Cerpen Basa Bali
PEJALAN TRESNA TIMPAL SUJATI
Kacrita uli cenik suba Putu Dika matimpal ngajak Dek Ayu. Keto masih bapanne Putu Dika
ngajak bapanne Dek Ayu ento anak suba matimpal luung uli pidan. Lantas ne jani panak-
panakne masih bareng matimpal luung. Ne jani kacrita ia ajaka dadua ento uli TK kanti SMP
masekolah barengan. Dugase nu TK ia ajaka dadua ento satu kelas kija- kija setata barengan,
mula saja dugas nu cenik demen sajan ane madan meplalianan. Saling walek ajaka dadua
nanging tusing taen kanti miyegan krana ento tuah mecanda.
Suba lantas tamat TK, ne jani SD ne patuh masih keto masekolah barengan, nu tetap rumaket
pisan ia ajaka dadua ento matimpal. Sabilang lakar mejalan masuk Putu Dika ngalih Dek Ayu
mulihne apang bareng- bareng mejalan, keto masih di mulihne setata barengan. Di sekolahan ia
negak ajaka dadua. Di sekolahne ento masih ada les paplajahan lan les komputer. Ajaka dadue
ne rumasuk sisia ane jemet pesan, yen Putu Dika dugase SD taen nyarengin Pacentokan
Masatua Bali, yen Dek Ayu dugase SD keto masih taen nyarengin Pacentokann Utsawa Dharma
Gita, sebilang latihan keto masih pastika bareng- bareng ajaka dadua. Sing je ento dogenan keto
masih dugase SD ada ane madan parikrama Pramuka ditu di sekolahe, ia ajaka dadua ento
masih bareng Pramuka. Di Pramuka ne liu masih ada parikrama sekadi regu giat, kemah,
jambore, latihan baris berbaris, riang gembira lan sane lianan. Ajaka dadua ento demen sajan
bareng parikrama keto masih seneng nyarengin pacentokan ideh- ideh pasti dogenan
ngamolihang jayanti. Nem tiban makelone tusing kerasa galahe suba majalan, ajaka dadua ento
kacrita suba tamat SD.
Ne jani ia SMP ne buin masih barengan nanging kelasne malenan. Diapin je keto ia ajaka dadua
tetap metimpal luung. Glisang crita ne jani ia ajaka dadua ento suba tamat SMP, nanging rikala
lakar ngalih SMA ia ajaka dadua malenan sekolahne, yen Putu Dika ia ngalih SMK, yen Dek Ayu
ngalih SMA. Diapin malenan rasa matimpalne nu rumaket pisan, saling support ane melah krana
ento suba dadi pilihan, yen ada galah pasti melali nyempatang dogenan apang maan melali. Tan
kacrita risedek Putu Dika kari kelas 2 SMA ia suba kalahina mati teken bapanne krana gelem
suba makelo, sebet pesan kenehne.
Lantas ngorte ia ngajak Dek Ayu kene munyinne “Duhhh, sebet ajan keneh cang nok Dek jeg
suba saget kalahina mati cang ajak bapak cang nok, nyen men bin ne kal ngatehin cang ileh-
ileh. Hiksss hiksss”.
Mesaut lantas Dek Ayu kene munyinne “Sabar Putu, konyangan pasti kal mati kok maluan ajak
durinan gen. Emangne ci tega keto ningalin bapak ci ne makelo naanin sakit ?”.
Mesaut buin Putu Dika “Ajan je masih Dek ne jani bapak cang nak be tenang masih ditu, apang
ye sing sakit buin di kedituan”.
Lantas mesaut Dek Ayu “Nah, keto nae ci Putu harus sabar, ikhlas, lan tabah. Amor Ring Acintya
pak yan dumogi polih genah sane becik. Keto masih ci Putu, mare kene de nyen ci suud masuk.
Pokokne ci harus seleg melajah apang ci to ngidang tamat SMK apang bapak ci to bangga masih
ningalin ci di kedituan. Mesaut buin Putu Dika sambil ngelut Dek Ayu misi ngeling sig- sigan
ajaka dadua “Nah makasi je Dek cang sing bisa ngomong apa- apa buin ajak ci cang cuma
ngidang ngorang makasi gen ci suba teka masih mai hiksss hiksss”.
Sautina buin teken Dek Ayu “Nah santé gen Putu raga kan uli cenik metimpal lung masihe, jele
melah nyama gelah pokokne. Ci sing dadi makelo sebet pang lung pejalan bapak ci masih”.
Mesaut Putu Dika “Nah Dek suksma ping banget ne”.
Glisang crita ne jani bapakane Putu Dika sube meabenang, suba puput karyane. Sayan makelo
Putu Dika suba ngidaang ikhlas nerima keadaan cara kene ia tetap sabar keto masih ia tetap
lanjut masekolah apang bapanne masih demen ningalin Putu Dika ling kedituan. Ne jani Putu
Dika lan Dek Ayu suba madan tamat SMA/SMK, suba pada madan kelih. Nanging Putu Dika
tusing kone ye ngelanjutang kuliah buin, langsung ye megae masih suba je tamat SMK suba
ngelah skill lah keto masih kan suba taen training. Yen Dek Ayu ngelanjutang buin kuliah ditu di
Buleleng. Ne jani ajaka dadua ento kapah sajan ketemu krana suba pada ngelah geginan suba
pada sibuk teken urusanne diapin je keto nanging komunikasine tetap lancar. Apa buin jaman
jani suba canggih suba konyangan anake ngelah HP suba ngidang ane madan video call an.
Rikala ento nuju Dek Ayu liburan semester, keto masih Putu Dika sedeng libur tusing megae ye
nah ditu be ajaka dadua lantas ngorahang lakar melali bareng, ngilangin rasa kangen krana suba
makelo tusing maan ketemu. Ne jani tan krasa Dek Ayu maan liburan semester abulan, ditu
lantas Dek Ayu ngajakin Putu Dika melali ke Buleleng. Disubane neked di Buleleng Putu Dika lan
Dek Ayu melali ke Pantai Penimbangan Singaraja (Segara Penimbangan Singaraja) puniki pinaka
genah obyek wisata sane wenten ring Buleleng, Bali puniki silih sinunggil genah wisata sane
magenah ring margi Pura Segara Penimbangan, Desa Baktiseraga, Kecamatan Buleleng,
Kabupaten Buleleng, Bali, Indonesia.
Genah obyek wisata Segara Penimbangan Singaraja puniki becik pisan tur madue pesona sane
ngulangunin sane menarik risedek melancaran ke genahe puniki. Obyek wisata Segara
Penimbangan puniki pinaka genah rekreasi penduduk lokal utamannyane para yowana sane
seneng santai, ngerasayang seger nyane angin ring segara ne lan deburan ombak sane
ngulangunin, punika taler ring pasisi segara ne akeh wenten warung, irika nyayagayang ajengan
lokal minakadi blayag, jagung bakar, bakso beranak, roti bakar, es kuud, miwah ajengan lan
ineman sane lianan sane rasanyane jaen pisan. Rikala sanja nuju peteng, suasana sunset punika
pinaka silih sinunggil moment sane menarik.
Ring Segara Penimbangan Singaraja ento ia ajaka dadua ngorte saling pakedek pakenyung.
Putu Dika “Uweee, cang kangen ajan ajak ci nok Dek, suba makelo ajan raga sing taen ketemu
ne, sambil magelutan ajaka dadua”. Lantas mesaut Dek Ayu “Ajan nok Putu cang nak kangen
masih ajak ci”. Mesaut Putu Dika “Engken kuliah ci Dek ? Nyak lancar ?”. Mesaut Dek Ayu “Nah,
Astungkara lancar Putu jeg jalanin gen karena inilah sebuah perjuangan dimana kita itu
berproses. Karena semua yang terjadi tidak secara instan. Namun perlu proses untuk
mendapatkan hasil yang maksimal hehehe, be nyak alah Mario Gebuh cang Putu ? Wkwkwk”.
Mesaut Putu Dika “Ajum gen ci jani nok hahaha. Oh saja dija buin ade tongos melali dini ane
lung nah Dek ?”. Mesaut lantas Dek Ayu “Nah suud dini ajaka men buin melali ke Eks Pelabuhan
Buleleng”. Mesaut buin Putu Dika ‘Nah mai nae ajaka jani mejalan apang tusing enggalang
peteng”. Mesaut Dek Ayu “Lan Putu mai berangkat”. Kacrita ne jani ajaka dadua ento suba
neked di Eks Pelabuhan Buleleng, ring sekitar areal pelabuhan punika taler wenten akeh
pedagang kaki lima. Irika taler wenten restoran terapung, sane nyayagayang makudang- kudang
jenis kuliner sane spesial lan harga nyane terjangkau lan pas di kantong. Ne jani ajaka dadua
ento ngajeng di restoran terapung sambil ngarasayang deburan ombak ring pasihe lan angin
sane ngasirsir keto masih panorama rikala wengi sane becik.
Gelisang crita buin manine Dek Ayu ngajakin Putu Dika melali ke Air Terjun Blue Lagoon
(Puncak Sari Pool) puniki pinaka genah obyek wisata sane magenah ring Banjar Dinas
Pebantenan, Desa Ambengan, Kecamatan Sukasada, Kabupaten Buleleng, Bali, Indonesia. Air
Terjun Blue Lagoon puniki madue keindahan krana marupa kubangan yeh sane mawarna
kebiru- biruan. Lokasinyane sane indah tur alami, ngeranayang para wisatawan punika angob
melancaran ke genahe puniki. Lianan teken punika genah puniki taler madue spot foto sane
becik, nika sane ngeranayang wisatawan seneng melancaran ke genahe puniki lan pastika hasil
foto nyane melah. Punika taler ring genahe puniki akeh anake sane seneng ngelangi santukan
genah nyane sane becik lan yeh nyane sane ening. Ring Air Terjun Blue Lagoon puniki Putu Dika
ngorahang isi hatine yen ia demen teken Dek Ayu, di tongose ne Putu Dika lan Dek Ayu
ngadungang tresna ajaka dadua. Ditu lantas Putu Dika lan Dek Ayu medemenan ngeraketang
tresnane ajaka dadua. Air Terjun Blue Lagoon punika pinaka saksi tresnan Putu Dika lan Dek Ayu
rumaket dados siki.
Suba kerasa cara menyame tugelan, satya sajan matimpal uli cenik kanti jani. Ne suba ane
madan timpal sujati jele melah tetap bareng- bareng, suka duka menyama. Diapin suba pada
sibuk nanging pasti dogenan ada galah ketemu. Dumadak ja ajaka dadua ento rumaket pisan
pasawitrannyane ngantos lingsir. Keto masih tresnan ne dumogi langgeng ngantos mati.
