Vietnam
| Vietnam | |||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||||||||||||||||||||||||||
| |||||||||||||||||||||||||||||||||||||||||||
| |||||||||||||||||||||||||||||||||||||||||||
| |||||||||||||||||||||||||||||||||||||||||||
| |||||||||||||||||||||||||||||||||||||||||||
| |||||||||||||||||||||||||||||||||||||||||||
| |||||||||||||||||||||||||||||||||||||||||||
| |||||||||||||||||||||||||||||||||||||||||||
| |||||||||||||||||||||||||||||||||||||||||||
| |||||||||||||||||||||||||||||||||||||||||||
| Wikidata G:Commons C:Commons | |||||||||||||||||||||||||||||||||||||||||||
Vietnam[1] (en vietnamita: Việt Nam viət˨ næm˧),[a] oficialmente República Socialista de Vietnam (en vietnamita Cộng hòa Xã hội chủ nghĩa Việt Nam (
listen)) é o país máis oriental da Península de Indochina, no sueste asiático. Cunha poboación estimada de 90 millóns de habitantes, é o décimo terceiro país máis poboado do mundo, e o oitavo de Asia. O nome Vietnam, que se traduce por "Viet do sur" (sinónimo do termo antigo Nam Viet), foi oficialmente adoptado en 1802 polo Emperador Gia Long, e foi recuperado de novo en 1945 coa fundación da República Democrática de Vietnam baixo Ho Chi Minh. O país limita con China ó norte, Laos ó noroeste, Camboxa ó suroeste e o mar da China Meridional ó leste.[2] A capital é Hanoi dende a reunificación de Vietnam do Norte e do Sur en 1976.[3]
Vietnam foi parte da China Imperial por máis dun milenio, dende o -111 ata o 938. Os vietnamitas conseguiron a independencia despois de conseguir a vitoria na Batalla do río Bạch Đằng. Floreceron sucesivas dinastías reais, e a nación estendeuse xeograficamente e politicamente no sueste asiático, ata que a Península de Indochina foi colonizada polos franceses a mediados do século XIX. Despois da ocupación xaponesa na década de 1940, os vietnamitas loitaron contra o goberno francés na primeira guerra de Indochina, expulsándoos en 1954. Vietnam foi dividida politicamente en dous estados, Vietnam do Norte e do Sur. Os conflitos entre os dous intensificáronse, coa forte intervención dos Estados Unidos, na que se coñece como guerra de Vietnam. A guerra rematou coa vitoria norvietnamita en 1975.
Vietnam foi unificado baixo un goberno comunista pero permaneceu empobrecida e politicamente illada. En 1986, o goberno iniciou unha serie de reformas económicas e políticas que significaron para Vietnam o camiño da integración no mundo económico.[4] No 2000, estableceu relacións diplomáticas con moitas nacións. Dende o 2000, o crecemento económico de Vietnam situouse entre os máis altos do mundo,[4] e, no 2011, tivo os máis altos indicadores de crecemento entre as 11 meirandes economías.[5] As reformas económicas deron como resultado a súa unión á Organización Mundial do Comercio no 2007.
Porén, malia os avances que experimentou nos últimos anos, o país aínda padece de altos niveis de desigualdade, disparidade de acceso á asistencia sanitaria, e falta de igualdade de xénero.[6][7][8][9][10]
Historia
[editar | editar a fonte]- Artigo principal: Historia de Vietnam.
Introdución
[editar | editar a fonte]A maior parte da súa historia estivo gobernada por varias dinastías do Imperio Chinés e propias. Vietnam obtivo a súa independencia nos inicios do século X e a súa autonomía total un século despois. O período de goberno das dinastías nativas rematou a mediados do século XIX, cando o país foi colonizado por Francia. Durante a segunda guerra mundial, o Xapón ocupou Vietnam; pero respectou a autoridade francesa por ser o Goberno de Vichy colaboracionista coa súa aliada, a Alemaña nazi. Foi cara a fin deste conflito cando os xaponeses trataron de exterminar o poder francés por sospeitar dun apoio a unha invasión aliada. Nesta situación, Ho Chi Minh proclamou a República Democrática de Vietnam.
Ó rematar a guerra, Francia intentou restablecer o seu control; pero fallou e comezou a guerra de Indochina que finalmente perdeu. A Conferencia de Xenebra de 1954 dividiu o país en dous: Vietnam do Norte e Vietnam do Sur. Durante a guerra fría, o norte recibiu o apoio da República Popular da China e a Unión Soviética, mentres que o Sur obtivo o apoio dos Estados Unidos. Axiña as tensións levaron á guerra de Vietnam, que terminou coa retirada das tropas estadounidenses en marzo de 1973 e a toma de Saigón en abril de 1975. En 1976, Vietnam unificouse baixo o goberno de Vietnam do Norte e tomou o nome de República Socialista de Vietnam.
En 1978, Vietnam invadiu a Kampuchea Democrática de Pol Pot e precipitou a caída do seu réxime. Mantivo uns 100.000 soldados durante toda a década dos oitenta. A finais da década dos noventa, comezaron as negociacións para restabelecer relacións diplomáticas cos Estados Unidos e a comezos do século XXI, Vietnam comezou a recibir axuda estadounidense co que se considera superado o "Trauma Vietnam".
Era predinástica
[editar | editar a fonte]
De acordo coas lendas vietnamitas, membros de varias tribos naceron do matrimonio entre Lạc Long Quân (rei dragón) e Âu Cơ (deusa madriña), e a historia de Vietnam data de hai máis de 4.000 anos. Porén, as fontes fiables indican que os vietnamitas ou a historia do seu país data de hai uns 2.700 anos. No ano de -258, Thuc Phan fundou o reino Áu Lac (formado pola unión de Áu Viet e Lac Viet - Van Lang), no norte de Vietnam.
Moitos historiadores consideran que a civilización Dong Son é común a moitos pobos do Sueste asiático. No 208 a.C., a Dinastía Qin, chamada tamén "Triệu Đà", estableceu un estado coñecido como "Nam Việt", o cal estaba localizado ó sur da China e do Delta do río Vermello. O significado histórico da orixe de Nam Việt é motivo de controversias xa que para algúns estudosos o devantido territorio estaba baixo rexencia chinesa, mentres que para outros constitúe xa un período de independencia. Dende o -111 a.C. ata o século X Vietnam estivo baixo o mando de diferentes dinastías chinesas.
Era dinástica
[editar | editar a fonte].jpg)
En 938, Ngô Quyền logrou derrotar ás forzas chinesas na Batalla do río Bạch Đằng e logrou a independencia despois dun milenio baixo control dos chineses. Denominada Đại Việt, a nación viviu a súa idade de ouro durante as Dinastías Lý e Trần. Durante o reinado desta última, Đại Việt puido defenderse de tres intentos de invasión dos mongois en 1257, 1284-85 e 1287-88. Despois da breve Dinastía Hồ, a independencia de Đại Việt foi brevemente interrrompida pola dinastía Ming da China, pero foi restaurada por Lê Lợi, o fundador da dinastía Lê.
.gif)
No século XV, o feudalismo acadou o seu máximo esplendor, especialmente durante o reinado do Emperador Lê Thánh Tông. Entre os séculos XI e XVIII, os vietnamitas expandíronse ó sur nun proceso que chamaron nam tiến (expansión sur e que os levou a conquistar o Reino de Champa (o cal desapareceu definitivamente como estado) e parte do imperio Khmer (Kampuchea Krom).
A finais da dinastía Lê, Vietnam sufriu conflitos civís, primeiro co apoio que os chineses deron á Dinastía Mac, a cal desafiou o poder da dinastía Lê, e despois, coa derrota da dinastía Mac que supuxo o retorno da anterior. Daquela, o poder foi dividido entre os Señores Trịnh do norte e os Señores Nguyễn do sur, o que levou ó país a un novo conflito: a guerra civil Trịnh-Nguyễn que durou máis dun século. A guerra rematou cando os irmáns Tây Sơn derrotaron ós señores e estableceron unha nova dinastía. Porén, o seu goberno non durou e foron derrotados polos remanentes dos Señores Nguyễn coa axuda dos franceses, quen estableceron a Dinastía Nguyễn.
Dominio francés (1887 — 1954)
[editar | editar a fonte]- Artigo principal: Guerra de Indochina.
.jpg)
A independencia de Vietnam rematou a mediados do século XIX, cando o país foi colonizado polo Imperio francés. A administración francesa impuxo significativos cambios políticos e culturais na sociedade vietnamita. Impúxose un sistema de educación moderna occidental, o cristianismo, desenvolveuse o cultivo de tabaco, té e café. Os franceses ignoraron o clamor pola independencia e os dereitos civís, o que deu lugar ó xurdimento de movementos políticos nacionalistas e líderes como Phan Boi Chau, Phan Chu Trinh, o Emperador Ham Nghi e Ho Chi Minh. Os franceses mantiveron o dominio das súas colonias ata a segunda guerra mundial, cando os xaponeses invadiron a Península Indochina. Os recursos naturais de Vietnam foron explotados polo Xapón para as súas campañas militares en Myanmar, Malaisia e a India.
Nos últimos anos da guerra, o movemento nacionalista de Ho Chi Minh desafiou ós franceses. Despois da derrota do Xapón, as forzas nacionalistas de Indochina enfrontáronse a Francia no que se chamou a primeira guerra de Indochina (1945 - 1954). Os franceses foron derrotados e fixeron unha retirada das súas colonias. Porén, os países que combateran nesta primeira Guerra de Vietnam, dividiron o país polo paralelo 17 en Vietnam do Norte e Vietnam do Sur.
Política
[editar | editar a fonte]Vietnam é unha república socialista. O dereito de voto é dado aos cidadáns de máis de 18 anos. O presidente é o xefe do estado, mentres que o primeiro ministro é o xefe do goberno. O presidente é nomeado polo parlamento. Nguyễn Phú Trọng é o presidente de Vietnam desde o ano 2016.
O sistema xudicial baséase sobre o dereito francés e sobre as teorías comunistas. O poder lexislativo é exercido por unha soa cámara composta de 450 asentos renovados cada 5 anos.
Vietnam é membro da ASEAN (Asociación das Nacións de Asia do sueste).
Linguas
[editar | editar a fonte]Vietnam ten unha gran diversidade lingüística, pois ten 55 linguas, repartidas en 6 a 7 grupos etnolingüísticos. A lingua oficial é o vietnamita, que se escribe con caracteres latinos. O vietnamita é unha das poucas linguas de Extremo Oriente que pasou dun sistema ideográfico (próximo á grafía chinesa) ao alfabeto latino. A utilización desta transcrición latina está en vigor no ensino dende 1918 e oficialízase a partir da independencia.
Provincias
[editar | editar a fonte]Vietnam está dividido en 58 provincias (tinh) e 5 municipalidades controladas polo goberno central ao mesmo nivel que as provincias (thành phố trực thuộc trung ương).
As provincias divídense en distritos (huyện), cidades provinciais (thành phố trực thuộc tỉnh), e cidades (thị xã), que se subdividen en cidades (thị trấn) ou concellos (xã).
| Nome | Capital | Poboación (1 Xul 2006) |
Superficie (1 Xan 2006) |
Rexión |
|---|---|---|---|---|
| Bắc Ninh | Bắc Ninh | 1,009,800 | 823.1 km² | Hà Nội Kinh-Dong Bang Song Hong |
| Hà Nam | Phủ Lý | 826,600 | 859.7 km² | Hà Nội Kinh-Dong Bang Song Hong |
| Hải Dương | Hải Dương | 1,722,500 | 1,652.8 km² | Hà Nội Kinh-Dong Bang Song Hong |
| Hưng Yên | Hưng Yên | 1,142,700 | 923.5 km² | Hà Nội Kinh-Dong Bang Song Hong |
| Nam Định | Nam Định | 1,974,300 | 1,650.8 km² | Hà Nội Kinh-Dong Bang Song Hong |
| Ninh Bình | Ninh Bình | 922,600 | 1,392.4 km² | Hà Nội Kinh-Dong Bang Song Hong |
| Thái Bình | Thái Bình | 1,865,400 | 1,546.5 km² | Hà Nội Kinh-Dong Bang Song Hong |
| Vĩnh Phúc | Vĩnh Yên | 1,180,400 | 1,373.2 km² | Hà Nội Kinh-Dong Bang Song Hong |
| Hà Nội (concello) | 5,760,200 | 3,119 km² | Hà Nội Kinh-Dong Bang Song Hong | |
| Hải Phòng (concello) | 1,803,400 | 1,520.7 km² | Hà Nội Kinh-Dong Bang Song Hong | |
| Hà Tĩnh | Hà Tĩnh | 1,306,400 | 6,026.5 km² | Bắc Trung Bộ |
| Nghệ An | Vinh | 3,064,300 | 16,498.5 km² | Bắc Trung Bộ |
| Quảng Bình | Đồng Hới | 847,900 | 8,065.3 km² | Bắc Trung Bộ |
| Quảng Trị | Đông Hà | 625,800 | 4,760.1 km² | Bắc Trung Bộ |
| Thanh Hoá | Thanh Hoá | 3,680,400 | 11,136.3 km² | Bắc Trung Bộ |
| Thừa Thiên-Huế | Huế | 1,143,500 | 5,065.3 km² | Bắc Trung Bộ |
| Bắc Giang | Bắc Giang | 1,594,300 | 3,827.4 km² | Dong Bac |
| Bắc Kạn | Bắc Kạn | 301,500 | 4,868.4 km² | Dong Bac |
| Cao Bằng | Cao Bằng | 518,900 | 6,724.6 km² | Dong Bac |
| Hà Giang | Hà Giang | 683,500 | 7,945.8 km² | Dong Bac |
| Lạng Sơn | Lạng Sơn | 746,400 | 8,331.2 km² | Dong Bac |
| Lào Cai | Lào Cai | 585,800 | 6,383.9 km² | Dong Bac |
| Phú Thọ | Việt Trì | 1,336,600 | 3,528.4 km² | Dong Bac |
| Quảng Ninh | Hạ Long | 1,091,300 | 6,099.0 km² | Dong Bac |
| Thái Nguyên | Thái Nguyên | 1,127,200 | 3.546.6 km² | Dong Bac |
| Tuyên Quang | Tuyên Quang | 723,300 | 5,870.4 km² | Dong Bac |
| Yên Bái | Yên Bái | 740,700 | 6,899.5 km² | Dong Bac |
| Điện Biên | Điện Biên | 459,100 | 9,562.5 km² | Tây Bắc |
| Hoà Bình | Hoà Bình | 820,400 | 4,684.2 km² | Tây Bắc |
| Lai Châu | Lai Châu | 319,900 | 9,112.3 km² | Tây Bắc |
| Sơn La | Sơn La | 1,007,500 | 14,174.4 km² | Tây Bắc |
| Daklak | Buôn Ma Thuột | 1,737,600 | 13,139.2 km² | Tây Nguyên |
| Dak Nông | Gia Nghĩa | 407,300 | 6,516.9 km² | Tây Nguyên |
| Gia Lai | Pleiku | 1,161,700 | 15,536.9 km² | Tây Nguyên |
| Kontum | Kontum | 383,100 | 9,690.5 km² | Tây Nguyên |
| Lâm Đồng | Đà Lạt | 1,179,200 | 9,776.1 km² | Tây Nguyên |
| Bình Định | Quy Nhơn | 1,566,300 | 6,039.6 km² | Nam Trung Bộ |
| Khánh Hòa | Nha Trang | 1,135,000 | 5,217.6 km² | Nam Trung Bộ |
| Phú Yên | Tuy Hòa | 873,300 | 5,060.6 km² | Nam Trung Bộ |
| Quảng Nam | Tam Kỳ | 1,472,700 | 10,438.3 km² | Nam Trung Bộ |
| Quảng Ngãi | Quảng Ngãi | 1,295,600 | 5,152.7 km² | Nam Trung Bộ |
| Đà Nẵng (concello) | 788,500 | 1,257.3 km² | Nam Trung Bộ | |
| Bà Rịa-Vũng Tàu | Vũng Tàu | 926,300 | 1,989.6 km² | Dong Nam Bo |
| Bình Dương | Thủ Dầu Một | 964,000 | 2,696.2 km² | Dong Nam Bo |
| Bình Phước | Đồng Xoài | 809,500 | 6,883.4 km² | Dong Nam Bo |
| Bình Thuận | Phan Thiết | 1,163,700 | 7,836.9 km² | Dong Nam Bo |
| Đồng Nai | Biên Hòa | 2,214,800 | 5,903.9 km² | Dong Nam Bo |
| Ninh Thuận | Phan Rang-Tháp Chàm | 567,900 | 3,363.1 km² | Dong Nam Bo |
| Tây Ninh | Tây Ninh | 1,047,100 | 4,035.9 km² | Dong Nam Bo |
| Cidade Ho Chi Minh (concello) | 6,105,800 | 2,098.7 km² | Dong Nam Bo | |
| An Giang | Long Xuyên | 2,210,400 | 3,536.8 km² | Tây Nam Bo Đồng Bằng Sông Cửu Long |
| Bạc Liêu | Bạc Liêu | 820,100 | 2,584.1 km² | Tây Nam Bo Đồng Bằng Sông Cửu Long |
| Bến Tre | Bến Tre | 1,353,300 | 2,360.2 km² | Tây Nam Bo Đồng Bằng Sông Cửu Long |
| Cà Mau | Cà Mau | 1,232,000 | 5,331.7 km² | Tây Nam Bo Đồng Bằng Sông Cửu Long |
| Đồng Tháp | Cao Lãnh | 1,667,800 | 3,376.4 km² | Tây Nam Bo Đồng Bằng Sông Cửu Long |
| Hậu Giang | Vị Thanh | 796,900 | 1,601.1 km² | Tây Nam Bo Đồng Bằng Sông Cửu Long |
| Kiên Giang | Rạch Giá | 1,684,600 | 6,348.3 km² | Tây Nam Bo Đồng Bằng Sông Cửu Long |
| Long An | Tân An | 1,423,100 | 4,493.8 km² | Tây Nam Bo Đồng Bằng Sông Cửu Long |
| Sóc Trăng | Sóc Trăng | 1,276,200 | 3,312.3 km² | Tây Nam Bo Đồng Bằng Sông Cửu Long |
| Tiền Giang | Mỹ Tho | 1,717,400 | 2,484.2 km² | Tây Nam Bo Đồng Bằng Sông Cửu Long |
| Trà Vinh | Trà Vinh | 1,036,800 | 2,295.1 km² | Tây Nam Bo Đồng Bằng Sông Cửu Long |
| Vĩnh Long | Vĩnh Long | 1,057,000 | 1,479.1 km² | Tây Nam Bo Đồng Bằng Sông Cửu Long |
| Cần Thơ (concello) | 1,139,900 | 1,401.6 km² | Tây Nam Bo Đồng Bằng Sông Cửu Long | |
Municipalidades
[editar | editar a fonte]Can Tho, Da Nang, Haifong, Hanoi, Cidade Ho Chi Minh (antes chamada Saigon), Nha Trang.
Xeografía
[editar | editar a fonte]
Vietnam está situado na península oriental da Indochina entre as latitudes 8° e 24° N e as lonxitudes 102° e 110° E. Abarca unha superficie total de 331 210 km2[11] ou 331,699 km2.[12] A lonxitude combinada das fronteiras terrestres do país é 4 639 km, e a súa costa é 3 444 km.[13] No seu punto máis estreito, na provincia central de Quảng Bình, o país ten tan só 50 km de ancho, aínda que se ensancha até alcanzar uns 600 km no norte.[14] O territorio de Vietnam é maioritariamente montañoso e densamente boscoso, cunha superficie chan que non supera o 20 %. As montañas representan o 40 % da superficie do país.[15] e os bosques tropicais cobren ao redor do 42 %.[16] O delta do río Vermello, no norte, é unha rexión chan, de forma aproximadamente triangular, que abarca 15 000 km2,[17] é máis pequeno, pero está máis intensamente desenvolvido e máis densamente poboado que o delta do río Mekong no sur. Antigamente era unha enseada do golfo de Tonkín, pero ao longo dos milenios foise enchendo con depósitos de aluvións fluviais.[18][19] O delta, que cobre uns 40 000 km2, é unha chaira de baixa altitude que non supera os 3 m por encima do nivel do mar en ningún punto. Está atravesado por un labirinto de ríos e canles que transportan tal cantidade de sedimentos que o delta avanza entre 60 e 80 m cara ao mar cada ano.[20][21] A zona económica exclusiva de Vietnam (en) abarca 41 7663 km² no mar da China Meridional.[22]
Clima
[editar | editar a fonte]No sur, o clima é tropical mentres que no norte é un clima de monzón. Ngoc Linh, con 3.143 m, é o punto cumio do país.
Economía
[editar | editar a fonte]- Artigo principal: Economía do Vietnam.
Demografía
[editar | editar a fonte]No ano 2007, Vietnam tiña unha poboación de 85.262.000 habitantes. A esperanza de vida é de 71 anos. O 94.3% da poboación está alfabetizada. A media de fillos por muller é de 1,89.
A etnia Kihn representa o 87 por cento da poboación e é a principal habitante das cidades e das terras chairas, deixando ao resto dos grupos étnicos o predominio das áreas montañosas.
O 50 % da poboación é menor de 25 anos.
Cultura
[editar | editar a fonte]Festas
[editar | editar a fonte]| Data | Nome galego | Nome local | Notas |
|---|---|---|---|
| 1 de xaneiro | Ano Novo solar | Tết dương lịch | |
| entre xaneiro e o comezo de febreiro | Ano Novo Lunar | Tết Nguyên Đán | 4 días. Dura do último do ano precedente ao 3º día do ano seguinte segundo o calendario lunar |
| 30 de abril | Aniversario da liberación de Vietnam Sur | Ngày giải phóng | Caída de Saigon en 1975 |
| 1 de maio | Xornada internacional do traballo | Ngày Quốc tế Lao động | |
| 2 de setembro | Festa nacional da República socialista de Vietnam | Quốc khánh | Discurso de Ho Chi Minh en 1945 |
Gastronomía
[editar | editar a fonte]
A cociña vietnamita caracterízase polo uso de salsas de peixe e o emprego de vexetais. Algúns dos pratos máis comúns son o "chả giò" (Roliño de primavera), "gỏi cuốn" (Rolo de verán), "phở" ou o "canh chua".
Patrimonio da Humanidade
[editar | editar a fonte]Vietnam ten oito lugares declarados Patrimonio da Humanidade, cinco culturais, dous naturais e un mixto:[23]
- Conxunto de monumentos de Huế
- Baía de Hạ Long
- Cidade antiga de Hội An
- Santuario de Mỹ Sơn
- Parque Nacional de Phong Nha-Ke Bang
- Sector central da Cidadela Imperial de Thăng Long - Hanoi
- Cidadela da Dinastía Hồ
- Complexo paisaxístico de Tràng An
Notas
[editar | editar a fonte]- ↑ A grafía "Viet Nam" ou a forma vietnamita completa marcada "Việt Nam" ás veces úsase en inglés polos medios de comunicación locais e gobernamentais. De feito, "Viet Nam" está formalmente designado e recoñecido polo Goberno de Vietnam, as Nacións Unidas e a Organización Internacional para a Estandarización como o nome estandarizado do país.
Referencias
[editar | editar a fonte]- ↑ Definicións no Dicionario da Real Academia Galega e no Portal das Palabras para vietnamita.
- ↑ The South China Sea is referred to in Vietnam as the East Sea (Biển Đông). VietNamNet News, ed. (10 de decembro de 2012). "China continues its plot in the East Sea". Arquivado dende o orixinal o 16 de agosto de 2013. Consultado o 16 de febreiro de 2013.
- ↑ The New York Times 1976.
- 1 2 "Vietnam's new-look economy". BBC News. 18 de outubro de 2004.
- ↑ Weisenthal, Joe (22 de febreiro de 2011). "3G Countries". Businessinsider.com. Consultado o 6 de agosto de 2011.
- ↑ "Vietnam Inequality Report" (PDF). Mekong Economics. 2005. Consultado o 7 de novembro de 2010.
- ↑ "Distribution of Family Income – Gini Index" Arquivado 13 de xuño de 2007 en Wayback Machine.. CIA World Factbook, 2008 data. Consultado o 27 de novembro de 2011.
- ↑ Adam Wagstaffa; Eddy van Doorslaerc; Naoko Watanabea (2003). "On decomposing the causes of health sector inequalities with an application to malnutrition inequalities in Vietnam". Journal of Econometrics (en inglés) 112 (1): 207–223. doi:10.1016/S0304-4076(02)00161-6.
- ↑ Daniel Goodkind (1995). "Rising Gender Inequality in Vietnam Since Reunification". Pacific Affairs (en inglés) 68 (3): 342–359. JSTOR 2761129. doi:10.2307/2761129.
- ↑ Gallup, John Luke (2002). "The wage labor market and inequality in Viet Nam in the 1990s". Ideas.repec.org. Consultado o 7 de novembro de 2010.
- ↑ "Vietnam". The World Factbook. Central Intelligence Agency. 17 de xaneiro de 2024. Arquivado dende o orixinal o 10 de xuño de 2021. Consultado o 7 de setembro do 2025.
- ↑ "Vietnam country profile". BBC News. 24 de febreiro de 2020. Arquivado dende o orixinal o 28 May 2020. Consultado o 7 de setembro do 2025.
- ↑ Nasuchon 2008, p. 7.
- ↑ Protected Areas and Development Partnership 2003, p. 13.
- ↑ Frohlich et al. 2013, p. 5.
- ↑ Natural Resources and Environment Program 1995, p. 56.
- ↑ AgroViet Newsletter 2007.
- ↑ Huu Chiem 1993, p. 180.
- ↑ Minh Hoang et al. 2016.
- ↑ Huu Chiem 1993, p. 183.
- ↑ Hong Truong, Ye & Stive 2017, p. 757.
- ↑ Vietnamese Waters Zone.
- ↑ "Viet Nam - UNESCO World Heritage Convention". UNESCO. Consultado o 8 de maio de 2022.
Véxase tamén
[editar | editar a fonte] |
Wikimedia Commons ten máis contidos multimedia na categoría: Vietnam  |
Bibliografía
[editar | editar a fonte]- Herring, George C. (2001). America's Longest War: The United States and Vietnam, 1950–1975 (4th edition).
- Jahn, G.C. (2006). "The dream is not yet over". In Fredenburg P., Hill B. (eds.): Sharing rice for peace and prosperity in the Greater Mekong Subregion. Victoria, Australia: Sid Harta Publishers. p. 237–240.
- Karrnow, Stanley (1997). Vietnam: A History (2nd edition). Penguin. ISBN 0-14-026547-3.
- McMahon, Robert J. (1995). Major Problems in the History of the Vietnam War: Documents and Essays.
- Tucker, Spencer (ed.) (1998). Encyclopedia of the Vietnam War. 3-volume reference set; also one-volume abridged edition (2001).
- Bibliografía adicional
- Nguyen, Lien-Hang T. (2012). Hanoi's War: An International History of the War for Peace in Vietnam. University of North Carolina Press. ISBN 9780807882696.
- Dror, Olga (2018). Making Two Vietnams: War and Youth Identities, 1965–1975. Cambridge University Press. ISBN 9781108556163.
- Tran, Nu-Anh; Vu, Tuong, eds. (2022). Building a Republican Nation in Vietnam, 1920–1963. University of Hawaiʻi Press. ISBN 9780824892111.
- Li, Tana (2024). A Maritime Vietnam: From Earliest Times to the Nineteenth Century. Cambridge University Press. ISBN 9781009237628.
Ligazóns externas
[editar | editar a fonte]
| Control de autoridades |
|
|---|
