Germania

Germania
Bandiera Scuto de armas
Hymno: national anthem of Germany
Nomine native	Bundesrepublik Deutschland, Deutschland
Classe	stato soveran[*], social state[*], stato de derecto[*], country bordering the Baltic Sea[*], pais
Pais	Germania
Capital	Bonn, Berlin, Berlin
Population	83 577 140
Area	357 587,77 km²
Coordinatas	51°N, 10°E
Linguas official	germano
Fuso horari	Europe/Berlin[*], UTC+01:00, Hora Central Europee[*], UTC+02:00[*], Central European Summer Time[*]
Codice telephonic	+49
Valuta	Deutsche Mark[*], Euro
Dominio de Internet	.de[*]
ISO 3166-1 alpha-2	DE
ISO 3166-1 alpha-3	DEU
ISO 3166-1 numeric	276
Codice IOC	GER
Geonames ID	2921044
Sito web: https://verwaltung.bund.de
Wikimedia Commons Category Germany

Germania, pais localisate in Europa central. Germania se cognosce officialmente como Republica Federal de Germania (RFG; in germano: Bundesrepublik Deutschland).

Geographia

Germania borda al nord con le Mar del Nord, Danmark e le Mar Baltic; al est con Polonia e le Republica Chec; al sud con Austria e Switza, e al west con Francia, Luxemburg, Belgica e le Paises Basse.

Historia

Durante le major parte de su historia, Germania esseva un termino geographic utilisate pro designar un area occupate per varie statos. Illo se convertiva in un stato unificate durante 74 annos (1871-1945), ma esseva dividite al fin del Secunde Guerra Mundial in le Republica Federal de Germania (RFG, cognoscite como Germania Occidental) e le Republica Democratic German (RDG, cognoscite como Germania Oriental). Le 3 de octobre de 1990, le RDG deveniva parte del RFG, per lo que Germania deveniva un nation unificate. Berlin es le capital e le citate plus importante del moderne Germania.

Statos federal de Germania

• Baden-Württemberg
• Basse Saxonia
• Bavaria
• Berlin
• Brandeburgo
• Bremen
• Hamburgo
• Hesse
• Mecklenburgo-Pomerania Occidental
• Rhenania del Nord-Westfalia
• Rhenania-Palatinato
• Saarland
• Saxonia
• Saxonia-Anhalt
• Schleswig-Holstein
• Thuringia

Politica

Germania es un republica federal, parlamentar, representative e democratic. Le poter legislative federal es investite in le parlamento consistente del Bundestag (Dieta Federal) e del Bundesrat (Consilio Federal), que insimul forma le corpore legislative. Le Bundestag es eligite per electiones directe usante le systema de representation proportional a membro mixto. Le membros del Bundesrat representa e es nominate per le governamentos del dece-sex statos federal.

Le systema politic german opera sub un quadro stabilite in le constitution de 1949 cognoscite como le Grundgesetz (Lege Fundamental). Emendamentos generalmente require un majoritate de duo tertios tanto in le Bundestag como in le Bundesrat; le principios fundamental del constitution — exprimit in le articulos que garanti le dignitate human, le separation del poter, le structura federal e le stato de derecto — es valide in perpetuitate.

Le presidente, qui es Frank-Walter Steinmeier depost 2017, es le chef de stato e es investite principalmente con responsabilitates e poter representative. Ille es eligite per le Bundesversammlung (Convention Federal), un institution consistente del membros del Bundestag e de un numero equal de delegatos del statos. Le secunde plus alte official in le ordine de precedentia german es le Presidente del Bundestag, eligite per le Bundestag e responsabile de diriger le sessiones quotidian del corpore. Le tertie plus alte official e chef del governamento es le cancellario federal, nominate per le Presidente federal post esser eligite per le partito o coalition con le plus grande numero de sedes in le Bundestag. Le cancellario, qui es Friedrich Merz depost 2025, es le chef del governamento e exerce le poter executive per medio de su Gabinete.

Depost 1949, le systema de partitos ha essite dominate per le Union Democratic Christian de Germania e le Partito Democratic Social de Germania. Usque ora, omne cancellario ha essite membro de un de iste partitos. Nonobstante, le plus parve Partito Democratic Libere e le Alliantia 90/Le Verdes ha equalmente essite partenarios junior in governamentos de coalition. Depost 2007, le partito democratic socialiste Le Sinistra ha essite un elemento stabile in le Bundestag, como etiam le partito populista de derecta Alternativa pro Germania depost 2017.

Parlamento del Republica Federal

In le parlamento german il ha 736 membros, eligite omne quatro annos.

Situation post le election del 26 de septembre 2021:

Gruppo politic	Abbreviation	Numero de membros
Partito Union Christian Democratic	CDU	197
Partito Socialdemocrate German	SPD	206
Partito Sinistre	Linke	39
Partito Verde / Coalition 63	G / B90	118
Partito Union Christian Social	CSU	45
Alternative por Germania	AfD	80
Partito Libere Democratic	FDP	92
Total		736

Demographia

Germania es un pais con un alte population pro area.

Sequente un calculo de anno 2011 Germania ha 80.767.463 habitantes.

In 2010 le habitante medie habeva un etate de 43,7 annos e in 2013 un femina medie habeva 1,41 infantes. Malgrado cuje Germania ha plus mortes como nascentias le population de Germania incerar per immigration.

74 million habitantes ha un burgesia de Germania e 20% ha un origine non german.

Sport

Le sport plus popular in Germania es football. Germania esseva quatro vices campion del mundo (1954, 1974, 1990, 2014) e duo vices le campionato del mundo del football eveniva in Germania (1974 e 2006).

Religion

Religiones de Germania del Est

• 31,2 % - catholicos roman
• 30,8 % - protestantes
• 30,0 % - sin religion
• 3,9 % - islamitas (3,2 mio.).
• 3,0 % - orthodoxes

Referentias

Le 27 statos membros del Union Europee

 Austria ·  Belgica  ·  Bulgaria  ·  Croatia  ·  Cypro  ·  Danmark  ·  Espania  ·  Estonia  ·  Finlandia  ·  Francia  ·  Germania  ·  Grecia  ·  Hungaria  ·  Irlanda  ·  Italia  ·  Lettonia  ·  Lituania  ·  Luxemburg  ·  Malta  ·  Pais Basse  ·  Polonia  ·  Portugal  ·  Republica Chec  ·  Romania  ·  Slovachia  ·  Slovenia  ·  Svedia