Saltar ao contido

Leopardus tigrinus

Na Galipedia, a Wikipedia en galego.

Leopardus tigrinus
 Nome taxon
    Leopardus tigrinus
 Nome curto
    L. tigrinus (mul) Editar o valor en Wikidata
Imaxe
 Instancia de
Características
 Categoría taxonómica
 Combinación orixinal
 Caracterizado por
 Conservación
Especie vulnerable
Clasificación taxonómica
SuperreinoHolozoa
ReinoAnimalia
FiloChordata
ClaseMammalia
OrdeCarnivora
FamiliaFelidae
XéneroLeopardus
EspecieLeopardus tigrinus Editar o valor en Wikidata
(Schreber, 1775) Leopardus tigrinus Editar o valor en Wikidata
Cifras e dimensións
 Duración máxima da vida
   21,9 a Editar o valor en Wikidata
 Período de xestación
   75 d Editar o valor en Wikidata
Localización
 Área de distribución
Ipu (pt) Traducir Editar o valor en Wikidata
 Mapas
Distribución
Fontes e ligazóns
Freebase/m/01pwnq Editar o valor en Wikidata
ITIS621868 Editar o valor en Wikidata
OTT774309 Editar o valor en Wikidata
UICN54012637 Editar o valor en Wikidata
CoL6P8MM Editar o valor en Wikidata
EOL311661 Editar o valor en Wikidata
Wikidata G:Commons C:Commons
Leopardus tigrinus no Parc des Félins de Lumigny-Nesles-Ormeaux, Illa de Francia.

Leopardus tigrinusus é unha especie de mamífero carnívoro da suborde dos feliformes, familia dos félidos, subfamilia dos felinos, unha das nove (ou dez, segundo os autores),[1] integradas no xénero Leopardus.[2]

Taxonomía

[editar | editar a fonte]

Descrición

[editar | editar a fonte]

A especie foi descrita en 1775 polo naturalista alemán Johann Christian Daniel von Schreber, nun traballo publicado en Die Säugethiere, 2 (15): pl. 106[1775]; véxase tamén o texto, en 3 (23):396[1777].[2]

Sinónimos

[editar | editar a fonte]
  • Felis pardinoides.[3]
  • Felis tigrina.[4]
  • Felis tigrinus.[5]

Subespecies

[editar | editar a fonte]

Segundo MSW, recoñécense as seguintes catro subespecies:[2]

  • Leopardus tigrinus tigrinus Schreber, 1775
  • Leoparus tiginus guttulus Hensel, 1872
  • Leopardus tigrinus oncilla Thomas, 1903
  • Leopardus tigrinus pardinoides Gray, 1867

Nota taxonómica

[editar | editar a fonte]

A subespecie Leopardus tigrins guttulus hoxe está considerada como unha especie diferente, Leopardus guttulus (Hensel, 1872),[6] En 2013 propúxose asignar a poboación do sur do Brasil na nova especie L. guttulus, xa que se comprobou que non se cruzaba coa poboación de L. tigrinus no nordés deste país.[7]

Características

[editar | editar a fonte]

Leopardus tigrinus aseméllase a Leopardus wiedii e a L. pardalis,[8] pero é máis pequeno, e cun corpo mais esvelto e co fociño máis estreito.

Alcanza unha lonxitude de cabeza e tronco de 39 a 759 cm, cunha cola de 20 a 42 cm de longo. [9] A altura na cruz oscila entre os 22 e os 30 cm.[10] Aínda que é algo máis longo que un gato doméstico medio, Leopardus tigrinus é xeralmente máis lixeiro, e a súa masa corporal varía entre 1,5 e 3 kg.[11]

A súa pelaxe é grosa e suave, de coloración que vai da parda clara á ocre escura, con numerosas rosetas mouras no dorso e nos flancos. As partes inferiores son pálidas con manchas escuras, e a cola está anelada. A parte posterior das orellas é negra con ocelos. As rosetas son negras ou pardas, abertas no centro e de forma irregular. As patas teñen puntos negros de tamaño mediano, que se estreitan a puntos máis pequenos na parte inferior.[12]

Hábitat e distribución

[editar | editar a fonte]

Leopardus togrinus encóntrase nunha ampla gama de hábitats, desde terras baixas semiáridas até bosques de montaña, en Costa Rica, Panamá e na metade norte de América do Sur,[13] normalmente en cotas altas, pero pode tamén adaptarse en zonas máis baixas.

Distribución

[editar | editar a fonte]

Das tres subespecies actualmente válidas, unha delas está en perigo de extinción, Leopardus tigrinus oncilla, endémica de Centroamérica, estimándose que só quedan algúns exemplares en Costa Rica.[2]

Leopardus tigrinus pardinoides encóntrase no oeste de Venezuela, en Colombia, Ecuador e o Perú.

Leopardus tigrinus tigrinus habita no leste de Venezuela, na Güiana e no nordeste do Brasil.

Pola súa parte, Leopardus guttulus, antes considerado como subespecie de L. tigrinus, áchase no centro e sur do Brasil, no Uruguai, Paraguai e no norte da Arxentina.

Bioloxía

[editar | editar a fonte]

Caza roedores e paxaros.[14] O período de xestación é de 74 a 76 días. Normalmente as femias só paren un cachorro, pero a camada pode chegar até tres. A lonxevidade estímase nuns 17 anos; en catividade está documentada até os 20 anos.[15]

Estado de conservación

[editar | editar a fonte]

A Unión Internacional para a Conservación da Natureza e dos Recursos Naturais (UICN) avalía o status da especie como VU (vulnerable) porque a súa poboación está ameazada pola deforestación e a conversión do seu hábitat en terras agrícolas.[13]

  1. ↑ Leopardus Gray, 1842 no ITIS.
  2. 1 2 3 4 Leopardus tigrinus Schreber, 1775 en MSW.
  3. ↑ Segundo Paleobiology Database.
  4. ↑ Segundo Paleobiology Database e o CITES.
  5. ↑ Segundo o NCBI.
  6. ↑ Leopardus tigrinus guttulus (Hensel, 1872), no ITIS.
  7. ↑ Trigo, T. C.; Schneider, A.; de Oliveira, T. G.; Lehugeur, L. M.; Silveira, L.; Freitas, T. R. O. & Eizirik, E. (2013). "Molecular data reveal complex hybridization and a cryptic species of Neotropical Wild Cat". Current Biology 23 (24): 2528–2533. PMID 24291091. doi:10.1016/j.cub.2013.10.046.
  8. ↑ Leyhausen, P. (1963). "Über südamerikanische Pardelkatzen". Zeitschrift für Tierpsychologie 20 (5): 627–640. doi:10.1111/j.1439-0310.1963.tb01179.x.
  9. ↑ Sunquist, M.; Sunquist, F. (2002). Wild Cats of the World. Chicago: University of Chicago Press. pp. 130–134. ISBN 0-2267-7999-8. Consultado o 5 de xuño de 2020.
  10. ↑ Leopardus tigrinus en: Botero Cañola Sebastián; Juan David Sánchez e Andrés Arias. Grupo de Mastología de la Universidad de Antioquia.
  11. ↑ University of Michigan Museum of Zoology.
  12. ↑ Leyhausen, Paul (26 de abril de 2010). "Über südamerikanische Pardelkatzen1,2,". Zeitschrift für Tierpsychologie 20 (5): 627–640. doi:10.1111/j.1439-0310.1963.tb01179.x.
  13. 1 2 Payan, E. & de Oliveira, T. (2016): Leopardus tigrinus na Lista vermella da UICN. Versión 2020-1. Consultada o 5 de xuño de 2020.
  14. ↑ Wang, E. (2002): "Diets of ocelots (Leopardus pardalis), margays (L. wiedii), and oncillas (L. tigrinus) in the Atlantic Rainforest in southeast Brazil". Studies on Neotropical Fauna and Environment 37 (3): 207-212.
  15. ↑ Leopardus tigrinus. Little spotted cat na ADW.

Véxase tamén

[editar | editar a fonte]

Bibliografía

[editar | editar a fonte]

Outros artigos

[editar | editar a fonte]

Ligazóns externas

[editar | editar a fonte]