Este artigo amosa letras cirílicas. Sen o soporte axeitado, o texto pode mostrar símbolos sen sentido, coma caixas, marcas e outros.
Os chechenos[1] (en checheno:Нохчий Noxçiy) son un grupo étnico do grupo nakh orixinario do norte do Cáucaso. Eles refírense a si mesmos como Vainakhs (que quere dicir "a nosa xente" en checheno) ou Nokhchiy (pronunciado [no̞xtʃʼiː]; singular Nokhchi, Nakhchuo ou Nakhtche. Os chechenos e os inguxos son coñecidos colectivamente como vainakh. A maioría dos chechenos viven na República de Chechenia, parte da Federación de Rusia.
O terreo illado das montañas e o seu valor estratéxico contribuíron moito na construción do ethos checheno e axudaron a perfilar o seu carácter nacional independente. A sociedade chechena ten sido tradicionalmente igualitarista e organízase arredor de clans autónomos locais, chamados teips.