Vai al contenuto

Marilyn Monroe

De Vichipedie, la enciclopedie libare dute in marilenghe.
Marilyn Monroe


Marilyn Monroe tal 1953.

Norma Jeane Mortenson
Nazionalitât Merecane
Date di nassite 1 di Zugn dal 1926
Lûc di nassite Los Angeles, Californie, Stâts Unîts di Americhe
Date di muart 4 di Avost dal 1962
Lûc di muart Los Angeles, Californie, Stâts Unîts di Americhe
Origjin merecane
Ativitât Atore, modele, cjantante, produtore cinematografic
Gjenar Comedie, drame, comedie romantiche, musical
Periodi di ativitât 1945 - 1962
Oparis principâls "Niagara", "Gentlemen Prefer Blondes", "The Seven Year Itch", "Some Like It Hot", "The Misfits".
Icone de culture di masse e simuol dal secul dal Nûfcent; vinçidore di 1 Golden Globe.

Marilyn Monroe, pseudonim di Norma Jeane Mortenson (Los Angeles, 1 di Zugn dal 1926 – Los Angeles, 4 di Avost dal 1962), je stade une atore, modele, cjantante e produtore cinematografiche merecane. Considerade une des plui grandis e famôsis iconis de culture popolâr e de mitologjie dal cine mondiâl dal Nûfcent, Monroe e à rapresentât il simbul de sensualitât e de eletricitât de etât di aur di Hollywood. Cundut che e sedi stât dispès asociade dai media e des cjasis di produzion al rul stereotipât de "blonde gaiôse", Marilyn jere une artiste di gran talent psicologic e di une profonde sensibilitât, bon di dâ anime a interpretazions drammatichis e comichis di inestimabil valôr artistic.

Nassude a Los Angeles in cundizions di grande fragjilitât familiâr (so mari patîve di gravissims problematichis mentâls e so pari nol à mai ricognossût le fîe), le piciule Norma Jeane à passât le sô infanzie e le sô adolescenze cambiant continuamentri lis fameis che le veve in afidament, fassint esperience di solitudin e bandonaments.Par di plui a la patît ancje le esperience di molestis de bande di personis che vevin di protezile causant une fuarte timidece e dificoltâts di peraule. Durant le Seconde Guerre Mondiâl, intant che e lavorave in une fabriche di avions par sostegnî il sfuarç bellic, e è stât notade di un fotograf di mode. Tal zîr di pôc timp à scomençât une cariere di sucès come modele par lis cuviertinis des plui imporantis rivistis merecanis, adotant un gnûf look cun i cjavei blonds platin che varàn caraterizât par simpri le sô figure.

Daspò dal esordi cuntun contrat cun le 20th Century Fox e la Columbia Pictures, le so vere svolte al cine je rivade al principi dai agns '50 cun piciul ma memorabilîl rûl in oparis mestris come The Asphalt Jungle (1950) di John Huston e All About Eve (1950) di Joseph L. Mankiewicz. Tal 1953, cun il thriller Niagara e in particolâr cun lis comediis musicâlis Gentlemen Prefer Blondes (I oms preferissin lis blondis) e How to Marry a Millionaire (Cemût maridâsi cun un milionari), Marilyn e è deventade le plui grande stele di dal cine merecan, stabilint il sô status di icone universâl e imponint i siei numars musicâls te memorie dal public.

Insoferente al rû superficiâl che Hollywood continuave a segnâle e desiderose di perfezionâ le so art, tal 1954 Monroe e à cjapât la decision coragjôse di distacâsi di Los Angeles par trasferîsi a New York. In chel periodi e à studiât recitazion profonde al celebri Actors Studio cun Lee Strasberg, imparant il "Metodi" e fondant le so cjase di produzion autonome, la Marilyn Monroe Productions. Chest percors di maturitât al à puartât a straordinariis interpretazions di critiche e di public, come ie opare Bus Stop (1956) e te comedie opare mestre Some Like It Hot (A cualchidun plâs cjalt, 1959) di Billy Wilder, pellicule che li e à valût il Golden Globe par le miôr atore.

Le vite privade di Marilyn e è stât simpri segnade di un pês mediatic devastant e di une intense ricercje di afièt e di stabilitât. I sôs trê matrimonis — cun James Dougherty, cun la stele dal baseball Joe DiMaggio e cun il famôs drammaturg Arthur Miller — an atirât la atenzion dal mond intîr, compagn des sôs fragjilitâts emotivis e des dificoltâts di salût. Il sô ultim film completât al è stât il crepusculâr The Misfits (1961), scrit par jê di Miller e dirizû di John Huston, dongje di Clark Gable e Montgomery Clift, un testament cinematografic plen di melanconie e di poesie.

Marilyn Monroe je muarte te gnot jenfri il 4 e il 5 di Avost dal 1962 te sô cjase di Los Angeles a dome 36 agis, par vie di une overdose di barbiturics in une circostanze tragjiche che à colpît il mont intîr e alimentât par decenis ipotesis e mîts. Le sô scomparse à trasformât le so figure in un mît inmortâl, une icone cence timp buine di trapassâ lis generazions e di rapresentâ une fuzion uniche jenfri le magjie dal secul di Hollywood e le fragjilitât de condizion umane.

Filmografie principâl

[cambie | modifiche il codiç]
  • The Danger Signal (1947)
  • Love Happy (1949)
  • The Asphalt Jungle (1950)
  • All About Eve (1950)
  • Clash by Night (1952)
  • Don't Bother to Knock (1952)
  • Monkey Business (1952)
  • Niagara (1953)
  • Gentlemen Prefer Blondes (1953)
  • How to Marry a Millionaire (1953)
  • River of No Return (1954)
  • There's No Business Like Show Business (1954)
  • The Seven Year Itch (1955)
  • Bus Stop (1956)
  • The Prince and the Showgirl (1957)
  • Some Like It Hot (1959)
  • Let's Make Love (1960)
  • The Misfits (1961)