glicybau
| jo'au lo bankle pe BPFK ku sa'e nai ru'e |


ni'o lo glicybau ja glibau va'i ku goi ko'a zi'e noi cmene ri bau ri fa zoi glico. English .glico cu bangu gi'e banjutsi lo sticygermo lo germo lo xinjoiro'o .i mu'a lo britygu'e .e lo merkygu'e .e lo sralygu'e .e lo kadnygu'e .e lo nuzlygu'e .e la .maltas. zo'u ko'a ralju lo se pilno be bu'u ru bangu
ni'o ko'a traji fi lo ro bangu fe lo ka ce'u xo kau da bangu .i ko'a verclibau ji'i 380 ki'o ki'o da .i lo jungybau .e lo xindybau cu zmadu ko'a lo ka ce'u xo kau da verclibau .i lo nu pilno ko'a kei fe'e so'i roi lo munje cu ca'irselzau .i ki'u bo lo bilni .e lo dinci'e .e lo saske .e lo jecra'a .e lo kulnu cu se xlura[to'i vlaxagji toi] lo brito zei sorgugje'a (to ca lo 17moi na'acto .e lo 18moi na'acto .e lo cfapau be lo 19moi bo na'acto toi) .e lo mergu'e (to co'a lo 19moi na'acto pe'e je ca'o ku toi)
ni'o lo citri
[binxo | stika lo krasi]- (to ralju ci'arvelski fa la'au citri lo glibau li'u toi)
ni'o lo ckini bangu
[binxo | stika lo krasi]ni'o tunba pe'a ko'a fa la'o me. Scots .me[to'i vlaxagji toi] .i tamne pe'a ko'a fa mu'a lo dotcybau .e lo nedlybau .i ji'a ko'a rorci pe'a so'o kre'olybau .i la .tok.pisin. .e la .bislamas. cu mupli lo se go'i
ni'o lo valsi be fi ko'a
[binxo | stika lo krasi].i ko'a vajykai lo ka so'i da poi ke'a smuni zo'u lo valsi be da bei ce'u cu za'u mei gi'e se menre su'o se cerda (to sticygermo toi) .e su'o fu'ivla be fo su'o fraso ja latmo ja xelso ja bergermo ku mu'a
ni'o ji'a lo valsi be fi ko'a cu so'i mei ma'i tu'a lo drata bangu .i lo misno vlaste po'u la'o gy. Oxford English Dictionary .gy se cmima za'u 500 ki'o valsi