Damba

Damba jest konstrukcija, ktora služi, že by prěponovati prohodu vody. Ona može byti prirodnoju ili umětnoju, sdělanoj iz zemje, kamenja ili betona. Može razměščati se paralelno ili perpendikularno potoku rěky ili kraju morja.

Cěljem budovanja damby jest odvračenje izměny kursa rěk i zaščita prilegloj k rěkě ili pribrěžju teritorije od potopov. Damby mogut byti prirodnymi hrebtami, formujučimi se podle brěga rěky, ili byti nasypom ili stěnoju, regulujučimi uravenj vody. Jednako, damby mogut škoditi okolnoj prirodě.

Drěvne civilizacije doliny rěky Ind, Mesopotamije, Kitaja i Mesoameriky budovali damby. Dnes jih možlivo najdti po vsemu světu. Jih razrušenje vslěd erozije ili inyh pričin može privesti k serioznym katastrofam, kak, napriměr, potop posle uragana Katrina v Novom Orleane v 2005 godu.

Iztočniky

Tutoj članok imaje prěvod iz članka «Dique» v Vikipediji na španskom (spis avtorov; dozvoljeńje CC BY-SA 4.0).