Isaac Bashevis Singer
Isaac Bashevis Singer (c.1903 in Leoncin Imperio Russe [hodie in Polonia] – 24 de julio 1991 in Surfside, Florida, SUA) esseva un scriptor in le lingua yiddish e un ganiator del Premio Nobel.
Su patre esseva un rabbi chassidic (un currente reformista e mystic in le judaismo orthodoxe). Su matre esseva un filia de un rabbi misnagdic (orthodoxe ma anti-chassidic), e illa habeva un puncto de vista plus rationalistic in contrasto al mysticismo de su sposo le rabbi. Singer ha rejectate le orthodoxia de su parentes, influentiate per su fratre plus vetere, le scriptor Israel Joshua Singer.
Ille esseva un vegetariano pro rationes ethic e ha dicite in un interview con le New York Times que su vegetarianismo esseva "non pro mi sanitate, ma pro le sanitate del gallinas." [1]
Ille ha recipite le Premio Nobel pro Litteratura in 1978 "pro su passional arte narrative que, con radices in un tradition cultural polonese-judee, vivifica conditiones universal human"[2][3], e es le sol scriptor in yiddish qui ha ganiate lo.
Referentias
[modificar | modificar fonte]- ↑ https://www.nytimes.com/1978/11/26/archives/isaac-bashevis-singer-talks-about-everything-the-first-of-a-twopart.html
- ↑ Isaac Bashevis Singer al sito official del Premio Nobel
- ↑ In anglese: for his impassioned narrative art which, with roots in a Polish-Jewish cultural tradition, brings universal human conditions to life
Ligamines externe
[modificar | modificar fonte]
- Isaac Bashevis Singer al sito official del Premio Nobel.