تقريبا من كتر ما اتعاملت مع ديفلوبرز فاتعودت انهم ملهمش خلفية في الماركتينج ولازم اقولهم الحاجة بالمللي عشان تتعمل صح ولازم ابعت documentations وامثلة وشوية وهقوم اكتب الكود وهما يراجعوا عليه عشان ننجز وقت ومجهود ضايع
بس جيه Hesham Saad قولتله انا عايز موقع ووكومرس هستخدمه في كذا وسكت على كده، قالي حاضر وعنيا وهظبطه بالشكل اللي يتماشى مع الاودينس بتاعك وهعمل كل الاساسيات اللي تضمنلك كونفرجن ريت محترم ونتايج كويسة …الخ
كنت مستغرب واللي هو طب حلو والله الكلام ده بس لما نشوف
وطبعا متعود عالتأخير والتأجيل شوية من الديفلوبرز واني لازم اتابع ولو الموضوع واقف على حاجة فلازم اكون موجود عشان تتحل وهما يكملوا شغل
انا يادوب اتسحلت في شوية شغل يومين كده ولقيته باعتلي الموقع وبيقولي خلصت كل حاجة جرب وقولي لو عايز اي تعديلات 🤔
فتحت الموقع ومستني اطلع كمية الاخطاء والمشاكل في ال responsive والحاجات اللي كانت معمولة dummy كده ومن غير css وال alignment اللي رايح في داهية وما الى اخره من شغل بشوفه من ديفلوبرز كتير للأسف
ولكن الموقع كان من كتر ماهو مش ناقصه حاجة كنت عمال بعدل معاه في حاجات تافهة عشان احس اني شاركت بحاجة، اللي هو هات دي يمين شوية طب دي خليه باللون ده وتبقى بولد 😂
فالحقيقة هشام بيتميز بـ
✅ سرعة في التسليم
✅ جودة عالية وزي ما بنقول (تقفيل شغل مظبوط)
✅ مساعدة تامة بكل الاشكال وبو فيه اي مشكلة ثواني ويروح باعتلك فيديو يقولك بتتعمل ازاي عشان تبقى فاهم انت وقادر تتعامل لوحدك
✅ اي حاجة محتاجة تعديل يقولك شوية او بالكتير بكرة الصبح (لو انت طالبها بليل) وتكون خلصانة
✅ فاهم هو بيعمل الويب سايت لـ ايه ولمين فبي customize الدنيا وبيريحك من هاسل كتير
