2026
Cuma
| Sampla de | bliain féilire, common year starting and ending on Thursday (en) |
|---|---|
| Féilirí eile | |
| féilire Ghréagóra | 2026 (mmxxvi) |
| Ioslamach | 1448 – 1449 |
| Síneach | 4722 – 4723 |
| Eabhrach | 5786 – 5787 |
| Hiondúch | 2081 – 2082 (Vikram Samvat) 1948 – 1949 (Shaka Samvat) 5127 – 5128 (Kali Yuga) |
| Peirseach | 1404 – 1405 |
| Airméanach | 1475 |
| Rúnach | 2276 |
| Ab urbe condita | 2779 |
| Catagóirí | |
| Breitheanna Básanna Teilifís | |
| Aois | |
| 20ú haois - 21ú haois - 22ú haois | |
| Deich mbliana | |
| 1990í 2000í 2010í - 2020í - 2030í 2040í 2050í | |
| Bliain | |
| 2023 2024 2025 - 2026 - 2027 2028 2029
| |
| | |
Is bliain choitianta í an bhliain 2026 (MMXXVI).

Cúrsaí reatha
[cuir in eagar | athraigh foinse]Samhain
[cuir in eagar | athraigh foinse]- 3 Samhain — Toghcháin lár téarma na Stát Aontaithe: bhain an Páirtí Daonlathach tromlach amach i dTeach na nIonadaithe agus sa Seanad araon.
Básanna:
- 6 Samhain — Jay Rockefeller, seanadóir Meiriceánach
- 1 Samhain — Ciara Mageean, reathaí
- 1 Samhain — Gerry Collins, polaiteoir (Fianna Fáil)
Deireadh Fómhair
[cuir in eagar | athraigh foinse]- 28 Deireadh Fómhair — Bhuail dhá thraein ardluais faoina chéile in Los Yébenes, i gcúige Toledo na Spáinne; maraíodh 69 duine.[1]
- 27–28 Deireadh Fómhair — D'éalaigh Flávio Bolsonaro, an t-iarrthóir a chaill an toghchán uachtaránachta, as an mBrasaíl go Miami, cé gur chuir an Chúirt Uachtarach cosc air an tír a fhágáil.
- 27 Deireadh Fómhair — Olltoghchán Iosrael: chaill comhrialtas Benjamin Netanyahu a thromlach sa Knesset, ach níor bhain an freasúra tromlach amach ach an oiread.[1]
- 25 Deireadh Fómhair — Olltoghchán na Brasaíle: atoghadh Luiz Inácio Lula da Silva ina Uachtarán sa dara babhta, nuair a bhuaigh sé ar Flávio Bolsonaro, mac le Jair Bolsonaro.[1]
- 19 Deireadh Fómhair — Reifreann in Alberta: vótáil 74.9% de na vótálaithe ar son fanacht i gCeanada, seachas tús a chur le próiseas chun an cúige a scaradh ó Cheanada.
- 15 Deireadh Fómhair — Gearradh 15 bliana príosúin ar Jeffrey Donaldson, iarcheannaire an DUP, a ciontaíodh i mí an Mheithimh in 18 gcion gnéis, éigniú ina measc, in aghaidh beirt pháistí.[2]
- 14 Deireadh Fómhair — Stailc aon lae ag breis is 300,000 oibrí san earnáil phoiblí, múinteoirí, altraí agus státseirbhísigh ina measc, faoi chomhaontú nua pá: dúnadh scoileanna agus na céadta foirgneamh poiblí. Ba í an stailc ba mhó in Éirinn le beagnach fiche bliain í.[3][4]
- 13 Deireadh Fómhair — Seoladh imscrúdú dúnmharaithe tar éis do lánúin agus do bheirt dá bpáistí bás a fháil i ndóiteán tí i gcathair Phort Láirge.[4]
- 12 Deireadh Fómhair — Gearradh cúig bliana déag go leith príosúin ar an iarmhúinteoir snámha George Gibney, a ciontaíodh i mí Iúil i mí-úsáid ghnéis a dhéanamh ar chailíní sna 1970idí agus sna 1980idí.[5]
- 6 Deireadh Fómhair — Buiséad 2027: d'fhógair an tAire Airgeadais, Simon Harris, agus an tAire Caiteachais Phoiblí, Jack Chambers, méadú ar an liúntas breosla agus ar íocaíochtaí leasa shóisialaigh.[6]
- 5 Deireadh Fómhair — D'fhógair Príomh-Aire na Spáinne, Pedro Sánchez, olltoghchán roimh am don 29 Samhain.[7]
Básanna:
- 28 Deireadh Fómhair — Marta Shahbazi, bitheolaí móilíneach Spáinneach, i dtubaiste traenach Toledo
- 26 Deireadh Fómhair — Fearghas Mac Lochlainn, scríbhneoir, cumadóir agus oide
- 26 Deireadh Fómhair — Antoine Spire, iriseoir Francach
- 23 Deireadh Fómhair — Donal Lunny, ceoltóir agus léiritheoir
- 22 Deireadh Fómhair — Yasuo Fukuda, príomhaire na Seapáine 2007–2008
- 22 Deireadh Fómhair — Claude Cohen-Tannoudji, fisiceoir Francach, Duais Nobel na Fisice 1997
- 21 Deireadh Fómhair — Seán de Fréine, scríbhneoir agus scoláire
- 21 Deireadh Fómhair — Tom Skerritt, aisteoir Meiriceánach
- 17 Deireadh Fómhair — Ryū Murakami, úrscéalaí Seapánach
- 14 Deireadh Fómhair — Jorge Fernando Castro, dornálaí Airgintíneach
- 10 Deireadh Fómhair — Tom a’ tSeoighe, file pobail agus cumadóir amhrán
Meán Fómhair
[cuir in eagar | athraigh foinse]- 30 Meán Fómhair — Theip ar iarracht Christa Pike a chur chun báis i bpríosún in Tennessee, cé gur tugadh dhá instealladh de dhruga marfach di; cuireadh na básuithe ar fionraí sa stát go deireadh na bliana.[8]
- 17 Meán Fómhair — D'fhógair RTÉ nach nglacfadh Éire páirt i gComórtas Amhránaíochta na hEoraifíse 2027, toisc go raibh Iosrael páirteach ann.[4]
- 12–13 Meán Fómhair — Cuairt Donald Trump ar Éirinn: bhuail sé leis an Uachtarán agus leis an Taoiseach i mBaile Átha Cliath, agus bhronn sé trófaí Chraobhchomórtas Oscailte Gailf na hÉireann ar Shane Lowry sa Dún Beag. Dúirt sé gur mhaith leis Éire aontaithe a fheiceáil, agus gheall sé deireadh a chur leis na taraifí ar uisce beatha na hÉireann. Bhí agóidí i mBaile Átha Cliath, ag Aerfort na Sionainne agus sa Dún Beag.[9][4]
- 11 Meán Fómhair — Ghabh na Houthi smacht ar Chaolas Bab-el-Mandab, ag béal na Mara Rua; an lá roimhe sin, b'éigean don Araib Shádach príomhphíblíne ola a dhúnadh tar éis ionsaithe drón ón Iaráic.[10][1]
- 8 Meán Fómhair — D'éirigh Máire Mhic Giolla Íosa as mar chathaoirleach ar an gcoiste a bhí ag obair chun aon eagraíocht amháin a dhéanamh de Chumann Lúthchleas Gael, de Chumann Peile Gael na mBan agus den Chumann Camógaíochta.[4]
- 5 Meán Fómhair — Bhuaigh Katie Taylor ar Flora Pili ina troid dheireanach mar dhornálaí gairmiúil, os comhair breis is 80,000 duine i bPáirc an Chrócaigh; chinn na moltóirí d'aon ghuth gur aici a bhí an bua.[11]
Básanna:
- 30 Meán Fómhair — Margaret Hamilton, eolaí ríomhaireachta Meiriceánach (bogearraí Apollo)
- 17 Meán Fómhair — Jon Kyl, seanadóir Meiriceánach
- 9 Meán Fómhair — Paddy Keenan, píobaire uilleann (The Bothy Band)
Lúnasa
[cuir in eagar | athraigh foinse]- 26 Lúnasa — Maidhm thuile ar an teorainn idir Neipeal agus an Tibéid: maraíodh breis is 1,400 duine, agus bhí na mílte eile ar iarraidh.[1]
- 18 Lúnasa — Ba í Caoilfhinn Ní Choiligh, Rós na hIarmhí, a bhuaigh comórtas Rós Thrá Lí.[4]
- 16 Lúnasa — Maraíodh cúigear déagóirí agus gortaíodh ceathrar eile nuair a bhuail dhá charr faoina chéile ar an mótarbhealach M9 i gContae Chill Dara; bhí carr goidte á thiomáint ar an taobh contráilte den bhóthar.[4]
- 12 Lúnasa — Urú iomlán na gréine san Íoslainn agus i dtuaisceart na Spáinne, an chéad urú iomlán ar mhórthír na hEorpa ó 1999; in Éirinn, bhí 94% den ghrian folaithe.[12][4]
- 9 Lúnasa — Eiseachadadh Daniel Kinahan, a líomhnaítear a bheith i gceannas ar dhrong Kinahan, ó Dubai go Baile Átha Cliath.[13]
- 9 Lúnasa — Bhuaigh Corcaigh ar Ghaillimh i gcluiche ceannais camógaíochta na hÉireann, 2–14 in aghaidh 0–19.[4]
- 7 Lúnasa — Shínigh an Araib Shádach, an Tuirc agus an Phacastáin comhaontú comhchosanta i Meice.
Básanna:
- 28 Lúnasa — Harald V, Rí na hIorua
- 27 Lúnasa — Ratko Mladić, ginearál Seirbiach ón mBoisnia a ciontaíodh i gcinedhíothú
- 26 Lúnasa — Peter Cullen, aisteoir gutha Ceanadach
- 25 Lúnasa — Dolly Parton, amhránaí agus cumadóir amhrán Meiriceánach
- 24 Lúnasa — Hideki Shirakawa, ceimiceoir Seapánach, Duais Nobel na Ceimice 2000
- 16 Lúnasa — Hayden Panettiere, ban-aisteoir Meiriceánach
- 10 Lúnasa — James McHugh, peileadóir (Dún na nGall), i dtimpiste bhóthair
- 4 Lúnasa — Liam Ó Néill, Uachtarán Chumann Lúthchleas Gael 2012–2015
- 4 Lúnasa — Michael Conaghan, polaiteoir (Páirtí an Lucht Oibre)
- 3 Lúnasa — Jimmy Cricket, fuirseoir
Iúil
[cuir in eagar | athraigh foinse]- 26 Iúil — Bhuaigh Maigh Eo ar Chiarraí, 1–20 in aghaidh 1–17, i gcluiche ceannais peile na hÉireann, agus thug siad Corn Sam Maguire abhaile den chéad uair ó 1951.[14]
- 23 Iúil — Síníodh ina dhlí an tAcht um Lonnaíochtaí de chuid Iosrael sa Chríoch Phalaistíneach faoi Fhorghabháil (Toirmeasc ar Earraí a Allmhairiú), 2026, a chuireann cosc ar earraí ó lonnaíochtaí Iosrael ar an mBruach Thiar a allmhairiú; tháinig an cosc i bhfeidhm ar an 8 Meán Fómhair.[15][4]
- 22 Iúil — Falscaithe sa Fhrainc: dódh thart ar 42,000 heicteár i réigiún Gironde, gar do Bordeaux, agus aslonnaíodh os cionn 220,000 duine.
- 22 Iúil — Fuarthas iarsmaí 22 naíonán eile ar shuíomh Árais Máithreacha agus Naíonán Thuama; 99 an líon iomlán a fuarthas go dtí sin.[4]
- 21 Iúil — Síníodh Dlí Jennie (an tAcht um Chlár Breithiúnas Foréigin Baile, 2026) ina dhlí: cuirtear clár poiblí ar bun de chiontuithe i bhforéigean baile.[16]
- 21 Iúil — Ceapadh Chris Bryant ina Rúnaí Stáit do Thuaisceart Éireann i rialtas nua Andy Burnham.
- 20 Iúil — Ceapadh Andy Burnham ina Phríomh-Aire ar an Ríocht Aontaithe, tar éis do Keir Starmer éirí as.[1]
- 19 Iúil — Bhuaigh Luimneach ar Ghaillimh, 1–29 in aghaidh 1–18, i gcluiche ceannais iomána na hÉireann, agus thug siad Corn Liam Mhic Cárthaigh leo an séú huair in ocht mbliana.[17]
- 4 Iúil — Ceiliúradh 250 bliain ó Fhorógra Saoirse Mheiriceá sna Stáit Aontaithe.
- 1 Iúil — Thosaigh Uachtaránacht na hÉireann ar Chomhairle an Aontais Eorpaigh, go ceann sé mhí, le searmanas i gCaisleán Bhaile Átha Cliath; bhí António Costa, Uachtarán na Comhairle Eorpaí, agus Volodymyr Zelenskyy, Uachtarán na hÚcráine, i láthair.[18]
- Iúil — Bhí mí Iúil ar an dara mí Iúil ba theo a taifeadadh in Éirinn ón mbliain 1900, agus níor thit ach 16 milliméadar báistí (Aimsir na bliana 2026).[19]
Básanna:
- 29 Iúil — Glen Hansard, ceoltóir agus amhránaí, i dtimpiste ghluaisrothair
- 25 Iúil — Bill Oddie, fuirseoir agus éaneolaí Sasanach
- 23 Iúil — Annie Courtney, polaiteoir (PSDLO)
- 16 Iúil — Brenda Fricker, ban-aisteoir
- 11 Iúil — Lindsey Graham, seanadóir Meiriceánach
- 11 Iúil — Dermot Murnaghan, craoltóir
- 8 Iúil — Bonnie Tyler, amhránaí Breatnach
- 8 Iúil — Ann Widdecombe, polaiteoir Sasanach
Meitheamh
[cuir in eagar | athraigh foinse]- 24 Meitheamh — Dhá mhórchrith talún, de mhéid 7.2 agus 7.5, i Veiniséala: maraíodh 6,500 duine ar a laghad.[1]
- 18 Meitheamh — Bhuaigh Andy Burnham fothoghchán Makerfield, rud a thug deis dó dúshlán a thabhairt do Keir Starmer ar cheannaireacht Pháirtí an Lucht Oibre.
- 17 Meitheamh — Vótáil an Dáil, 86–70, ar son deireadh a chur leis an tréimhse mhachnaimh éigeantach trí lá roimh ghinmhilleadh.[4]
- 13–14 Meitheamh — Cuairt Phríomh-Aire Cheanada, Mark Carney, ar Éirinn: bhuail sé leis an Taoiseach i mBaile Átha Cliath agus leis an Uachtarán i gContae Mhaigh Eo, agus thug sé cuairt ar an mbaile as ar fhág a sheantuismitheoirí ar imirce go Ceanada.[4]
- 11 Meitheamh – 19 Iúil — Corn FIFA an Domhain 2026 i gCeanada, i Meicsiceo agus sna Stáit Aontaithe, an chéad uair a raibh 48 foireann san iomaíocht. Bhuaigh an Spáinn 1–0 ar an Airgintín sa chluiche ceannais, san am breise.[1]
- 9 Meitheamh — Bhris círéibeacha ciníocha amach i mBéal Feirste tar éis ionsaí scine an oíche roimhe sin; leath siad ar fud Thuaisceart Éireann, agus dódh tithe, gnólachtaí agus feithiclí.
- 6 Meitheamh — Diúltaíodh cead isteach sna Stáit Aontaithe don réiteoir Somálach Omar Abdulkadir Artan, a bhí roghnaithe do Chorn an Domhain, nuair a tháinig sé i dtír in Miami.
- 5 Meitheamh — Chuir Rialtas na hÉireann cosc ar bheirt airí de chuid Iosrael, Itamar Ben-Gvir agus Bezalel Smotrich, teacht isteach sa tír, mar gheall ar an gcaoi ar chaith siad le gníomhaithe ó Chabhlachán Global Sumud agus ar ráitis a rinne siad in aghaidh na bPalaistíneach.[20][4]
- 3 Meitheamh — Síníodh ina dhlí an tAcht um Chomhar Idirnáisiúnta (Fiosrúchán faoi Bhuamáil na hÓmaí), 2026, a ligeann do bhaill agus d'iarbhaill den Gharda Síochána, d'Óglaigh na hÉireann agus den státseirbhís páirt a ghlacadh san fhiosrúchán faoin mbuamáil.[21]
- Meitheamh — Ciontaíodh Marius Borg Høiby, mac le Banphrionsa na hIorua, Mette-Marit, in Oslo, i 34 cúiseamh (as 40), dhá chúiseamh éignithe ina measc.[22]
Básanna:
- 30 Meitheamh — David Andrews, polaiteoir (Fianna Fáil)
- 18 Meitheamh — Bill Kenneally, ciontóir gnéis, sa phríosún
- 9 Meitheamh — Ciarán Ó Lionáird, reathaí Oilimpeach
- 5 Meitheamh — Donncha Ó Cochláin, iománaí agus peileadóir (Corcaigh)
Bealtaine
[cuir in eagar | athraigh foinse]- 26 Bealtaine — Taifeadadh 30.6 °C ag Aerfort na Sionainne, an teocht ab airde riamh in Éirinn i mí na Bealtaine (Aimsir na bliana 2026).[4]
- 22 Bealtaine — Dhá fhothoghchán Dála: bhuaigh Daniel Ennis (na Daonlathaithe Sóisialta) i mBaile Átha Cliath Láir, agus Seán Kyne (Fine Gael) i nGaillimh Thiar.
- 18 Bealtaine — Ghlac an Rí Séarlas III le cuireadh ón Uachtarán, Catherine Connolly, cuairt stáit a thabhairt ar Éirinn, nuair a bhuail siad le chéile i bPálás Buckingham.[4]
- 14 Bealtaine — D'éirigh Wes Streeting as mar Rúnaí Sláinte na Breataine, chun dúshlán a thabhairt do Keir Starmer ar cheannaireacht Pháirtí an Lucht Oibre.
- 13–15 Bealtaine — Cuairt stáit ag Donald Trump ar an tSín: phléigh sé an trádáil, an Iaráin agus an Téaváin le Xi Jinping i mBéising.[23]
- 12–16 Bealtaine — Comórtas Amhránaíochta na hEoraifíse 2026 i Vín: níor ghlac Éire páirt ann, mar go ndearna RTÉ agus craoltóirí eile baghcat air toisc go raibh Iosrael páirteach. Bhuaigh an Bhulgáir den chéad uair riamh.[1]
- 7 Bealtaine — Toghcháin áitiúla i Sasana: chaill Páirtí an Lucht Oibre breis is míle comhairleoir, agus ba é Reform UK an páirtí ba mhó sna comhairlí áitiúla.[24]
- Bealtaine — Shínigh an tAire Fiontar, Turasóireachta agus Fostaíochta, Peter Burke, Comhaontuithe Artemis thar ceann na hÉireann, i gceanncheathrú NASA in Washington. Tá na comhaontuithe ceangailte le clár Artemis.[25]
Básanna:
- 31 Bealtaine — Tomi Reichental, marthanóir ón Uileloscadh
- 22 Bealtaine — Charles Cioffi, aisteoir Meiriceánach
- 17 Bealtaine — Totó la Momposina, amhránaí Colómach
- 12 Bealtaine — Donald Gibb, aisteoir Meiriceánach
- 6 Bealtaine — Ted Turner, fear gnó Meiriceánach a bhunaigh CNN
- 2 Bealtaine — Colin Williams, sochtheangeolaí Breatnach
- 2 Bealtaine — Gráinne Uí Mhaitiú, láithreoir teilifíse (Bosco)
Aibreán
[cuir in eagar | athraigh foinse]- 26 Aibreán — Bhuaigh Sabastian Sawe maratón Londan in 1:59:30, curiarracht dhomhanda: ba é an chéad duine é a rith maratón oifigiúil taobh istigh de dhá uair an chloig.[26]
- 25 Aibreán — Scaoileadh urchair in óstán Hilton in Washington, áit a raibh Donald Trump agus baill dá rialtas ag dinnéar bliantúil le hiriseoirí an Tí Bháin; tugadh amach slán iad, agus gabhadh an gunnadóir.
- 22 Aibreán — Shínigh an tUachtarán, Catherine Connolly, an Bille um Chosaint Idirnáisiúnta, 2026, ina dhlí: ainmnítear tíortha sábháilte ann, agus tugtar dlí na hÉireann i gcomhréir le comhaontú imirce agus tearmainn an Aontais Eorpaigh.[27]
- 18 Aibreán — Foilsíodh ar líne na foirmeacha ó Dhaonáireamh 1926, céad bliain go díreach tar éis an daonáirimh.[28]
- 17 Aibreán — Gabhadh Daniel Kinahan in Dubai, de bhun barántais gabhála a d'eisigh cúirteanna na hÉireann.[29]
- 14 Aibreán — Bhuaigh an Rialtas rún muiníne sa Dáil faoi na hagóidí breosla; d'éirigh Michael Healy-Rae as mar Aire Stáit.[30]
- 12 Aibreán — Olltoghchán na hUngáire: bhuaigh páirtí Tisza, faoi stiúir Péter Magyar, tromlach dhá thrian, agus cuireadh deireadh le 16 bliana de rialtas Viktor Orbán.[1]
- 12 Aibreán — Cháin Donald Trump an Pápa Leon XIV, a dhiúltaigh tacú leis an gcogadh san Iaráin.
- 9 Aibreán — Thug an Coimisiún Pleanála cead pleanála nua do Cuarbhóthar Chathair na Gaillimhe.
- 8 Aibreán — Mharaigh aerionsaithe Iosrael breis is 300 duine sa Liobáin, in ainneoin an tsosa cogaidh.[1]
- 7–14 Aibreán — Agóidí faoi phraghas an bhreosla ar fud na hÉireann: chuir tiománaithe trucailí, feirmeoirí agus oibrithe eile bac ar bhóithre, ar chalafoirt agus ar scaglann an Gheata Bháin, agus ní raibh breosla ar fáil i gcuid mhór stáisiún peitril. D'fhógair an Rialtas pacáiste €505 milliún ar an 12 Aibreán.
- 7 Aibreán — D'fhógair Donald Trump sos cogaidh coicíse idir na Stáit Aontaithe agus an Iaráin, tar éis 40 lá troda.
- 1–10 Aibreán — Artemis II: d'eitil ceathrar spásairí timpeall na gealaí, an chéad uair ó 1972, agus thaistil siad níos faide ón Domhan ná aon duine riamh roimhe sin (406,771 ciliméadar).[1]
- 1 Aibreán — D'fhoilsigh an Chomhairle Chomhairleach ar an Athrú Aeráide tuarascáil inar cáineadh an fhaillí a rinne rialtas i ndiaidh rialtais (Athrú aeráide in 2026).[31]
- Aibreán — Seoladh Cogar, ardán sóisialta agus aip do phobal na Gaeilge.
- Aibreán — Ráig den hantaivíreas ar an long chrúsála MV Hondius san Atlantach: fuair triúr bás.
Básanna:
- 19 Aibreán — Desmond Morris, zó-eolaí agus craoltóir Sasanach
- 13 Aibreán — Máire Ní Bhraonáin (Moya Brennan), amhránaí (Clannad)
- 6 Aibreán — Gabriel Rosenstock, file agus aistritheoir
- 6 Aibreán — Seán Barrett, polaiteoir (Fine Gael), Ceann Comhairle 2011–2016
Márta
[cuir in eagar | athraigh foinse]- 30 Márta — Ghlac an Knesset le dlí a fhágann gurb é pionós an bháis an gnáthphionós do Phalaistínigh a chiontaítear in ionsaithe marfacha.[32]
- 26 Márta — Chaill foireann sacair na hÉireann ar Phoblacht na Seice i bPrág, i gcomórtas ciceanna éirice, agus níor cháiligh sí do Chorn an Domhain.[33]
- 17 Márta — Feallmharaíodh Ali Larijani, ceannasaí slándála na hIaráine, in aerionsaí de chuid Iosrael.[1]
- 15 Márta — Gradaim Oscar: ba í Jessie Buckley an chéad Éireannach a bhuaigh an gradam don bhan-aisteoir is fearr, as a ról in Hamnet; bhuaigh One Battle After Another sé ghradam, an scannán is fearr ina measc.
- 14 Márta — Bhuaigh an Fhrainc Comórtas na Sé Náisiún den dara bliain as a chéile; bhuaigh Éire an Choróin Thriarach.[34]
- 10 Márta — Seoladh An Dearcán, iris liteartha Ghaeilge, in Ollscoil Chathair Bhaile Átha Cliath.
- 8 Márta — Ceapadh Mojtaba Khamenei ina Ardcheannaire ar an Iaráin, i gcomharbacht ar a athair.
- 4 Márta — Chuir fomhuireán de chuid na Stát Aontaithe an long chogaidh Iaránach IRIS Dena go tóin poill san Aigéan Indiach, amach ó chósta Shrí Lanca; maraíodh breis is 100 mairnéalach.[35]
- Márta — Eisíodh Báite, scannán Gaeilge de chuid Cine4, sna pictiúrlanna le linn Sheachtain na Gaeilge.
Básanna:
- 31 Márta — Rory O'Hanlon, polaiteoir (Fianna Fáil), Ceann Comhairle 2002–2007
- 21 Márta — Michael Lyster, craoltóir spóirt
- 20 Márta — Robert Mueller, stiúrthóir an FBI 2001–2013
- 19 Márta — Chuck Norris, aisteoir agus saineolaí ealaíon comhraic
- 16 Márta — Dolores Keane, amhránaí
- 14 Márta — Jürgen Habermas, fealsamh Gearmánach
- 11 Márta — Ronnie Delany, reathaí, curadh Oilimpeach 1956
- 8 Márta — Anthony Leggett, fisiceoir Briotanach, Duais Nobel na Fisice 2003
- 5 Márta — Eigra Lewis Roberts, scríbhneoir Breatnaise
- 1 Márta — Davíð Oddsson, príomhaire na hÍoslainne 1991–2004
Feabhra
[cuir in eagar | athraigh foinse]- 28 Feabhra — D'ionsaigh Iosrael agus na Stáit Aontaithe an Iaráin: maraíodh an tArdcheannaire, Ali Khamenei, agus go leor ceannairí eile. Rinne an Iaráin ionsaithe ar Iosrael agus ar thíortha na Murascaille, agus dhún sí Caolas Hormuz.
- 28 Feabhra — Bhuail diúracán Meiriceánach bunscoil cailíní in Minab: maraíodh 156 duine, 120 páiste scoile ina measc.[36]
- 26 Feabhra — D'fhógair an Phacastáin "cogadh oscailte" ar rialtas an Talaban san Afganastáin, tar éis aerionsaithe ón 21 Feabhra (Cogadh Pacastáin – Afganastáin 2026).[1]
- 19 Feabhra — Gabhadh Andrew Mountbatten-Windsor, deartháir leis an Rí Séarlas III, in Sandringham, in amhras faoi mhí-iompar oifigiúil, tar éis do thuilleadh de chomhaid Jeffrey Epstein a bheith foilsithe; scaoileadh saor é an lá céanna, faoi imscrúdú.[37]
- 10 Feabhra — Lámhach i meánscoil agus i dteach in Tumbler Ridge, sa Cholóim Bhriotanach, Ceanada: maraíodh ochtar, agus fuair an gunnadóir bás freisin.
- 8 Feabhra — Toghadh António José Seguro ina Uachtarán ar an bPortaingéil sa dara babhta, le 67% de na vótaí, in aghaidh André Ventura ó pháirtí Chega.[38]
- 6–22 Feabhra — Cluichí Oilimpeacha an Gheimhridh 2026 in Milano agus in Cortina d'Ampezzo, san Iodáil.[1]
- 6 Feabhra — Maraíodh 31 duine ar a laghad i mbuamáil fhéinmharfach ar mhosc in Islamabad, sa Phacastáin.[1]
- 3 Feabhra — D'éirigh Peter Mandelson as Teach na dTiarnaí, i bhfianaise na conspóide faoi Jeffrey Epstein.
- 2 Feabhra — D'fhógair Ollscoil na Banríona go scarfadh sí a naisc le George Mitchell, i bhfianaise na conspóide faoi Jeffrey Epstein.
- Feabhra — D'fhógair an Rialtas go dtabharfaí isteach reachtaíocht chun srian a chur le rochtain daoine óga ar na meáin shóisialta.
- Feabhra — D'fhoilsigh Andrew Callaghan físeán faisnéise, Irish Language Revival, ar YouTube; féachadh air 768,000 uair laistigh de thrí lá.
Básanna:
- 28 Feabhra — Ali Khamenei, Ardcheannaire na hIaráine 1989–2026, in aerionsaí
- 28 Feabhra — Peadar Ó Treasaigh, aisteoir
- 27 Feabhra — Colman McCarthy, iriseoir agus gníomhaí síochána Meiriceánach
- 24 Feabhra — Rex Lee Jim, file agus polaiteoir Navachóch
- 17 Feabhra — Jesse Jackson, gníomhaí cearta sibhialta Meiriceánach
- 15 Feabhra — Robert Duvall, aisteoir Meiriceánach
- 11 Feabhra — Cees Nooteboom, scríbhneoir Ísiltíreach
Eanáir
[cuir in eagar | athraigh foinse]- 31 Eanáir — D'éirigh Jon Burrows, iarphóilín, ina cheannaire ar Aontachtóirí Uladh.
- 27 Eanáir — D'aontaigh an India agus an tAontas Eorpach comhaontú saorthrádála; sheol Príomh-Aire na hIndia, Narendra Modi, teachtaireacht i nGaeilge ar X.
- 24 Eanáir — Maraíodh Alex Pretti, altra 37 bliain d'aois, in Minneapolis, nuair a scaoil beirt oifigeach teorann de chuid na Stát Aontaithe leis.[39]
- 22 Eanáir — Shínigh Donald Trump, agus ceannairí agus airí gnóthaí eachtracha ó 19 dtír eile, cairt bhunaidh an Bhoird Síochána in Davos; ainmnítear Trump sa chairt ina chathaoirleach ar an mbord ar feadh a shaoil.[40]
- 18 Eanáir — Tubaiste traenach gar do Adamuz, i gcúige Córdoba na Spáinne: d'imigh traein ardluais de na ráillí agus bhuail traein eile í; maraíodh 46 duine.[1]
- 8 Eanáir — Dhún údaráis na hIaráine an t-idirlíon le linn na n-agóidí ollmhóra ar fud na tíre; maraíodh na mílte agóideoir sna laethanta ina dhiaidh sin.[1]
- 7 Eanáir — Maraíodh Renee Good in Minneapolis nuair a scaoil gníomhaire de chuid ICE léi; thosaigh agóidí ar fud na Stát Aontaithe.
- 5 Eanáir — Bhuail an Taoiseach, Micheál Martin, le hUachtarán na Síne, Xi Jinping, i mBéising.[4]
- 3 Eanáir — D'ionsaigh na Stáit Aontaithe Veiniséala: gabhadh an tUachtarán, Nicolás Maduro, agus a bhean chéile, Cilia Flores, agus tugadh go Nua-Eabhrac iad.[41][42]
- 1 Eanáir — Maraíodh 41 duine i ndóiteán i gclub oíche in Crans-Montana, san Eilvéis.[1]
- Eanáir — Conspóid faoi Grok, bota comhrá Elon Musk, nuair a úsáideadh é chun íomhánna graosta de mhná agus de pháistí a chruthú ar X.
Básanna:
- 31 Eanáir — Joe Mulholland, léiritheoir teilifíse (Féach) agus bunaitheoir Scoil Samhraidh MacGill
- 28 Eanáir — Brian O'Shea, polaiteoir (Páirtí an Lucht Oibre)
- 23 Eanáir — Brian Crowley, Feisire Eorpach (Fianna Fáil)
- 22 Eanáir — Máirtín Ó Murchú, teangeolaí
- 20 Eanáir — Rifaat al-Assad, oifigeach míleata Siriach, uncail Bashar al-Assad
- 16 Eanáir — Mickey Brady, polaiteoir (Sinn Féin)
- 13 Eanáir — Seán Ó Sé, amhránaí (An Poc ar Buile)
Básanna
[cuir in eagar | athraigh foinse]- Na Gaeil a fuair bás in 2026: Seán de Fréine, scríbhneoir; Fearghas Mac Lochlainn, scríbhneoir agus oide; James McHugh, peileadóir; Joe Mulholland, léiritheoir teilifíse; Máire Ní Bhraonáin, amhránaí; Ciarán Ó Lionáird, reathaí; Máirtín Ó Murchú, teangeolaí; Seán Ó Sé, amhránaí; Peadar Ó Treasaigh, aisteoir; Gabriel Rosenstock, file; Tom a’ tSeoighe, file pobail; agus Gráinne Uí Mhaitiú, láithreoir teilifíse
- In Éirinn: David Andrews, FF; Seán Barrett, FG; Mickey Brady, SF; Gerry Collins, FF; Michael Conaghan, Páirtí an Lucht Oibre; Annie Courtney, PSDLO; Jimmy Cricket, fuirseoir; Brian Crowley, FF; Ronnie Delany, lúthchleasaí; Brenda Fricker, ban-aisteoir; Glen Hansard, ceoltóir; Dolores Keane, amhránaí; Paddy Keenan, píobaire; Bill Kenneally, ciontóir gnéis; Donal Lunny, ceoltóir; Michael Lyster, craoltóir; Ciara Mageean, lúthchleasaí; Donncha Ó Cochláin, iománaí agus peileadóir; Rory O'Hanlon, FF; Liam Ó Néill, CLG; Brian O'Shea, Páirtí an Lucht Oibre; agus Tomi Reichental, marthanóir ón Uileloscadh
- Thar lear: an Rí Harald V na hIorua; Rifaat al-Assad, oifigeach míleata Siriach; Jorge Fernando Castro, dornálaí; Charles Cioffi, aisteoir; Claude Cohen-Tannoudji, fisiceoir; Peter Cullen, aisteoir gutha; Robert Duvall, aisteoir; Yasuo Fukuda, príomhaire na Seapáine; Donald Gibb, aisteoir; Lindsey Graham, seanadóir SAM; Jürgen Habermas, fealsamh; Margaret Hamilton, eolaí ríomhaireachta; Jesse Jackson, gníomhaí cearta sibhialta; Rex Lee Jim, file agus polaiteoir; Ali Khamenei, Ardcheannaire na hIaráine; Jon Kyl, seanadóir SAM; Anthony Leggett, fisiceoir; Colman McCarthy, iriseoir; Ratko Mladić, ginearál a ciontaíodh i gcinedhíothú; Desmond Morris, zó-eolaí; Robert Mueller, stiúrthóir an FBI; Ryū Murakami, úrscéalaí; Dermot Murnaghan, craoltóir; Cees Nooteboom, scríbhneoir; Chuck Norris, aisteoir; Bill Oddie, fuirseoir; Davíð Oddsson, príomhaire na hÍoslainne; Hayden Panettiere, ban-aisteoir; Dolly Parton, amhránaí; Eigra Lewis Roberts, scríbhneoir Breatnaise; Jay Rockefeller, seanadóir SAM; Marta Shahbazi, bitheolaí; Hideki Shirakawa, ceimiceoir; Tom Skerritt, aisteoir; Antoine Spire, iriseoir; Totó la Momposina, amhránaí; Ted Turner, fear gnó; Bonnie Tyler, amhránaí; Ann Widdecombe, polaiteoir; agus Colin Williams, sochtheangeolaí
Liosta
[cuir in eagar | athraigh foinse]- 6 Samhain — Jay Rockefeller, polaiteoir Meiriceánach, seanadóir ó Virginia Thiar (r. 1937)
- 1 Samhain — Ciara Mageean, reathaí Éireannach (r. 1992)
- 1 Samhain — Gerry Collins, polaiteoir Éireannach (r. 1938)
- 28 Deireadh Fómhair — Marta Shahbazi, bitheolaí móilíneach Spáinneach (r. 1985)
- 26 Deireadh Fómhair — Fearghas Mac Lochlainn, scríbhneoir, cumadóir agus oide Éireannach (r. 1961)
- 26 Deireadh Fómhair — Antoine Spire, iriseoir Francach (r. 1946)
- 23 Deireadh Fómhair — Donal Lunny, ceoltóir agus léiritheoir Éireannach (r. 1947)
- 22 Deireadh Fómhair — Yasuo Fukuda, príomhaire na Seapáine 2007–2008 (r. 1936)
- 22 Deireadh Fómhair — Claude Cohen-Tannoudji, fisiceoir Francach (r. 1933)
- 21 Deireadh Fómhair — Seán de Fréine, scríbhneoir agus scoláire Éireannach (r. 1927)
- 21 Deireadh Fómhair — Tom Skerritt, aisteoir Meiriceánach (r. 1933)
- 17 Deireadh Fómhair — Ryū Murakami, úrscéalaí agus stiúrthóir scannán Seapánach (r. 1952)
- 14 Deireadh Fómhair — Jorge Fernando Castro, dornálaí Airgintíneach (r. 1967)
- 10 Deireadh Fómhair — Tom a’ tSeoighe, file pobail agus cumadóir amhrán Éireannach
- 30 Meán Fómhair — Margaret Hamilton, eolaí ríomhaireachta Meiriceánach (r. 1936)
- 17 Meán Fómhair — Jon Kyl, polaiteoir Meiriceánach, seanadóir ó Arizona (r. 1942)
- 9 Meán Fómhair — Paddy Keenan, píobaire uilleann Éireannach (r. 1950)
- 28 Lúnasa — Harald V, Rí na hIorua 1991–2026 (r. 1937)
- 27 Lúnasa — Ratko Mladić, ginearál Seirbiach ón mBoisnia (r. 1942)
- 26 Lúnasa — Peter Cullen, aisteoir gutha Ceanadach (r. 1941)
- 25 Lúnasa — Dolly Parton, amhránaí agus cumadóir amhrán Meiriceánach (r. 1946)
- 24 Lúnasa — Hideki Shirakawa, ceimiceoir Seapánach (r. 1936)
- 16 Lúnasa — Hayden Panettiere, ban-aisteoir agus amhránaí Meiriceánach (r. 1989)
- 10 Lúnasa — James McHugh, peileadóir Éireannach (r. 1964)
- 4 Lúnasa — Liam Ó Néill, Uachtarán Chumann Lúthchleas Gael 2012–2015 (r. 1955)
- 4 Lúnasa — Michael Conaghan, polaiteoir Éireannach (r. 1944)
- 3 Lúnasa — Jimmy Cricket, fuirseoir Éireannach (r. 1945)
- 29 Iúil — Glen Hansard, ceoltóir agus amhránaí Éireannach (r. 1970)
- 25 Iúil — Bill Oddie, fuirseoir agus éaneolaí Sasanach (r. 1941)
- 23 Iúil — Annie Courtney, polaiteoir Éireannach
- 16 Iúil — Brenda Fricker, ban-aisteoir Éireannach (r. 1945)
- 11 Iúil — Lindsey Graham, seanadóir Meiriceánach (r. 1955)
- 11 Iúil — Dermot Murnaghan, craoltóir Sasanach (r. 1957)
- 8 Iúil — Bonnie Tyler, amhránaí Breatnach (r. 1951)
- 8 Iúil — Ann Widdecombe, polaiteoir Sasanach (r. 1947)
- 30 Meitheamh — David Andrews, polaiteoir Éireannach (r. 1935)
- 18 Meitheamh — Bill Kenneally, ciontóir gnéis Éireannach
- 9 Meitheamh — Ciarán Ó Lionáird, reathaí Éireannach (r. 1988)
- 5 Meitheamh — Donncha Ó Cochláin, iománaí agus peileadóir Éireannach (r. 1945)
- 31 Bealtaine — Tomi Reichental, marthanóir ón Uileloscadh, Éireannach a rugadh sa tSlóvaic (r. 1935)
- 22 Bealtaine — Charles Cioffi, aisteoir Meiriceánach (r. 1935)
- 17 Bealtaine — Totó la Momposina, amhránaí Colómach (r. 1940)
- 12 Bealtaine — Donald Gibb, aisteoir Meiriceánach (r. 1954)
- 6 Bealtaine — Ted Turner, fear gnó Meiriceánach (r. 1938)
- 2 Bealtaine — Colin Williams, sochtheangeolaí Breatnach (r. 1950)
- 2 Bealtaine — Gráinne Uí Mhaitiú, láithreoir teilifíse Éireannach
- 19 Aibreán — Desmond Morris, zó-eolaí agus craoltóir Sasanach (r. 1928)
- 13 Aibreán — Máire Ní Bhraonáin, amhránaí agus cláirseoir Éireannach (r. 1952)
- 6 Aibreán — Gabriel Rosenstock, file agus aistritheoir Éireannach (r. 1949)
- 6 Aibreán — Seán Barrett, polaiteoir Éireannach (r. 1944)
- 31 Márta — Rory O'Hanlon, polaiteoir Éireannach (r. 1934)
- 21 Márta — Michael Lyster, craoltóir Éireannach (r. 1954)
- 20 Márta — Robert Mueller, dlíodóir Meiriceánach, stiúrthóir an FBI 2001–2013 (r. 1944)
- 19 Márta — Chuck Norris, aisteoir Meiriceánach (r. 1940)
- 16 Márta — Dolores Keane, amhránaí Éireannach (r. 1953)
- 14 Márta — Jürgen Habermas, fealsamh Gearmánach (r. 1929)
- 11 Márta — Ronnie Delany, lúthchleasaí Éireannach (r. 1935)
- 8 Márta — Anthony Leggett, fisiceoir Briotanach (r. 1938)
- 5 Márta — Eigra Lewis Roberts, scríbhneoir Breatnach (r. 1939)
- 1 Márta — Davíð Oddsson, polaiteoir Íoslainneach, príomhaire 1991–2004 (r. 1948)
- 28 Feabhra — Ali Khamenei, Ardcheannaire na hIaráine 1989–2026 (r. 1939)
- 28 Feabhra — Peadar Ó Treasaigh, aisteoir Éireannach
- 27 Feabhra — Colman McCarthy, iriseoir Meiriceánach (r. 1938)
- 24 Feabhra — Rex Lee Jim, polaiteoir agus file Navachóch (r. 1962)
- 17 Feabhra — Jesse Jackson, gníomhaí cearta sibhialta Meiriceánach (r. 1941)
- 15 Feabhra — Robert Duvall, aisteoir Meiriceánach (r. 1931)
- 11 Feabhra — Cees Nooteboom, scríbhneoir Ísiltíreach (r. 1933)
- 31 Eanáir — Joe Mulholland, léiritheoir agus feidhmeannach teilifíse Éireannach (r. 1940)
- 28 Eanáir — Brian O'Shea, polaiteoir Éireannach (r. 1944)
- 23 Eanáir — Brian Crowley, polaiteoir Éireannach (r. 1964)
- 22 Eanáir — Máirtín Ó Murchú, teangeolaí Éireannach (r. 1932)
- 20 Eanáir — Rifaat al-Assad, oifigeach míleata agus polaiteoir Siriach (r. 1937)
- 16 Eanáir — Mickey Brady, polaiteoir Éireannach (r. 1950)
- 13 Eanáir — Seán Ó Sé, amhránaí Éireannach (r. 1936)
Duaiseanna Nobel
[cuir in eagar | athraigh foinse]Féach freisin
[cuir in eagar | athraigh foinse]Tagairtí
[cuir in eagar | athraigh foinse]- 1 2 3 4 5 6 7 8 9 10 11 12 13 14 15 16 17 18 19 "2026" (en). Wikipedia (Béarla). Dáta rochtana: 2026-11-08.
- ↑ "Jeffrey Donaldson" (en). Wikipedia (Béarla). Dáta rochtana: 2026-11-08.
- ↑ "An rialtas ag súil le teacht ar phlean réitigh a sheachnódh an dara stailc, ceardchumainn le cúrsaí a phlé inniu" (ga-IE). Tuairisc.ie (2026-10-15). Dáta rochtana: 2026-11-08.
- 1 2 3 4 5 6 7 8 9 10 11 12 13 14 15 16 17 "2026 in Ireland" (en). Wikipedia (Béarla). Dáta rochtana: 2026-11-08.
- ↑ "Cúig bliana déag go leith príosúin gearrtha ar an iarmhúinteoir snámha, George Gibney" (ga-IE). Tuairisc.ie (2026-10-12). Dáta rochtana: 2026-11-08.
- ↑ "Buiséad 2027 fógartha, méadú ar an liúntas breosla agus íocaíochtaí leasa shóisialaigh, ardú beag don Ghaeilge" (ga-IE). Tuairisc.ie (2026-10-06). Dáta rochtana: 2026-11-08.
- ↑ Nuacht RTÉ (2026-10-05). "Rialtas na Spáinne tite tar éis agóidí tithíochta" (as ga-IE).
- ↑ "Christa Pike" (en). Wikipedia (Béarla). Dáta rochtana: 2026-11-08.
- ↑ "Clabhsúr curtha ar chuairt dhá lá Trump le gealltanas go gcuirfidh sé deireadh le taraifí ar uisce beatha na hÉireann" (ga-IE). Tuairisc.ie (2026-09-14). Dáta rochtana: 2026-11-08.
- ↑ Máirtín Ó Duibhir (2026-09-15). "Níos mó éiginnteachta ar Leithinis na hAraibe ná riamh" (ga-IE). Tuairisc.ie. Dáta rochtana: 2026-11-08.
- ↑ "GAILEARAÍ: Scoth na bpictiúr ó throid dheireanach Katie Taylor i bPáirc an Chrócaigh" (ga-IE). Tuairisc.ie (2026-09-07). Dáta rochtana: 2026-11-08.
- ↑ "Solar eclipse of August 12, 2026" (en). Wikipedia (Béarla). Dáta rochtana: 2026-11-08.
- ↑ "Daniel Kinahan" (en). Wikipedia (Béarla). Dáta rochtana: 2026-11-08.
- ↑ "2026 All-Ireland Senior Football Championship final" (en). Wikipedia (Béarla). Dáta rochtana: 2026-11-08.
- ↑ Tithe an Oireachtais. "An tAcht um Lonnaíochtaí de chuid Iosrael sa Chríoch Phalaistíneach faoi Fhorghabháil (Toirmeasc ar Earraí a Allmhairiú), 2026" (ga-IE). Dáta rochtana: 2026-11-08.
- ↑ Tithe an Oireachtais. "An tAcht um Chlár Breithiúnas Foréigin Baile, 2026" (ga-IE). Dáta rochtana: 2026-11-08.
- ↑ "GAILEARAÍ: Scoth na bpictiúr agus Gaillimh plúchta ag Luimneach i gcluiche ceannais na hÉireann" (ga-IE). Tuairisc.ie (2026-07-21). Dáta rochtana: 2026-11-08.
- ↑ "CAISLEÁN BHAILE ÁTHA CLIATH: ‘Tír an-Eorpach i gcónaí í Éire’ – tréimhse uachtaránacht ar an AE seolta" (ga-IE). Tuairisc.ie (2026-07-01). Dáta rochtana: 2026-11-08.
- ↑ "MET ÉIREANN: Mí Iúil seo an tríú mí ba theo ó 1900" (ga-IE). Tuairisc.ie (2026-08-05). Dáta rochtana: 2026-11-08.
- ↑ "Itamar Ben-Gvir" (en). Wikipedia (Béarla). Dáta rochtana: 2026-11-08.
- ↑ Tithe an Oireachtais. "An tAcht um Chomhar Idirnáisiúnta (Fiosrúchán faoi Bhuamáil na hÓmaí), 2026" (ga-IE). Dáta rochtana: 2026-11-08.
- ↑ "Marius Borg Høiby" (en). Wikipedia (Béarla). Dáta rochtana: 2026-11-08.
- ↑ Nuacht RTÉ (2026-05-13). "Trump i mBéising faoi choinne cruinniú mullaigh le Xi" (as ga-IE).
- ↑ Nuacht RTÉ (2026-05-08). "Reform UK chun cinn sa Bhreatain,An Lucht Oibre ag fulaingt" (as ga-IE).
- ↑ John Donovan (2026-05-15). "Éire agus na Comhaontuithe Artemis" (ga-IE). An Páipéar. Dáta rochtana: 2026-11-09.
- ↑ "2026 London Marathon" (en). Wikipedia (Béarla). Dáta rochtana: 2026-11-08.
- ↑ Tithe an Oireachtais. "An Bille um Chosaint Idirnáisiúnta, 2026" (ga-IE). Dáta rochtana: 2026-11-08.
- ↑ "1926 Irish Free State census" (en). Wikipedia (Béarla). Dáta rochtana: 2026-11-08.
- ↑ Paul Reynolds (2026-04-17). "Daniel Kinahan arrested in United Arab Emirates" (en). RTÉ News. Dáta rochtana: 2026-11-08.
- ↑ "Rún muiníne faoi na hagóidí breosla buaite ag an Rialtas ach Michael Healy-Rae ag éirí as mar Aire Stáit" (ga-IE). Tuairisc.ie (2026-04-14). Dáta rochtana: 2026-11-08.
- ↑ Nuacht RTÉ (2026-04-01). ""Praiseach" ó neamart Rialtas cáinte ag Ceannasaí Athrú Aeráide" (as ga-IE).
- ↑ "Capital punishment in Israel" (en). Wikipedia (Béarla). Dáta rochtana: 2026-11-08.
- ↑ "Oíche bhrónach i bPrág, gaisce stairiúil gan tábhacht, easpa roghanna agus fanacht fada roimh an gcéad chluiche mór eile" (ga-IE). Tuairisc.ie (2026-03-27). Dáta rochtana: 2026-11-08.
- ↑ "2026 Six Nations Championship" (en). Wikipedia (Béarla). Dáta rochtana: 2026-11-08.
- ↑ "Sinking of IRIS Dena" (en). Wikipedia (Béarla). Dáta rochtana: 2026-11-08.
- ↑ "2026 Minab school attack" (en). Wikipedia (Béarla). Dáta rochtana: 2026-11-08.
- ↑ "Andrew Mountbatten-Windsor" (en). Wikipedia (Béarla). Dáta rochtana: 2026-11-08.
- ↑ "2026 Portuguese presidential election" (en). Wikipedia (Béarla). Dáta rochtana: 2026-11-08.
- ↑ "Killing of Alex Pretti" (en). Wikipedia (Béarla). Dáta rochtana: 2026-11-08.
- ↑ "Board of Peace" (en). Wikipedia (Béarla). Dáta rochtana: 2026-11-08.
- ↑ "Éire ag cloí go dílis leis an script faoi fhuadach Nicolas Maduro" (ga-IE). Tuairisc.ie (2026-01-12). Dáta rochtana: 2026-11-08.
- ↑ "2026 United States intervention in Venezuela" (en). Wikipedia (Béarla). Dáta rochtana: 2026-11-08.