Lingua lak

Lingua lak
лакку
pronuncia
Instancia de lingua natural lingua viva  Subclase de linguas daguestanas  Nome orixinal лакку (lbe) лакку маз‎ (lbe)  Alfabeto alfabeto lak
Propiedades
Número de falantes 154820 (2010)
Alfabeto alfabeto lak
Tipoloxía lingüística lingua acentuada
Estado de lingua da UNESCO vulnerábel
Clasificación lingüística
linguaxe humana ↳ linguas caucásicas ↳ linguas caucásicas nororientais ↳ linguas daguestanas
Localización  Orixinario de Daguestán  País Rusia
Identificadores Freebase /m/091dr6 ISO 639-3 lbe ISO 639-5 lbe IETF lbe
Fontes e ligazóns  Descrito pola fonte Enciclopedia soviética armenia, volume 4 pp. 476 Grande Enciclopedia Soviética (1926 - 1947) "Q130382630 "
Wikidata

A lingua lak (лакку маз, lakːu maz) é unha lingua caucásica nororiental que forma a súa propia póla dentro desta familia lingüística. É a lingua do pobo lak, que habita na república autónoma de Daguestán, en Rusia, onde é unha das seis linguas estandarizadas que se falan. Segundo o censo de 2010, é falado por máis 150 000 persoas. O lak está clasificado como "vulnerable" polo Libro Vermello das Linguas Ameazadas da UNESCO.

Abrangue cinco dialectos: ashti kuli, balkhar, vitskh, vikhli e kumukh, que forma a base da lingua literaria lak. Dende finais do século XIX, escribiuse en caracteres árabes; o alfabeto latino foi empregado entre o 1928 e o 1938, e dende entón, en alfabeto cirílico. Antes de que o lak se convertese en lingua escrita, empregaban o árabe. Hoxe é unha das 9 linguas oficiais de Daguestán, malia que non se empregue no ensino (só se ensinou entre 1920 e 1960, dende entón só se ensina en ruso). Tamén ten un xornal Ilchy (Luz) e Tslubarz (Lúa nova, 1952) que xa non se edita, e unha estación de radio.

O lak foi empregada como lingua literaria por autores como Garun Saidov (1891-1919), xefe da Oficina de Axitación ou Educación Bolxevique en Daguestán, e o primeiro autor dramático en lak, Jussup Khappalajev (1916) con Estrelas de felicidade (1950), Mugutin Sharinov (1893-1937) con Shagalai e Gabibat i Gadzhijev (1919), Said Gabiev, Abutalif Gafurov e Abdurahman Omarov.

Véxase tamén

Outros artigos

• Wikipedia en lak

Ligazóns externas

• Gramática lak por Wolfgang Schulze Arquivado 11 de febreiro de 2021 en Wayback Machine.
• Transliteración do lak
• Lak House – Cultura e sociedade lak
• Palabras lak