INSTISTUT BIBLIQUE LOGOS
(Centre Ouaminthe)
Cours : Méthode d’Etude Biblique
Devoir : L’observation 1Pierre 3 :1-7
Préparé par : Jemps ADELSON
Présenté à : Prof. Gerson LOUIS
Date de remise : 09 / 12 / 2023
1Pyè 3 v 1- 7
1 Menm jan an tou, nou menm medam, soumèt devan mari nou. Konsa, si gen nan mari nou
yo ki pa kwè nan Bondye, kondit nou kont pou fè yo kwè, san n’ pa janm bezwen louvri bouch
nou,
2 paske y’a wè jan nou viv byen, jan nou respekte yo.
3 Nou pa bezwen fè kò nou bèl ak bagay moun ka wè, tankou lè n’ap fè anpil kwafi
estraòdinè, lè n’ap mete kantite bijou an lò ak kantite rad ki koute chè sou nou.
4 Okontrè, se sa ki nan kè nou ki tout bèlte nou, yon bèlte ki p’ap janm pase. Se pou nou gen
yon karaktè dou, yon karaktè poze. Se sa ki gen valè devan Bondye.
5 Nan tan lontan, se konsa medam ki t’ap viv pou Bondye yo te fè tèt yo bèl : yo te mete
espwa yo nan Bondye, yo te soumèt devan mari yo.
6 Se konsa Sara te ye. Li te soumèt devan Abraram jouk pou li te rele l’ mèt. Nou menm tou,
medam, nou se pitit Sara, si nou fè sa ki byen san nou pa pè anyen.
7 Menm jan an tou, nou menm mari, nan tout bagay se pou nou viv byen ak madanm nou
paske yo pi fèb pase nou. Ba yo tout respè yo merite, paske yo menm tou y’a resevwa menm
lavi avèk nou tankou yon favè nan men Bondye. Konsa, anyen p’ap antrave lapriyè nou.
Obsèvasyon
1. Ki moun ki ekri pasaj sa ?
Repons : Pyè, Apòt Jezikri. (1Pyè 1 :1)
2. A ki moun Apòt Pyè te ekri lèt sa ?
Repons : Pyè te ekri l a tout moun kifè pati pèp Bondye te Chwazi. (1 Pyè 1 :1).
3. Eske pasaj sa se yon istwa, yon prediksyon oswa yon ansèyman ?
Repons : Se yon ansèyman.
4. Sou kisa otè ap pale ?
Repons : Sou soumisyon medam yo ak devwa mari yo.
5. Pami twa fason sa yo : eksplike, apwouve, aplike yon moun ka itilize pou devlope
yon ide biblik. Kiyès apòt Pyè te itilize ?
Repons : Aplike
6. Ki rekòmandasyon Apòt Pyè te fè a medam yo nan vèsè 1 a ?
Repons : Li te mande medam yo pou yo soumèt devan mari yo.
7. Pouki rezon medam yo dwe soumèt ?
Repons : Pou si gen nan mari yo ki pa kwè kondit yo kont pou fè yo kwè nan Bondye
san pale.
8. Kisa mari yo va wè lè medam yo soumèt devan yo ?
Repons : Mari yo va wè jan medam yo viv byen e gen respè pou yo.
9. Apòt Pyè mande medam yo pou yo pa dekore kò yo ak bagay moun ka wè.
Poukisa ?
Repons : Paske bèlte moun ka wè yo, yo la pou yon titan ( yo efemè). Men bèlte ki
nan kè yo a pap Janm fini.
10. Kisa medam yo dwe genyen e ki gen valè devan Bondye ?
Repons: Medam yo dwe genyen yon karaktè dou, yon karaktè poze. Se sa ki gen valè
devan Bondye.
11. Nan tan lontan, Kòman medam ki t ap viv pou Bondye yo te konn viv ?
Repons : Lontan lontan medam ki t ap viv pou Bondye yo :
a) Yo te konn fè tèt yo bèl,
b) Yo te mete espwa yo nan Bondye,
c) E yo te soumèt devan mari yo.
12. Kiyès moun Apòt Pyè te pran kòm egzanp ?
Repons : Apòt Pyè te pran egzanp Sara kite soumèt devan Abraram jouk li te rele l
mèt.
13. E nou menm medam, kiyès nou ye si nou fè byen ?
Repons : Nou se pitit Sara, si nou fè sa ki byen san nou pa pè anyen.
14. Ki devwa mari yo anvè madanm yo ? Poukisa ?
Repons : Nan tout bagay mari yo dwe viv byen ak madanm yo. Paske medam yo pi
fèb pase yo.
15. Kisa mari yo dwe bay madanm yo ?
Repons : Mari yo dwe ba yo tout respè yo merite.
16. Pou fini, kisa madanm yo ap resevwa kòm rekonpans ?
Repons : Yo va resevwa menm lavi ak mari yo tankou yon favè nan men Bondye, lè
sa anyen pap antrave lapriyè yo.
