar sin n yiswan: asuffeɣ n tezrawt deg arXiv d usnulfu n yisefka neɣ n yimudilen yeldin. arXiv iman-is ur d-yettak ara anagraw n uselmed n yimudilen.