.nl
| .nl | |
|---|---|
 | |
| Տեսակ | վերին մակարդակի ազգային դոմեն |
| Երկիր |  Նիդերլանդներ |
| Ներդրվել է | ապրիլի 25, 1986 |
| Օպերատոր | Stichting Internet Domeinregistratie Nederland? |
| Փյունիկոդ | nl |
| Կայք | sidn.nl |
.nl, Նիդերլանդների վերին մակարդակի ազգային դոմեն (ccTLD)։ Ամենատարածված ccTLD-ներից մեկն է՝ վեց միլիոնից ավելի գրանցված .nl դոմեններով՝ 2020 թվականի սեպտեմբերի 29-ի դրությամբ[1]: Երբ cwi.nl-ը գրանցվեl 1 Centrum Wiskunde & Informatica- ի կողմից 1986 թվականի մայիսի 1-ին, .nl-ը դարձել է առաջին ակտիվ ccTLD-ն Միացյալ Նահանգներից դուրս[2]։
Գրանցում
[խմբագրել | խմբագրել կոդը]1996 թվականի հունվարի 31-ից .nl դոմեններ են գրանցվել Stichting Internet Domeinregistratie Nederland ի կողմից։ (SIDN, անգլերեն՝ Foundation for Internet Domain Registration Netherlands), որը գտնվում է Առնհեմում[3]։ Գրանցողների մեծ մասը ինտերնետ մատակարարներ, տեղեկատվական տեխնոլոգիաների ծառայությունների բյուրոներ և լրատվամիջոցների ծառայությունների բյուրոներ են, սակայն մի քանի խոշոր ձեռնարկություններ՝ բազմաթիվ ապրանքանիշերով, նույնպես դարձել են գրանցող կամ մասնակից, ինչպես դրանք անվանում է SIDN-ը, ինչը բավականին անսովոր երևույթ է դոմենային անունների ոլորտում։ Գրանցողները պետք է վճարեն SIDN-ին յուրաքանչյուր դոմենի համար 1996 թվականի ապրիլի 1-ից ի վեր, մինչ այդ գրանցումը անվճար էր։ SIDN-ը ուղղակիորեն գործ չի ունենում գրանցվողների հետ։ Սկզբնական շրջանում գրանցվողների մեծ մասը համալսարաններ և խոշոր ընկերությունների հետազոտական բաժիններ էին, ինչպիսին է Philips Natuurkundig Laboratorium-ը։
Երկրորդ մակարդակի դոմեններ
[խմբագրել | խմբագրել կոդը]Պաշտոնական երկրորդ մակարդակի դոմեններ գոյություն չունեն։ Մի շարք ընկերություններ օգտվել են հնարավորությունից և գրանցել դոմեններ, ինչպիսիք են co.nl-ը և com.nl-ը, դրանք օգտագործելով երրորդ մակարդակի դոմեյններ վաճառելու համար։ Սրանք կապված չեն SIDN-ի հետ[4]։
Անհատներին թույլատրվում էր գրանցել երկրորդ մակարդակի .nl դոմեն 2003 թվականից ի վեր: Նախորդող շրջանում անհատներին թույլատրվում էր գրանցել երրորդ մակարդակի դոմեն 2000 թվականից ի վեր: Նման «անձնական դոմեյնները» ունեին հետևյալ տեսքը՝ janjansen.123.nl: Դրանք երբեք ժողովրդականություն չեն վայելել, և գրանցումը կասեցվել է 2006 թվականից ի վեր: Քանի որ գրանցված էր ընդամենը մոտ 500 նման դոմեն՝ մոտ 5 միլիոն երկրորդ մակարդակի դոմեյնների համեմատ, SIDN-ը հայտարարել է անձնական դոմեյնների դադարեցման մասին 2008 թվականից՝ 2007 թվականի հուլիսի 4-ին[5]:
Տեխնիկական սահմանափակումներ
[խմբագրել | խմբագրել կոդը]Ի տարբերություն վերին մակարդակի դոմեյնների մեծամասնության, .nl-ը պահանջում է, որ յուրաքանչյուր անվան սերվեր օգտագործի եզակի IP հասցե[6]։ Պետք է սահմանված լինեն առնվազն երկու անվան սերվեր, ինչը նշանակում է, որ պետք է օգտագործվեն առնվազն երկու տարբեր IP հասցեներ։ Այս պահանջը ունեցող այլ TLD-ներն են .ca-ն և .cn-ը[7]։
Նիդերլանդների Թագավորության ներքո գտնվող այլ երկրի կոդով TLD-ներ
[խմբագրել | խմբագրել կոդը]- .an – ccTLD նախկին բազմազգ Նիդերլանդական Անտիլյան կղզիների ֆեդերացիայի համար
- .aw – ccTLD Արուբայի համար
- .bq – ccTLD Կարիբյան Նիդերլանդների համար ( Բոնեյրե, Սինթ Էվստատիուս և Սաբա կղզի)
- .cw – ccTLD Կյուրասաոյի համար
- .sx – ccTLD Սինտ Մաարտենի համար
Ծանոթագրություններ
[խմբագրել | խմբագրել կոդը]- ↑ «.nl statistieken | SIDN Labs». .nl statistieken | SIDN Labs (հոլանդերեն). Վերցված է 2025 թ․ նոյեմբերի 6-ին.
- ↑ «Our milestones». SIDN. Արխիվացված է օրիգինալից 2020 թ․ օգոստոսի 8-ին. Վերցված է 2020 թ․ դեկտեմբերի 1-ին.
- ↑ «Contact». SIDN (հոլանդերեն). Վերցված է 2016 թ․ հոկտեմբերի 8-ին.
- ↑ «Frequently asked questions». Domain.co.nl. Վերցված է 2016 թ․ հոկտեմբերի 8-ին.
- ↑ «.nl - .nl General Information - Register .nl - Dutch Domains». www.nominate.com (English). 2025 թ․ նոյեմբերի 4. Վերցված է 2025 թ․ նոյեմբերի 6-ին.
{{cite web}}: CS1 սպաս․ չճանաչված լեզու (link) - ↑ «About .nl Domains». GoDaddy.com.
- ↑ «How do I register personal nameservers for my domain?». Namecheap.com.
Արտաքին հղումներ
[խմբագրել | խմբագրել կոդը]- IANA .nl whois տեղեկություն Արխիվացված 2008-08-21 Wayback Machine
- .nl Domain Delegation Data
- .nl Registry website
- List of .nl registrars