Syllabus

Syllabus
instantia de: documento[*]
subclasse de: catholic syllabus[*]
parte de: Quanta cura[*]

Photographia del papa Pio IX (c. 1864)

Le Syllabus errorum complectens praecipuos nostrae aetatis errores (Lista compilatori del principal errores de nostre tempore), cognoscite simplemente como Syllabus, es un documento de octanta punctos, publicate per le Sancte Sede in 1864, durante le pontificato de Pio IX, al mesme tempore que le encyclica Quanta cura. Illo es un scripto que condemna conceptos que le Ecclesia considera «errores moderne».

Le origines

In 1849, in un synodo provincial de Spoleto, essente archiepiscopo Gioacchino Pecci (futur Leon XIII), on proponeva le idea de facer un lista del errores moderne e condemnar los. Iste idea non succedeva, sed in 1850 le papa cargava le revista del jesuitas La Civiltà Cattolica de lansar le idea pro observar su grado de acceptation. Le reception esseva favorabile, e le papa pensava unir dicte condemnation del errores moderne al declaration del dogma del Immaculate Conception, a fin de mitter in relievo le puncto de ubi nasceva le errores del mundo moderne: le negation de lo supernatural. Le projecto esseva confidate a differente personas, inter illes Donoso Cortés, cercante le redaction de un bulla que serea accompaniate per le condemnation del errores moderne; sed bentosto on decideva separar ambe cosas, de modo que, a partir de un unic commission, on formava duo: un que se dedicarea a travaliar in le bulla e un altere que se occuparea del condemnation del errores moderne. Essente assi le cosas, on arrivava in le anno 1854 al conclusion del bulla con le definition del dogma del Immaculate Conception, remanente stagnate le travalio condemnatori del errores moderne.

Le avantiamento del Risorgimento unificator italian, in le qual le Curia roman videva le avantiamento del ideas liberal, poteva esser un motivo que accelerava le travalios de iste secunde commission, post que, coincidente con le ultime fase del unification de Italia, se consultava ab Roma differente personalitates in le ambito theologic, con de qui responsas se preparava in 1860 un elenco de theses condemnabile. In julio de ille mesme anno appareva un littera pastoral del episcopo de Perpignan, O. Gerbet, qui elaborava un lista condemnante le errores del mundo moderne.

Isto placeva a Pio IX, qui ordinava que se abandonava le schema anterior e se comenciava a travaliar super le littera pastoral del episcopo. Se formava assi un lista de 61 propositiones qualificate theologicamente, que se livrava a un serie de episcopos qui, invitate per Pio IX, veniva a Roma con motivo del canonisation del martyres de Japon. Dicite schema se filtrava in le pressa liberal e appareva publicate, suscitante un enorme polemica in le opinion public europee. Le projecto se frenava novemente, sed sin pressa on continuava a travaliar in illo, malgrado le opposition del cardinales del Sancte Officio, qui dubitava del labor e methodo que se sequevaPatrono:Cita requirite.

Con le Convention de septembre, post le derrota de Napoleon III contra Prussia, Francia retraheva su appoio a Roma e recognosceva le Regno de Italia, remanente assi le via libere pro conquirere le parve reducto que restava del Statos Pontificie. Iste esseva forsan le motivo que accelerava le travalios de condemnation, que se trovava sub le direction del P. Bilio, cardinal del ordine barnabita. Prendente como base 80 theses a partir de 32 documentos anterior de Pio IX, se redigeva tamben le encyclica Quanta Cura, que se publicava con le Syllabus le 8 de decembre 1864. Le Syllabus serea un lista del errores condemnate, durante que le Quanta Cura serea un explication de toto lo que le Syllabus condemnava.

Analyse del Syllabus

Le Syllabus comprehende 80 propositiones dividite in 10 capitulos. Iste propositiones se resume in 4 punctos fundamental:

• 1. Propositiones del 1 al 18: condemna le errores relative al fide: pantheismo, naturalismo, rationalismo tanto absolute como mitigate, indifferentismo, incompatibilitate inter le fide e le ration, etc. Illo include etiam le proposition 22 que condemna le non-submission del intelligentia al magisterio del Ecclesia.
• 2. Propositiones del 19 al 55: es illos relative al natura del Ecclesia, del Stato e le relationes inter ambes. On sublinea le libertate del Ecclesia, le subordination del Stato al moral christian e le existentia de derectos natural anterior al Stato e independente de illo. Illo condemna le separation inter le Ecclesia e le Stato.
• 3. Propositiones del 56 al 74: es illos relative al ethica. Illos presta attention special al maritage como sacramento, al mesme tempore que on condemna le moral laic, le utilitarismo (these 58) e le separation sacramento-contracto.
• 4. Propositiones del 75 al 80: affirma que le christianismo debe esser le religion de Stato e condemna le libertate de culto, pensamento, pressa e conscientia. Destaca le these que affirma que le Romano pontifice non pote conciliar se con le progresso, le liberalismo e le cultura moderne.

Conclusiones

Le puncto LXXX e ultime del Syllabus resumia iste documento pontificie, exprimente que:

Le Romano Pontifice [non] pote e [non] debe reconciliar se e [ni] transiger con le progresso, con le liberalismo e con le moderne civilisation.

Le Syllabus es un lista de errores, per lo tanto le 80 punctos de illo es affirmationes erronee que le Ecclesia non debeva acceptar. Per lo tanto lo que se esseva affirmante es que le Papa non pote reconciliar se e transiger con le progressismo, le liberalismo e le civilisation moderne, essente erronee e false secundo le Syllabus le affirmar le contrario. Iste ideas se developpa in un altere documento de Pio IX, le allocution Jamdudum cernimus (in latino: Nos ha vidite durante multo tempore) del 18 de martio 1861. Se establi un distinction inter ver e false civilisation (desde le puncto de vista del Ecclesia, se comprende). Affirma que le historia testifica le facto de que le Sancte Sede semper ha essite protectora e patrona del civilisation genuin (es dicer, christian). Si le progresso e le civilisation consiste in discristianisar le mundo (separation del Ecclesia e le Stato, libertate de conscientia e de culto), le Ecclesia nunquam pote tender le le mano in signal de pace a tal systema.

Polemicas suscitate per le Syllabus

Dum que le encyclica Quanta cura que accompaniava le Syllabus passava inapercepite, le Syllabus provocava certe commotion, post que illo chocava con le mentalitate del parte le plus influente del intellectualitate. Assi pois, illo trovava le applauso tanto de catholicos traditional como del liberales radical anticatholic, dum que le prejudicate esseva le catholicos liberal, qui videva in le Syllabus le condemnation de lor effortios conciliatori inter Ecclesia e mundo moderne. Multe governamentos prohibiva su impression, e le Sancte Sede debeva explicar le portata del Syllabus con le differentia inter these e hypothese: le Syllabus condemna le these (ideologia), lo que non exclude que illo se de como hypothese in alcun locos e circumstantias, de modo que si le Syllabus condemna le libertate de culto isto non implica que in alcun locos illo pote esser adequate stabilir le libertate de culto.

Catholicos intransigente como le jesuitas german dava un interpretation del Syllabus multo plus radical; dum que alteres, como le cardinal Rauscher, archiepiscopo de Vienna o le archiepiscopo de Paris Darboy, proponeva un altere puncto de vista al affirmar que le Syllabus non condemnava le libertates moderne in se mesme, sed le contexto historico-philosophic in que illos se incadrava e le pretension de annular le ordine supernatural, prescindente de illo. Le interpretation le plus autorisate del Syllabus esseva facite per Leon XIII, qui tentava ducer un linea complementari a lo de Pio IX, e que esseva non tanto insister in le errores moderne sed responder al defias que istos planteava.

Observationes final

Le Syllabus es le documento le plus discutite de Pio IX e le qual ha contribuite le plus a dar un impression de orthodoxia a su longe e fecunde pontificato, viste que illo condemna le libertate de culto e de conscientia e le indifferentismo, sub le criterio del magisterio traditional del Ecclesia, fidel al intransigentia in materia philosophic e politic. Illo es tamben probabilemente le documento le plus controverse del historia del Ecclesia, citate sempre per su inimicos como exemplo de "obscurantismo catholic".Patrono:Citation requirite

Un Syllabus reducite in le condemnation del americanismo

In responsa al propositiones conciliatori del cardinal James Gibbons e le episcopo John Ireland, le papa Leon XIII (successor de Pio IX) inviava un littera al citate cardinal, condemnante como heretic le nominate americanismo. Charles Maigneu, redactor del jornal catholic de Paris La Verité, publicava tunc un articulo titulate «un breve Syllabus» enumerante un serie de propositiones condemnate, que rememorava le Syllabus de Pio IX.

Ligamentes externe

• Encíclica Quanta cura y Syllabus
• Encíclicas del papa Pío Nono
• Patrono:Cita libro