2. maí

Apr – Maí – Jún
Su	Má	Þr	Mi	Fi	Fö	La
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
31
2026 Allir dagar

2. maí er 122. dagur ársins (123. á hlaupári) samkvæmt gregoríska tímatalinu. 243 dagar eru eftir af árinu.

Atburðir

• 1368 - Þorsteinn Eyjólfsson hirðstjóri var hertekinn af lýbskum kaupmönnum á heimleið frá Noregi og fluttur til Lübeck, þar sem hann sat í fangelsi til 29. júlí.
• 1536 - Anne Boleyn, Englandsdrottning, var handtekin og ásökuð um sifjaspell, framhjáhald og drottinsvik.
• 1615 - Þrettán skip fórust og áttatíu menn drukknuðu í aftakaveðri á Breiðafirði.
• 1641 - Vilhjálmur af Óraníu gekk að eiga Henríettu Maríu Stúart, níu ára dóttur Karls 1. Englandskonungs.
• 1668 - Fyrsti friðarsamningurinn í Aix-en-Chapelle batt enda á Valddreifingarstríðið. Frakkar héldu Lille og svæðum á Flandri en létu Franche-Comté eftir.
• 1670 - Hudsonflóafélagið var stofnað með konungsleyfi.
• 1738 - Fyrsti ballettskólinn í Rússlandi var stofnaður og sá annar í heiminum.
• 1771 - Christian von Proeck stiftamtmaður á Íslandi var settur af vegna tregðu við að framfylgja konunglegum tilskipunum.
• 1803 - Bandaríkjamenn keyptu Louisiana af Frökkum.
• 1808 - Sjálfstæðisstríð Spánar gegn hernámsliði Frakka hófst.
• 1816 - Leópold af Saxe-Coburg, síðar fyrsti konungur Belgíu, giftist Karlottu Ágústu prinsessu af Wales.
• 1822 - Skipbrotsmenn af tveimur erlendum skipum komust til lands, á Vopnafirði, sextán manns, og við Glettinganes, sex manns. Bæði skipin höfðu farist í hafís.
• 1829 - Bretar stofnuðu fanganýlenduna við Svansá sem var upphafið að því sem varð nýlendan og síðar fylkið Vestur-Ástralía.
• 1879 - Spænski sósíalíski verkamannaflokkurinn var stofnaður.
• 1890 - Oklahoma varð skipulagt svæði, Oklahoma Territory (varð fylki 1907).
• 1891 - Thomas Edison sýndi hreyfimyndatækið kinetoscope.
• 1896 - Neðanjarðarlestarkerfið í Búdapest opnaði, annað elsta neðanjarðarlestarkerfi borga heims á eftir London (1890).
• 1897 - St. Paul, franskt spítalaskip, strandaði við Klöpp í Reykjavík. Skipið náðist út.
• 1919 - Tuttugu ljósmæður stofnuðu Ljósmæðrafélag Íslands, fyrsta stéttarfélag faglærðra kvenna á Íslandi.
• 1942 - Listamannadeilan: Jónas frá Hriflu lét taka niður háðungarsýningu á verkum íslenskra listamanna og setja í hennar stað upp sýningu á verkum sem væru til eftirbreytni.
• 1945 - Seinni heimsstyrjöldin: Sovétmenn lýstu því yfir að Berlín væri fallin í hendur þeirra.
• 1953 - Hússein Jórdaníukonungur var krýndur, 17 ára gamall.
• 1957 - Tvær nýjar millilandaflugvélar, Hrímfaxi og Gullfaxi, komu til landsins.
• 1962 - Sænska matvælafyrirtækið Findus var keypt af Nestlé.
• 1962 - S.L. Benfica sigraði Evrópubikarinn 1961-1962 með 5-3 sigri á Real Madrid.
• 1963 - Hundruð svartra Bandaríkjamanna, þar á meðal mörg börn, voru handtekin í Birmingham eftir mótmælagöngu gegn kynþáttaaðskilnaði.
• 1964 - Víetnamstríðið: Víet Kong-liðar sökktu bandaríska flugmóðurskipinu USNS Card í höfninni í Saígon.
• 1964 - Fyrstu stóru mótmæli stúdenta gegn Víetnamstríðinu fóru fram í New York og San Francisco.
• 1968 - Maíuppþotin í París hófust með því að stjórn Parísarháskóla í Nanterre ákvað að loka skólanum vegna árekstra við stúdenta.
• 1969 - Áætlunarskipið Queen Elizabeth 2 hélt í jómfrúarferð sína frá Southampton til New York.
• 1970 - Búrfellsvirkjun var vígð og formlega tekin í notkun.
• 1972 - 90 létust í eldsvoða í silfurnámu í Idaho í Bandaríkjunum.
• 1982 - Falklandseyjastríðið: Breski kjarnorkuknúni kafbáturinn HMS Conqueror sökkti argentíska varðskipinu ARA General Belgrano. Alls létu 323 lífið en 770 var bjargað.
• 1984 - Garðyrkjuhátíðin International Garden Festival hófst í Liverpool á Englandi.
• 1986 - Heimssýningin Expo 1986 var opnuð í Vancouver í Kanada.
• 1989 - Ungverjar hófu að taka Járntjaldið niður þegar 240 km af gaddavír voru fjarlægðir.
• 1992 - Jón Baldvin Hannibalsson, utanríkisráðherra, undirritaði samninginn um Evrópska efnahagssvæðið. Samningurinn er um tuttugu þúsund blaðsíður.
• 1993 - Fyrsti þátturinn í íslensku sjónvarpsþáttaröðinni Þjóð í hlekkjum hugarfarsins var sýndur á RÚV.
• 1997 - Tony Blair tók við embætti forsætisráðherra Bretlands eftir 18 ára stjórnartíð Breska íhaldsflokksins.
• 1998 - Ákveðið var að evran skyldi tekin upp 1. janúar 1999. Danmörk, Svíþjóð, Bretland og Grikkland ákváðu af ólíkum ástæðum að taka hana ekki upp.
• 2000 - GPS-kerfið var opnað að fullu fyrir almenna notendur.

• 2010 - Evrópusambandið og Alþjóðagjaldeyrissjóðurinn samþykktu 110 milljarða evru lán til Grikklands og settu skilyrði um mikinn niðurskurð og aðhald í ríkisfjármálum.
• 2011 - Osama bin Laden, leiðtogi hryðjuverkasamtakanna Al-Kaída, var ráðinn af dögum í árás Bandaríkjahers á felustað hans í Abbottobad í Pakistan.
• 2012 - Pastelútgáfa málverksins Ópið eftir Edvard Munch seldist fyrir 120 milljón dali á uppboði í New York-borg.
• 2014 - Bruninn í verkalýðsbyggingunni í Odessa 2014: 42 andstæðingar stjórnarinnar í Kíev létust í bruna í byggingu í Odessa eftir fjölmenn mótmæli.
• 2014 - Yfir 2000 manns fórust í skriðuföllum í norðurhluta Afganistan.
• 2016 - Leicester City varð meistari ensku úrvalsdeildarinnar í fyrsta sinn.

Fædd

• 1579 - Tokugawa Hidetada, japanskur herstjóri (d. 1632).
• 1601 - Athanasius Kircher, þýskur fræðimaður (d. 1680).
• 1660 - Alessandro Scarlatti, ítalskt tónskáld (d. 1725).
• 1675 - Þorlákur Thorlacius Þórðarson, skólameistari í Skálholti (d. 1697).
• 1722 - Gerhard Schøning, norskur sagnfræðingur (d. 1780).
• 1729 - Katrín mikla, keisaraynja Rússlands (d. 1796).
• 1737 - William Petty, jarl af Shelburne, breskur stjórnmálamaður (d. 1805).
• 1860 - Theodor Herzl, austurrískur blaðamaður (d. 1904).
• 1881 - Alexander Kerensky, sovéskur stjórnmálamaður (d. 1970).
• 1892 - Manfred von Richthofen, þýskur herflugmaður (d. 1918).
• 1903 - Bing Crosby, bandarískur söngvari og leikari (d. 1977).
• 1912 - Jan Morávek, austurrískur tónlistarmaður (d. 1970).
• 1921 - Satyajit Ray, indverskur kvikmyndagerðarmaður (d. 1992).
• 1930 - Jón Böðvarsson, íslenskufræðingur (d. 2010).
• 1943 - Teruo Nimura, japanskur knattspyrnumaður.
• 1945 - Judge Dread (Alexander Minto Hughes), breskur tónlistarmaður (d. 1998).
• 1951 - Jalil Zandi, íranskur flugmaður (d. 2001).
• 1955 - Donatella Versace, ítalskur fatahönnuður.
• 1968 - Kristín Ragna Gunnarsdóttir, íslenskur rithöfundur.
• 1971 - Arnar Þór Jónsson, íslenskur stjórnmálamaður.
• 1972 - Teruo Iwamoto, japanskur knattspyrnumaður.
• 1973 - Sigrún Hrólfsdóttir, íslensk myndlistarkona.
• 1974 - Garðar Thór Cortes, íslenskur söngvari.
• 1974 - Ricardo Lucas, brasilískur knattspyrnumaður.
• 1975 - David Beckham, enskur knattspyrnumaður.
• 1978 - Jón Þór Hauksson, íslenskur knattspyrnumaður.
• 1985 - Lily Allen, bresk söngkona.
• 1990 - Kay Panabaker, bandarísk leikkona.
• 2015 - Karlotta prinsessa af Cambridge.

Dáin

• 1519 - Leonardo Da Vinci, ítalskur málari og uppfinningamaður (f. 1452).
• 1679 - Jón Ólafsson Indíafari (f. 1593).
• 1945 - Martin Bormann, þýskur nasisti (f. 1900).
• 1957 - Joseph McCarthy, bandarískur stjórnmálamaður (f. 1908).
• 1969 - Franz von Papen, þýskur stjórnmálamaður (f. 1879).
• 1972 - J. Edgar Hoover, yfirmaður bandarískur alríkislögreglunnar (f. 1895).
• 1990 - Sigursveinn D. Kristinsson, íslenskt tónskáld (f. 1911).
• 2009 - Marilyn French, bandarískur rithöfundur (f. 1929).
• 2011 - Osama bin Laden, sádíarabískur hryðjuverkaforingi (f. 1957).
• 2011 - Shigeo Yaegashi, japanskur knattspyrnumaður (f. 1933).
• 2013 - Jeff Hanneman, bandarískur gítarleikari (Slayer) (f. 1964).