The Triffids foi unha banda australiana de rock alternativo e pop, formado en Perth en maio de 1978 con David McComb como cantante, compositor, guitarrista, baixista e teclista.[1][2] Lograron certo éxito en Australia, pero triunfaron sobre todo no Reino Unido e Escandinavia na década de 1980 antes de disolverse en 1989.[1][2] As súas cancións máis coñecidas son "Wide Open Road" (febreiro de 1986) e "Bury Me Deep in Love" (outubro de 1987). A canle de televisión SBS presentou o seu álbum de 1986, Born Sandy Devotional, na serie Great Australian Albums en 2007,[3] e en 2010 ocupou o quinto lugar no libro The 100 Best Australian Albums de Toby Creswell, Craig Mathieson e John O'Donnell.
Segundo o historiador da música Ian McFarlane, "The Triffids segue sendo un dos grupos post-punk máis queridos de Australia... McComb... infundiu as súas melancólicas cancións con imaxes austeras pero fermosas e exclusivamente australianas. Poucos compositores lograron captar o sentimento de illamento e fatalista sensación de desesperación do rural australiano".[1]
_(6491220551).jpg?lang=gl)
