“Mahay ny zavatra rehetra aho ao amin’Ilay mampahery ahy”

Filipiana 4:13

Jkjn
BOKY FIANARANA MAHANDRO
NOVOKARIN’NY COURS CUISINE HM

MAHAY MAHANDRO AHO

- Pâte feuilleté - Entrée froide
- Pâte Levée feuillette - Entrée chaude
- Pâte à pizza - Snack food
- Pâte à brioche - Charcuterie
- Pâte brisée
- Pâte génoise
- Pâte à choux
Pour plus d’informations:
Contact: 034 03 990 77 1
 TENY FAMPIDIRANA
Fifaliana ho anay ny manolotra ho anao ity boky manokana ity. Atolotra am-pitiavana
satria izay no tsiambaratelo voalohany mampahomby ny sakafo karakarainao :
« ny fitiavana ». Aza mandray vilia sy sotro na antsy mihitsy raha toa ka mbola ao anatin’ny
fahasorenana ianao. Aza sokafana ihany koa ity boky ity raha toa ka avy tezitra ianao.
Sakafo maro maro notsongaina manokana no nosoratana ho anao, tsara kokoa raha
hatramin’ny voalohany mihitsy ianao no manomboka azy ireny, satria misy fanazavana ilainao
any ambany efa voasoratra taty ambony. Ny tokony ilainao rehetra no omena anao saingy
mino izahay fa hiezaka hikaroka ianao mba hanatsara kokoa. Tsy misy mari-pohy tsy maintsy
arahina akory ny sakafo fa ny fahaizanao miangaly sy mandanjalanja azy no zava-dehibe.
Aza mieritreritra akory hoe toa sarotra izy izany rehefa mamaky ny fanazavana ianao,
fa mandraisa mihintsy anjara ka manaova andrana. Aza atao sakana ny tsy fahampin’ny
fitaovana eo am-pelatananao fa miezaha kosa mitady hevitra amoahanao ilay sakafo tianao
atao.
Tsarovy fa ny fanehoanao ny sakafo eo ambony vilia ihany koa dia maha-te hihinana
sahady ka aza atao ambanin-javatra io lafiny iray io.
Ny sakafo iray ihany koa, dia ahitanao fikarakarana azy amin’ny fomba maro samihafa,
ohatra, raha hanao crepe ianao, dia misy « recette » folo farafahakeliny ahafahana manao
izany, saingy notsongaina hoy izahay ny recette nomena anao, mba hanakaiky ny tsara sy ara-
pahasalamana ihany koa.
Koa, manana fikirizana ary, manana fitiavana izay sakafo karakaraina ary manana
finoana fa ho vitanao izay ataonao. Tsarovy fa mahay ny zavatra rehetra ianao ao amin’ilay
mampahery anao. Mirary soa ho anao

Ny Hoavy Razafimahatratra

2
 Pâte feuilletée SY Pate Levée Feuilleté
I- Pâte feuilletée (PF)
Ity pate iray ity dia hanamboarantsika ireo karazana feuilletée toy ny :
- Feuilleté saucisse
- Feuilleté fromage
- Mille-feuille
- Chausson ou vol au vent
- ….
Mbola ho hitantsika tsirairay ao ambany ireo

II- Pate levée Feuilletée (PLF)

Ity karazana pate ity indray dia ahafahantsika manao :
- Croissant
- Pain au chocolat
- Pain au raisin
- …
Alohan’ny hianarantsika azy ireo dia andeha ho jerentsika aloha ilay antsoina hoe « TOUR »
TOUR = MIKOSIKA + MAMALONA
Misy karazany roa ny tour :
- Tour simple
- Tour double
1- Tour simple :

- Kosehina hivelatra ho tonga mahitsizoro amin’ny rouleau ny pate (rectangle),

Tsy voatery mahitsy be akory ny sakany (largeur)
mbola omena etsy ambany ny recette pate.
- Aforitra toy ny amin’ny sary mihitsy ilay pate (mahazo toy ny amin’ny sary faha3
ianao) izany hoe ilay pate miforitra ahitana lafiny 3 mitovy tsara toy io. Vita ny tour
simple iray

3
 2- Tour double
- Kosehina hivelatra ho tonga mahitsizoro amin’ny rouleau ny pate (rectangle),
Tsy voatery mahitsy be akory ny sakany (largeur)
- Toy izao kosa ny famoretana azy

Sary 1 : ny sakany roa izany Sary 2: akombona toy ny manidy boky

aforitra mankeo afovoany mahazo pate toy izao ianao

Vita ny tour double iray

Famintinana : Ny famoretana ny pate noho izany no maha samihafa ny TOUR DOUBLE sy TOUR
SIMPLE

Andeha amin’izay ary hianatra hanamboatra ny pate isika

Pate levée Feuilleté

Ingredients :

- 500g farine
- sira 3 tsongo
- siramamy 3 sotro kely feno tsara
- levure boulangère saf instant 1 fonosina sy tapany (fonosana kely)
- Atody 2
- Ronono 1 boite yaourt maison (hafanana zakan’ny akihikely)
- Menaka 3 sotro lehibe
- Beurre de feuilletage 250g (eny amin’ny epicerie lehibe dia ahitanao azy)

Fomba fikarakarana azy : (tatavanina foana ny farine alohan’ny ampiasana azy)

- Afangaro ao anaty koveta jobo ny fangaro vovony rehetra na poudre (farine + sira + sucre +
levure), tsy avela hikasika amin’ny sira ny levure mba tsy ho lefy ny heriny, izany hoe
hafangaro tsara aloha ny farine sy sira sy siramamy izay vao harotsaka ny levure.
- Atao toy ny endrika tendrombohitra ireo fangaro vovony ireo ary lavahana eo afovoany.
Arotsaka ao ny fangaro ranony rehetra (liquide) ny atody tsy kapohina mialoha akory.
- Afangaro amin’ny spatule amin’izay miainga avy eo afovoany mankany ivelany.

4
 - Afaka mampiasa tanana amin’izay ianao mba hifangaro tsara ny pate, ny loha tanana aloha
no hampiasaina voalohany izay vao ny vohontanana (pomme de la main) rehefa mi-travailler
pate.
- Azonao avoaka eo ambony latabatra madio amin’izay koa ny pate ka eo ianao no manoy mi-
travailler azy. Rehefa mahazo pate malama tsara tsy miraikitra min’ny tanana ianao dia vita.
Rehefa vo-travailler tsara ny pate dia malama tsara.

Io sary fahatelo io no andrasana aminao, aza mamaika manisy farine raha miraikitra ny pate
fa travailleo foana aloha rehefa hafa nenina ianao izay vao manisy farine kely.

- Rehefa mahazo io pate faha telo io ianao (boule) dia apetrao haka aina kely eo aloha ilay
pate (pause) mandritra ny adiny 1. Asio farine matetika ny toerana hiasanao manomboka
eto
- velaro amin’ny rouleau amin’izay ny pate. Tsy voatery hatao manify sao ho rovitra.
- Alaivo ny beurre feuilletage. Raha mafy be ilay beurre dia fisapisaho amin’ny rouleau ihany
koa aloha. Aza atao mafy loatra sao tapaka indray.
- Apetrakao eo afovoan’ilay pate novelarina ny beurre feuilletage fisapisaka, dia fonosinao
tsara ao.
- Avy eo avadika ny pate misy ny beurre feuilletage ao anatiny, izany hoe ilay ambony teo atao
ao ambany avy eo velaro moramora amin’ny rouleau ilay pate. Tokony hahazo habe intelo
mihoatra io hiainganao io ianao.

Tsy ny sary faha 3 no

kosehina fa mbola
havadika aloha vao
kosehina
Ity sakany ity koa mbola
haforitra mba hihidy tsara 5
ao ilay beurre
 Vita ny pate, aza matahotra fa manandrama, ny pate no vita fa hanao tour amin’izay isika :
- Voavelatra tsara ilay pate teo, izany hoe lasa mifangaro am beurre izy izao satria ilay beurre
feuilletage natao tao anatiny dia nokosehina miaraka aminy.
- Ilay pate voavelatra iny no anomboanao ny TOUR ka Tour simple intelo no ataonao.
- Isaky ny voavalina ny pate dia pause 15min izay vao kosehina indray dia havalona
fanindroany, pause 15 min indray dia kosehina hivelatra ary avalona fanintelo farany.
Pause 15 min indray dia velarina indray ary azo ampiasaina amin’izay. Isaky ny mamalona
ianao dia tsarovy fa tour iray izay.

Fanamarihana : Rehefa mamelatra ilay pate amin’ny rouleau ianao dia hatsangana ny pate
fa tsy hatsivalana akory.

Andao amin’izay ary hanao mofo, tapahanao manaraka ireny tsipika ireny ny pate :
CROISSANT ity (ny ambany koa atao) tokony hahazo croissant eo amin’ny 18 eo ianao
amin’ny farine 500g

Didina kely toy izao ny ambany (base)

amin’ilay triangle tsirairay
- Sontomina kely ny tendrony mba hihalava
- Aforitra hiditra io tataka ambany io ary tohizina ahorona miakatra toy ny manorona tsihy.
- Hahazo toy ireto ianao

- Apetraka ambony plat

misy farine ny croissant
io ilay plat ampidiranao azy anaty
lafaoro.

- Apetraka amin’ny toerana

mafana aloha ary avela hitombo.

- Rehefa mitombo dia hosorana

dorure amin’ny pinceau

- Atsofoka lafaoro amizay 25min 200ᵒ

Dorure = atody nokapoina mba tsy ho fotsy fotsy be ny mofo.

6
PAIN AU CHOCOLAT

Didina rectangle indray izany ny pate, asiana chocolat en baton ny sakany dia fonosina ao asiana koa
ny ny sakany ambony dia tohizana fonosina. Ny tohiny toy ilay croissant teo ihany. Avela hitombo dia
asiana dorrure

PAIN AU RAISIN

- Ilay pate novelarina hosorana creme patissiere (mbola ho enarantsika avy eo) , rarahana
raisin sec
- Ahorona toy ny tsihy
- Tapatapahina amin’izay

Ny tohiny toy ilay CROISSANT sy PAIN CHOCO ihany.

PATE FEUILLETEE

- Ilay ingredients teo ambony ihany no hampiasaina fa tsy mampiasa levure

- Ny tour kosa : TOUR DOUBLE intelo
- Afaka mamorona ny endrika feuilletee tinao ianao fa ohatra ihany ireto

Mille feuille

- Avelatra eo ambony moule ny pate , 6mm eo ny hateviny (ilay efa vita tour double in3)
- Tsindrontsindromina fourchette mba tsy hibotsina loatra
- Asiana dorrure dia atsofoka anaty lafaoro 200ᵒ mandritra ny 20mn

7
- Rehefa masaka dia ampahitsina tsara ny sisiny ary zaraina telo amin’ny sakany toy izao ny
pate
- ilay tsipika manga amin’ny sary zany no didinao amin’ny antsy

A B C

- Hosorana crème pâtissière eo ambonin’ny A

- Apetraka eo amboniny ny B avy eo
- Hosorana glacage indray ny B
Glacage :
- 250g sucre glace afangaro amin’ny rano mamay telo sotro fihinana sy ranom-boasary
makirana 1 sotro fihinana
- Azonao akana kely io glacage io ka ampinao cacao mba hanome loko « choco »

Glacage fotsy Glacage nasiana cacao

- Azonao atao koa ny mampiasa colorant alimentaire raha loko hafa mihintsy no tadiavinao.
Raha mafy loatra ilay glacage dia tapoana rano mamay ihany.
- Hosorana amin’ny B amin’izay iay glacage fotsy dia apetraka eo amboniny avy eo ny C Ary
rarahana glacage fotsy indray. Haingonao amin’ny Glacage marron amin’izay.
-

- Manao cornet kely amin’ny taratasy ianao ohatra hanoritanao ilay glacage choco mitsivalana

8
 - Atao anaty congelateur raha manana ianao mandritra ny adiny 1
- Azonao atao koa ny manolo ny glacage amin’ny creme chantilly

Fanamarihana : raha glacage no ampiasainao dia somary mailamailaka manosotra azy manjary
mihamafy.

CORNET

- tapahina manaraka ny halavany toy izao ny pate feuillete

- Ahorona amin’ny moule cornet avy eo

- Aza adino ny dorrure, dorrure ihany koa no ametahanao azy. 200ᵒ 20mn

Creme chantilly no atao anatiny

Na zavatra salé raha anaovana entrée

CARRE JALOUX

- Zarazaraina ho mahitsizoro (rectangle) 20 cm * 10 cm ny pate

- Atao anatiny ny sesiny (farce)., ohatra totokena sy izay tinao ampiarahana aminy
- Avy eo aforitra roa ho tonga efamira (carre), tsindrotsondromina toy izao ny eo ambony

farce
CHAUSSON

- Toy izao no hanapanapahana ny pate, asiana farce dia aforitra, ampifanantonina ireo point
roa ireo
- Dorrure ihany no ametahanao ny sisiny dia afaka tsindrina amin’ny fourchette ihany koa ny
sisiny mba hanome endrika azy

VOLS AU VENT

- Manao boribory maromaro, ny atsasany trobahana eo afovoany.

- Hosorana dorrure ny atsasany tsy notrobahana
- Apetaka eo amboniny ireo notrobahina

- Avelao hijanona eo fotsiny adiny 2 aloha ny vol au vent vao ampidirana lafaoro mba tsy
hitongilana. Ho asiana sesika izy io ary ho hitantsika any amin’ny entree chaude.

Pate Levee Feuilletée Pate Feuilletée

Tour Simple in3 Tour double in3
Misy Levure boulanger Tsy misy levure
Rehefa hampidirana anaty lafaoro mihitsy vao asiana dorrure
200ᵒ 20 à 30 min (arakaraka ny lafaoro koa anefa io)

10
 PATE A PIZZA
Maro ny fanamboarana ny pâte à pizza fa mba hampahomby azy dia mila kosehina manify
izy.
Ingredients :
- Farine 500g
- Rano matimaty 300ml (2 pots yaourt maison sy tapany)
- Menaka 1 sotro fihinana
- Sira 3 tsongo
- Siramamy 1 sotro kely.
Tsy manisy levure isika eto mba tsy hampibontsina ny pate. Ny fahaizanao mi-travailler azy
no mampahomby azy.
Fomba fanamboarana azy :
- Tatavanina ny farine, asiana sira sy siramamy
- Arotsaka ao ny rano matimaty
- Afangaro tsara amin’ny spatule, rehefa mifangaro dia travaillena amin’ny tanana
amin’izay mandrapahazo boule.
- Rehefa manomboka mahazo boule dia arotsaka ny menaka. Tohizana travaillena
ihany.
- Rehefa mahazo boule dia apetraka ao anaty koveta jobo, saromana lamba kely mba
hi-double ny volume. (mandritra ny adiny 1)
- Omanina amin’izay ny plan de travail (latabatra malama hiasana) asiana farine mba
tsy hiraikitra ny pate.
- Fisapisahana amin’ny tanana aloha
- Avy eo manomboka mikosika amin’ny rouleau ianao.

11
SAUCE PIZZA

Ny sauce eo amboniny no hamaritana ny anaran’ny pizza, azonao atao noho izany ny mamorona ny
anarana pizza ataonao.

Ohatra :

Marinara = misy fruit de mer na sardine

Bolognaise :

- menaka 3 sotro atao mamay tsara

- Arotsaka ny totokena
- Afangaro tsara mba tsy hitambaingambaingana
- Asiana sira
- Arosatsaka ao ny fromage vache qui rit

Végetarienne :

- Karoty : sautena amin’ny menaka 3 sotro ny karoty lamelle (ilay famoasana karoty ireny no
ampiasaina mba azahoana lamelle) Asio tongolo gasy ny karoty
- Courgette : mitovy amin’ny karoty ihany, lamelle ihany koa. Asio sakamalaho ny courgette
- Mais doux

Nb : tsy miaraka sautena ny karaoty sy cougette, afaka mamorona fangaro hafa ihany koa ianao

Ny fametrahana ny sauce

Ireto no apetraka voalohany arak’izao filaharany izao, misy ireto daholo ny pizza rehetra

- Coulis de tomate
- Oignon (notetehina manify dia nendasina tamin’ny menaka telo sotro)

Atao eo ambony kosa ilay mampiavaka azy :

Ohatra : ny totokena na ny akoho na ny carotte dia avy eo courgette dia avy eo mais doux na ny …

Farany, Mikapoka atody 1 ianao dia araraka amboniny. Afaka asianao zava-maitso (persil –
kotomila)
Araraka ny fromage rape, itovizan’izy rehetra ireo ingredients farany ireo.

12
Coulis de tomate

- Voatabia izay ampy anao

- Tongolo tetehina madinika (1 na 2 ihany dia ampy)
- Sira

Sasana ny voatabia dia zaraina 4 ary arotsaka anaty vilany dia ataingina ambony afo.
Tsy asiana rano fa avela hiketrika ao miaraka amin’ny tongolo sy zava-manitra raha tinao.

Rehefa malemy dia mixena avy eo tatavanina.

Averina ambony afo mba haharihitra tsara ary asiana sira izay mety aminao

Remarque : tsy voatery avelatra ny pâte à pizza, fa afaka ahorona ohatran’ny tsihy izy dia
tapatapahina ohatran’ny manapaka koban’ny talata dia avy eo ampidirina lafaoro. Pizza roll no
anarany amin’izay ary fampiasa amin’ny cocktail.

13
 PATE BRISEE
Ny pate brisée dia fampiasa hanamboarana tarte na quiche.

Ingredients :

- Farine 200g
- Sira 1sotro kely (raha quiche)
- Beurre 100g
- Rano 75mil (tapaky ny boite yaourt mahery kely)
- Siramamy iray sotro kely (raha tarte)

Fomba fanamboarana azy :

- Arotsaka anaty bol ny farine avy tatavanina sy ny sira na ny siramamy.

- Arotsaka ao ihany koa ny beurre voatetitetika
- Afangaro amin’ny ratsantanana. (ny ratsantananao foana no miasa amin’ity pate iray ity)
- Potipotehina ao tsara ny beurre mba hifangaro
- Rehefa mifangaro tsara dia arotsaka ny rano, tohizana afangaro amin’ny tanana mazava ho
azy mandra-pahazo boule.
- Fisahana toy ny nanaovana ilay pizza teo. Asiana Farine raha sendra miraikitra.
- Asiana menaka ny moule / 180ᵒ 35 à 45min

Nasiana thym teto ny pate fa miankina

amin’izay epice tinao. (Quiche)

Ny appareil (eo amboniny) miankina amin’izay tinao otran’ilay pizza teo ihany fa ity sauce ity no
araraka eo amboniny (mety foana na ho an’ny tarte na ho an’ny quiche).

- Ronono 20cl
- Creme fraiche epaisse 25cl
- Atody telo

Afangaro ny creme sy atody avy eo arotsaka ny ronono.

Exemple quiche au poireau épicé

14
Io ilay crème + atody +
ronono
 PATE A BRIOCHE
Ny pâte a brioche dia afaka hanamboarantsika :

- Brioche mazava ho azy

- Pain au lait
- Tresse

Ingredients :

- 500g farine
- sira 3 tsongo
- siramamy 3 sotro fihinana feno tsara
- levure boulangère saf instant 1 fonosina sy tapany (fonosana kely)
- Atody 2
- Ronono 1 boite yaourt maison sy tapany, hafanana zakan’ny akihikely
- Menaka 3 sotro lehibe

Fomba fanaovana azy :

- Zaraina roa ny farine, izany hoe 250 g avy, atao anaty koveta jobo
- Atao ao amin’ny koveta voalohany ny fangaro vovony rehetra (sira –siramamy- levure)
- Afangaro tsara (tsy atao mikasika amin’ny sira ny levure)
- Atao endrika tendrohitra indray io fangaro io ary lavahana eo afovoany. Arotsaka ao ny
fangaro mitsiranoka rehetra (liquide = atody, ronono, menaka)
- Mbola ilay koveta voalohany daholo no miasa hatreto an.
- Afangaro tsara amin’ny spatule avy ao anatiny mankany ivelany.
- Rehefa ararakao ilay pate ka tsy tapataka sy tsy misy mibontsibontsina dia vita.
- Avela ho pause 15 min amin’ny toerana mafana mba hi-double de volume
- Raha tsy mahazo pate miraraka tsara ianao dia ampio kely ny ronono. Raha diso mitsiranoka
loatra dia ampinao kely ny farine.
- Rehefa midouble de volume dia arotsaka ao amin’izay ilay farine 250g ambiny ary afangaro
tsara mandrapahazo boule. Mahazo manao izay tinao amin’izay ianao.

BRIOCHE ou PAIN Hamburger (ny hamburger rarahana sesame rehefa avy asiana dorrure)

- Zarazarainao ilay pate ary avy eo volavolaina mba hanome boribory malama tsara.

- Asiana dorrure vao atsofoka lafaoro. Chemisena ny moule

- CHEMISENA= hosorana menaka ny moule avy eo rarahana farine
- 200ᵒ 25min fa arakaraky ny lafaoro ihany (Pain au lait ity farany ity)
-

15
BRIOCHE FLEUR

TRESSE

16
 PATE GENOISE
Hanamboarana gateau mazava ho azy ny pate genoise.
Ireto avy no ilaina, ho an’olona iray ireto ingredients ireto dia kotinao arak’izay.
- Atody 1
- Farine 30g (eo amin’ny iray sotro fihinana feno tsara eo io)
- Siramamy 30g
Fomba fanaovana azy
- Sarahina ny jaune sy blanc
- Kapohina ny blanc sy ny siramamy (monte en neige) tsy voatery hanana bateuse
ianao vao afaka manao gateau fa kapohy amin’ny fouet fotsiny.
- Somary atao mitongilana ny koveta asinao ny atody kapohina mba hampiala ny
rivotra.
- Rehefa miakatra tsara dia arotsaka indray mandeha ny jaune. Tohizana kapohina
hatrany
- Omany mialoha ny moule nosorana menaka dia hafanao amin’izay aloha ny four a
180ᵒ (tsy tsara miandry ela ny genoise manjary misy rivotra indray)
- Rehefa miakatra tsara ireo fangaro atody sy siramamy ireo dia arotsaka tsikelikely ny
farine ary tsy kapohina intsony fa afangaro fotsiny.
- Atao anaty moule. Ampidirana avy hatrany anaty lafaoro

- Toy ny sary voalohany no loko andrasana aminao amin’izy anaty moule mbola manta

Boky hafa mihintsy no ilainao mahakasika ny decoration saingy miankina amin’ny genoise ihany no
mahatsara ny gateau anao.

Io genoise iray io dia zaraina telo toy izao ( iny tsipika mainty iny no arahana)
- Hosoranao crème ny elanelany avy eo averina mifanaingina
- Crème Chantilly no hampiasaina. Mividy Hopla na Danica eny
amin’ny mpivarotra ianao ary atao anaty frigo alohan’ny
ampiasana azy. (raha tsy misy frigo dia mividiana yaourt boire
mivaingana dia ataovy eo ambonin’ilay Hopla.) Rehefa mangatsika
izy zay vao kapohina amin’ny fouet dia vita ny crème. Asianao
colorant arak’izay tinao ilay crème na ajanonao fotsy.
- Ampangotray anaty rano ny vy fisaka toy ny antsy hanosoranao
crème mba hampalama tsara azy…dia miainga amin’ny inspirakao
17
sy ny famoronanao ny decoration aloha. Afaka maka sosokevitra
aminay ihany amin’ny Compte FB
 IDEE KELY VITSY VITSY / FANOMEZANA HO ANAO
FRAISIER

OPERA

FORET NOIRE

- Ny douille ampiasainao ihany koa no manome ireo endrika crème samihafa.

18
 PATE A CHOUX
Ny pâte à choux dia afaka hanamboarantsika :
- Eclaire
- Cygne
- Paris breste
- …
Ny pate iray ihany fa ny endriny no mahasamihafa azy.
Ingredients (mahavita 15 lehibe) :
- Farine 150g
- Sira 2 tsongo
- Siramamy 4 tsongo
- Rano fefany 1/4l
- Atody 4
- Beurre 100g
Fomba fanaovana azy :
- Ampangotrahina ambony afo ny rano sy siramamy sy sira sy beurre
- Rehefa mangotraka sy mitsonika daholo ireo fangaro dia arotsaka indray mande ny
farine ary afangaro tsara mandrapaha tsy miraikitra eo amin’ny vilany intsony.
(afo malefaka)
- Esorina ambony afo ary avela hangatsiaka aloha mba hialan’ny entona.
- Arotsaka ny atody iray (Tsy kapohina mialoha akory) ary hafangaro tsara
- Arotsaka ny atody faharoa dia afangaro tsara
- Toy izay hatrany no atao.

- Mahazo pate toy izao ianao dia vita, raha efa toy izao ny pate nefa mbola misy
ambina atody dia aza arotsaka intsony. Samy hafa mantsy ny hangezan’ny atody.

19
 - Andeha amin’izay ary hiroso amin’ny fampiasana azy

- Atao anaty poche à douille io pate io ary iny no i-dressena azy.

- FOUR 30 a 40min 180ᵒ

CYGNES :
Toy izao no avokanao amin’ny poche a douille (otran’ny hoe mametaka creme izany), tonga
dia eo ambony moule nochemisena izy no atao

Ny sary voalohany atao vatany ny sary faharoa atao tendany.

Rehefa masaka toy ny eo amin’ny sary fahatelo dia zaraina roa mitsivalana. Avy eo ilay
ambony zaraina roa mitsangana atao elany.

Ambony nozaraina roa

ambany asiana creme chantilly

Rarahana sucre glace toy ny

amin’ny sary

20
ECLAIRS

- Dressena lava lava indray ny pate, dia ampidirana four

- Rehefa masaka dia zaraina roa, asiana farce (azonao atao mamy na masira ny farce)
-

- Afaka mamorona endriny isan-karazany ianao. Araho tsara ny fomba fikarakarana azy mba
hampibontsina ny choux.

21
 CAKE
Afaka atao isan-karazany arakaraky ny moule anao ny cake, ny ataontsika eto ohatra dia ilay
antsoina hoe « cake zebre », ny ingredients ireto foana no ampiasaina fa ny endriny na ny
lokony no maha samihafa azy.
Ingredients :
- 300g farine
- 200g siramamy
- Levure chimique 2 sotro kely
- Poudre cacao 2 sotro lehibe
- 150 ml ronono (1 pot yaourt maison mahery kely)
- 150 ml menaka
Fomba fikarakarana azy :
- Atao anaty bol iray ny atody sy ny lafarine ary kapohina amin’ny fouet mba hifangaro
tsara.
- Arotsaka ny ronono sy ny menaka dia tohizana kapohina mora kokoa
- Arotsaka ny levure, sy ny farine ary kapohina mora mora hatrany mandrapahazo toy
ny eo amin’ny sary fahatelo
- Zaraina roa io pate fahatelo io avy eo ka ny faharoa asiana cacao mba ho tonga
marron
- Araraka anaty moule ny ampahany amin’ny pate misy cacao toy ny amin’ny sary
fahefatra
- Araraka eo amboniny indray ny pate fotsy amin’ny alalan’ny sotro (sary faha5)
- Dia misy cacao indray, dia nature ndray dia afandimbindimby otrizay hatrany.
(atosika amin’ny tanana ny pate tavela amin’ny sotro, isaky ny mandraraka ianao dia
mihamivelatra ny pate anaty moule.)

22
 Toy izao izy rehefa vita, 180 ᵒmandritra ny 35min.

CRÈME PATISSIERE
Ingredients:
- Ronono mandry 1 boite

- Rano iray litatra

- Poudre crème Patissiere (nounous) : 100gr

Fomba fikarakarana azy:

- Ataovy anaty vilany ny rano iray litatra sy ny ronono mandry iray boite
- Dia afanao ambony afo, rehefa mafana, asorina ambony afo dia arotsaka ny poudre crème patissiere.
- Averina ambony afo dia afangaro foana mandrapahateviny. Tsy ajanona ela ambony afo manjary
matevina loatra. Miankina amin’ny hatevin’izay tinao ihany.

Azonao apesaina atao eo ambony pate brisee: ho lasa flan

Na atao amin’ny vera sns…

23
 LES ENTREES
Misy karazany roa ny entrees (sakafo mialoha ny vary sy ny laoka) :
- Entrée froide
- Entrée chaude
Misy koa noho izany ny karazana sauce :
- Sauce froide (ampiarahana amin’ny entree froide)
- Sauce chaude (ampiarahana amin’ny entree chaude)
Andeha aloha hijery ny sasantsasany amin’izy ireny isika,
I- Sauce froide
1- Mayonnaise classique
Tamenak’atody sy menaka (tsy ny fanodinanao azy mankany amin’ny ankavanana na
mankany ankavia no mampivadika ny mayonnaise fa ny kalitaon’ny atody).

2- Sauce gribiche
Ingredients :
- Atody 2
- Menaka
- Moutarde 2 sotro kely
- Zava-maitso (persil sy kotomila)
- Cornichons
- Poivre
Fomba fikarakarana azy :
- Andrahoana ny atody (œuf dur), asiana vinaigre kely ny rano andrahoina atody mba
ahatsara endrika azy.
- Sarahana ny mavo sy ny fotsy rehefa masaka ka potserina ny mavo, ny mavo ihany
izany no ampiasaina.
- Atao anaty passoire dia ao no potserina, ilay mivoaka aty ambany no ampiasaina (toy
ny amin’ny sary)
- Araraka ao ilay moutarde dia afangaro tsara amin’ny fouet
- Araraka tsikelikely amin’izay ny menaka toy ny manao mayonnaise classique ihany.
- Rehefa azonao ny habe tadiavinao dia harotsaka amin’izay ny zava-maitso ary
afangaro sy ny cornichon voatetitetika.

24
 3- Sauce holondaise
Ingredients :
- Tamenak’atody manta 4
- Rano 1 sotro lehibe isaky ny tamenak’atody ampiasainao
- Menaka roa sotro lehibe isaky ny tamenak’atody ampiasainao
- Ranona voasarimakirana iray ho an’ny atody 4
Fomba fikarakarana azy
- Atao anaty vilany ny tamenak’atody sy rano, apetraka ambony afo tena malefaka
- Aroaroina tsy mijanona amin’ny fouet, alana matetika ny vilany hitsapanao ny vodi-
vilany (tokony ho zakan’ny tananao foana izany hoe tsy mahamay mihintsy)
- Averina ambony afo indray dia kapohina foana mazava ho azy
- Alana isaky ny mamay ny vodiny, rehefa mamoaka entona dia alana ary tsy averina
ambony afo intsony.
- Araraka tsikelikely toy ny manao mayonnaise classique indray ny menaka dia
kapohina foana.
- Rehefa lany ny menaka dia vita ny sauce. Araraka amin’izay ny ranom-boasary
makirana.

4- Sauce vinaigrette

Ingredients :
- Vinaigre 1 pot yaourt maison
- Menaka 3 sotro lehibe
- Tongolo oignons 3
- Zava-maitso (kotomila sy persil)
- Poivre 1 sotro kely
- Siramamy tapaky ny sotro kely
- Sira izay mety aminao

25
Fomba fanaovana azy :
- Tetehina faran’izay madinika ny tongolo oignons sy ny zava-maitso
- Afangaro daholo ny ingredients rehetra

II- Sauce chaude

1- Sauce béchamel
Ingredients :
- Beurre 50g
- Farine 50g
- Ronono 1/2l
- Sira sy poivre
Fomba fikarakarana azy
- Atsonika anaty vilany ambony afo malefaka ny dobera
- Rehefa mitsonika dia alefa ny farine rehetra
- Afangaro foana manomboka eo
- Rehefa mifangaro tsara dia arotsaka daholo ny ronono manta
- Afangaro foana mandrapahazo ny consistance tadiavinao (rehefa mijanona ela ela
ambony fatana dia mihamatevina kokoa.)

2- SAUCE MORNAY
Mitovy amin’ny sauce bechamel ihany fa asiana tamenak’atody 2 alohan’ny ialany ambony
fatana, mila afangaro mafimafy kokoa sy haingana izy eo manjary mivaingana ny atody.

3- Sauce poivre

Mitovy amin’ny sauce bechamel ihany fa asiana poivre voatoto 2 sotro kely sy Poivre
tsy tena voatoto tsara 1 sotro kely.

26
 Ireo ary ny sauce, azonao ampiasaina amin’ireto recette manaraka ireto.

 Entree froide
1- Salade mais doux
Ingredients :
- Mortadelle 200g tsy fisahana manify
- Salady 1
- Voatabia 3
- mais doux 1 boite
Fomba fikarakarana azy :
- Tetehina en des (carre) ny mortadelle sy ny voatabia
- Salade tetehina lavalava
- Afangaro daholo ireo rehetra ireo ary koa ny mais doux tsihifina tsara ny ranony
- Asinao sauce vinaigrette izy eto

2- Salade piemontaise

Ingredients :

- Ovy 4 lehibe
- Voatabia 4
- Atody roa
- Sira
- Jambon 100g
- Poivre
- Cornichons 4

Fomba fikarakarana azy

- Atao anaty rano mangatsika anaty vilany ny ovy sy ny atody ka andrahoina ambony afo.
- Masaka ny ovy 20min aorian’ny fangotrahan’ny rano
- Masaka ny atody 10min aorian’ny fangotrahan’ny rano
- Tetehina carre daholo ny voatabia, jambon, ovy masaka sy atody masaka

27
 - Tetehina boribory kosa ny cornichons
- Mayonnaise classique indray no ataonao aminy eto.

3- Salade Caesar
Ingredients :
- Salady kelikely
- Voatabia
- Akoho poulet de chair nofony (blanc)
- Pain racie
- Sauce holondaise
Fomba fikarakarana azy :
- Avelatra amin’ny sisin’ny vilia ny ravin-tsalady
- Apetraka eo ambony salady ny nofon’akoho avy nendasina (lomana tongolo gasy,
menaka, sakamalaho, sira ny akoho vao endasina) atao maimay tsara.
- Apetraka ny voatabia toy ny amin’ny sary
- Arararaka eo ambonin’ny voatabia sy ny akoho ny sauce holondaise.
- Tapatahina ny mofo efa maina
- Osorana menaka ny lapoaly
- Arotsaka ao ny mofo efa maina
- Avy eo araraka eo ambonin’ny vilia misy ny salady.

28
 4- Pochette au poulet
Ingredients :
- Pain demi (alana ilay sisiny marron)
- Chapelure
- Atody nokapoina niaraka tamin’ny sira sy poivre
- Nofon’akoho notetehina
- Moutarde
- Tongolo gasy
- Tongolo oignon
- Yaourt nature
- Cornichons rapena
- Menaka
- Poivre
Fomba fikarakarana azy :
- Lomana amin’ny poivre, moutarde, tongolo gasy sy sira ny akoho voatetika
- Afanaina ny menaka, arotsaka ny oignon notetehina madinika, avy eo arotsaka ny
akoho
- Ny yaourt nature 2 kosa akambana amin’ny cornichons rape sy creme fraiche epaisse
1 sotro lehibe.
- Ny pain de mie indray, akambana tsiroaroa ary fisahina amin’ny rouleau, avy eo
didina hahazo boribory amin’ny emporte piece ohatra.
- Asoka anaty atody ny pain de mie boribory, avy eo asoka anaty chapelure dia
endasina amin’ny lapoaly misy menaka.
- Somary mibontsina izy rehefa azon’ny menaka mamay satria trace 2 mifanaingina
ireo.
- Rehefa mendy, tshifina tsara ny menaka, avela hangatsika avy eo zaraina roa.
- Vita ny pochette, atao ao ny farce : ilay akoho sy ny fangaro yaourt. Afaka asiana
salady notetehina kely mialoha ny ametrahana ny akoho.

29
5- Jambon à la macedoine
Ingredients :
- Macedoine
- Fromage coupee en carre
- Jambon
- Mayonnaise
- Sel
Fomba fikarakarana azy
- Andrahoina amin’ny rano misy sira ny macedoine, avy eo tatavanina sy tsihifina tsara
- Arotsaka anaty macedoine ny fromage
- Arotsaka ny mayonnaise
- Velarina ny jambon
- Apetraka ao ny macedoine, ary ahorina ohatra ny manorina tsihy

30
 6- Plat de tomate et d’œufs
- Atao toy izao manaraka izao ny endriky ny voatabia (endrika harona)

- Amboarina ny farce : potserina malemy tsara ny antsasaky ny zavoka iray, tetehina ao ihany
koa ny atody nandrahoina 3, dia potserina tsara ihany koa (na mixena) asiana mayonnaise,
sel, poivre izay tinao.
- Asesika anaty voatabia

- Atody tetehina amin’ny coupe œuf

- ny voatabia tracena
- Asisika amin’ny elanelany

ŒUF MIMOSA

- Tapahina toy ny amin’ny sary ny atody nandrahoina

- Esorina ny tamenany
- Asiana mayonnaise ilay tamenany miaraka amin’ny zava-maitso kely
- Anapahana kely ihany koa ny ambany amin’ilay atody amin’izay izy mipetraka tsara

31
 - Tetehina toy izao ny karoty, io lavalava kely io no hakana ny vavan’ny vorona

vavany tongony

Apetraka ambonin’ny tongony ny atody.

32
ENTREE CHAUDE

1- Crepe poulet

Hianatra crepe isika mba ahafahana manao crepe misy farce ary rarahana sauche bechamel. Na
ahorona ny crepe, na fatorana.

Ingredients : (Nasiana zava-maitso kely teto ny pate)

- 225g farine
- Sira
- Poivre
- Beurre natsonika 50g
- Atody 2
- Ronono tapaky ny litatra

Fikarakarana azy :

- Arotsaka anaty bol iray ny atody, beurre natsonika, ronono, sira sy poivre kely araka izay
tinao.
- Kapohina amin’ny fouet ary rehefa mifangaro tsara dia arotsaka tsikelikely ny farine,
kapohina foana.
- Osorana beurre ny lapoaly
- Arotsaka ny pate crepe, fisapisahana amin’ny vodi-tsotro mba tsy hatevina loatra
- Avadika avy eo

Farce :

- Tongolo oignon madinika endasina

- Arotsaka ny mortadelle
- Arotsaka ny nofon’akoho voatetika
- Asiana creme fraiche epaisse 1 sotro lehibe

33
 2- Roti de bœuf au poivre

Azonao atao entrée chaude izy ity raha toa ka tsy misy hen’omby ny resistance anao.

Ingredients :

- Nofonken’omby (filet no vidinao eny amin’ny mpivarotra)

- Sira
- Poivre
- Beurre

Karakaraina aloha ny hena hahaovana roti :

- Sasana madio tsara ny nofonkena

- Esorina ireo fotsifotsy mbola tavela aminy mba ho tena nofony tsara
- Ahorona toy ny tsihy avy eo.
- Fatorana tsara amin’ireny kofehy fanjairana kiraro ireny
- Araho ny sary

ta

Ahorona toy izao

Ireny ilay fotsifotsy esorina
Antsy kely maranitra ampiasaina

Ity tady farany namatorana azy ty alefa ambain’ilay hena

Fatorana toy izao, fato-maty mafy tsara no hifandray amin’ilay tady nanomboana azy ka fatorana
hanomboanao azy, ny tanjona dia mba ho fatomaty avy eo tapahina ilay tady mihoatra iny.
vooafehy tsara ny hena

Toy izao no azontsika farany.

34
Andao amin’izay ary ahandro e !

- Osorana sira ny hena efa voafatotra teo, hosorana tsara ny lafiny efatra
- Asiana menaka kely ny lapoaly, avela ho mamay tsara
- Arotsaka ao ny hena, tsy ho masahana ao akory, fa atao mahazo loko fotsiny toy ny amin’ny
sary.
- Rehefa mahazo loko ao daholo ny lafiny 4 amin’ny hena dia atao anaty moule
- Asiana beurre ambonin’ny hena, rarahana menaka ihany koa
- Asiana hasina tongolo gasy 4 tsy novoasana fa nopotserina amin’ny vodi-tsotra mba
hampivoaka ny fofony.
- Asiana thym ihany koa
- Afanao mialoha 200° ny four ary ampidirina ao amin’izay ny roti, mandritra ny 15
hatramin’ny 20min. Mandritra izay fotoana izay, dia rarahana menaka izy rehefa hitanao hoe
maina maina. Mety manampy menaka in-droa na in-telo ianao.

- Mivoaka anaty lafaoro izy dia rarahanao poivre (vovony)

- Mitovy amin’ny faharetan’ny fotoana nandrahoana azy tao anaty lafaoro ny faharetan’ny
pause rehefa masaka izy mialoha ny andidiana azy
Ohatra : 20min tao anty lafaoro
20 min de pause
Izay vo tracena arak’izay hitiavanao azy. Dia rarahana sauce poivre

35
 3- Gratin de choux fleur
Mba ampahomby ny gratin dia ezahanao mba tsy hisy rano tafiditra mihintsy anaty
moule à gratin na kely aza.
Entrée mahaleo tena ny gratin satria andrahoina izy dia efa misy sauce bechamel noho
izany tsy rarahanao sauce intsony rehefa aroso.
Azonao atao gratin daholo ny legumes rehetra – ny akoho voatetika – ny nofon-trondro -
sns
Ingredients
- Choux fleur 1
- Sira
- Fromage rapé
- Sauce bechamel
Fomba fikarakarana azy :
- Afanaina ny rano iray vilany, asiana sira
- Arotsaka ao ny choux fleur ka tsy alana ny tahony fa ny raviny ihany no esorina
- Afaka 30min, esorina ao ny choux fleur ka ajanona anaty passoir mihintsy aloha izy
ampitsika tsara ny ranony (efa nalana ilay tahony mafy be amin’io)
- Mandritra io fotoana io mikarakara bechamel iana, amin’izay mitsika tsara ny choux
fleur
- Vita ny bechamel, arotsaka anaty moule à gratin ny ampahany
- Araraka eo amboniny ny fromage rapé, avy eo ny choux fleur
- Araraka ny ambin’ny bechamel, faranana amin’ny fromage rapé

N.b : Ianao no misafidy na moule ngeza no ampiasainao dia tracena apetraka amin’ny vilia fisaka 36

izy avy eo na tonga dia moule à gratin individuelle no ampiasainao

 4- Feuilleté aux œufs à la sauce bechamel

Maro ireo feuillété azonao ampiasaina ho entrée chaude, saingy ohatra ihany ity, satria efa misy
atody ny farce dia sauce bechamel no ampiasaintsika, raha hena fotsiny no farce dia azonao atao
ny sauce mornay.

Ingredients :

- Pate feuilleté
- Totokena misy sira sy poivre ary kotomila kely sy atody iray nokapoina
- Atody masaka (œuf dur) iray ho an’ny olona roa
- Sauce bechamel

Fomba fikarakarana azy :

- Didina boribory ny pate feuilleté

- Apetraka eo ambonin’ny boribory iray ny atody nozaraina roa manaraka ny halavany (toy ny
amin’ny sary voalohany)
- Saromana ilay fangaro totokena ilay atody
- Izay vao saromana amin’ny boribory iray faharoa, dorrure no ametahana azy mba hipetaka
tsara ary asiana dorrure iha y koa ny amboniny.
- Azonao asiana haingony (Soritana amin’ny antsy kely ohatra°

- Ampidirina anaty lafaoro amin’izay dia asiana bechamel rehefa masaka.

NB : Ampio fromage rapé ny bechamel rehefa ampiasainao amin’ny entrée chaude mba hanome
tsiro azy.

37
 SNACKS FOOD
Ny snack food dia ireo sakafo hoanina anelanelam-potoana. Na atao amin’ny cocktail sns na
ihany koa azo amidy ao amin’ireny snack ireny mazava ho azy.
1- Boullette chinoise
Ingredients :
- Totokena 500g
- Fecule de manioc na maizena 3 sotro fihinana
- Menaka 3sotro fihinana
- Levure chimique 2 sotro kely
- Sira izay mety aminao
- Tongolo gasy sy sakamalaho nototoina

Fomba fikarakarana azy :

- Afangaro avokoa ny ingredients rehetra, travaillena tsara mba hitambatra fa rehefa
mitambatra tsara izy dia malama tsara rehefa masaka
- Mampangotraka rano iray vilany
- Avela hangotraka be mivadibadika mihintsy ny rano dia arotsaka ao ny boulette efa
voavolavola
- Rehefa mitsingevana miakatra ambony izy dia masaka
- Endasina amin’izay mba ho mendy tsara.

2- Steak chinoise

Ingredients :
- Nofonkena 1kg
- Tongolo gasy voatoto 1 sotro fihinanana
- Sakamalaho voatoto 1 sotro fihinana
- Sauce soja 1 sotrobe
- Atody 2
- Fecule de manioc (antsasaky ny sotrobe)
- Sira sy poivre
- Menaka iray sotrobe
- Epices izay tinao
Fomba fikarakarana azy :
- Fisahana manify ny nofonkena ararakaraky ny habe itiavanao azy.
- Lomana miaraka amin’ny ingredients rehetra mandritra ny adiny 1 farafahakeliny
- Endasina avy eo, tsy asiana menaka intsony.
- Aroso miaraka amin’ny salade na ovy frite

38
 3- Gougeres aux fromages

- Toy ny manao pate a choux ihany, fa asinao fromage rape miaraka amin’ilay pate
- Dressena amin’ny poche a douille
- Ampidirina anaty lafaoro mandritra ny 15 min 180degre
- Rehefa masaka dia vonoina ny lafaoro saingy mbola avela ao mandritra ny 15 min
indray mba ho maina tsara

4- Les recettes panées

Ny recette panée dia recette ampandalovina amin’ny chapelure sy atody.
Azo atao pane avokoa na hena, na atody, na nofo-trondro sns
Ohatra : poulet pané
- Tetehina manify ny nofon’akoho
- Lomana tongolo gasy sy sakamalaho, sira ary poivre ary menaka kely
(ireo koa no andomana hena anaovana masikita)
- Asoka anaty atody, avy eo ampandalovina chapelure ihany koa dia endasina avy eo.
- Raha atahoranao ny famasahan’ny hena dia endaso kely aloha, izay vao pannéna

39
 5- Pate à beignet
Ny pate à beignet dia ampiasaina anaovana mofo akoandro sy ireo beignet isan-karazany
Ingredients :
- Farine 250g
- Kobam-bary 125g
- Levure chimique 1 sotro kely
- Sira na siramamy

Fomba fikarakarana azy :

- Afangaro ny ingredients rehetra
- Ranoina ka niniana tsy nomena mihintsy ny fatran’ny rano fa samy mahita izay mety
aminy saingy tsy mitsiranoka be loatra nefa tsy matevina loatra ihany koa.
(rehefa azo anoratana amin’ny poche à douille dia mety izany)
- Avela ho pause 30min eo eo
- Beignet saucisse no atao ohatra, saucisse efa voaendy izany no asoka anaty pate dia
endasina amin’ny menaka mamay.

6- Boulette de poulet

Ingredients :
- Nofon’akoho 300g
- Tongolo gasy
- Persil
- Oignon 2
- Farine 3 sotro fihinanana
- Atody 1
- Sira sy poivre
Fomba fikarakarana azy :
- Tetehina madinika ny akoho avy eo mixena miaraka amin’ny ingredients rehetra
(tongolo sy persil ef notetehina ihany koa) afatsy ny farine
- Rehefa malemy tsara izay dia arotsaka ny farine ary afangaro sisa.
- Volavolaina toy ny manao catless ireny dia endasina, asiana farine kely ny tanana raha
miraikitra
- Azonao atao pané ihany koa ity recette iray ity

40
 7- Madeleine
Ingredients :
- 100g de farine
- 100g siramamy
- 100g beurre natsonika
- Levure 1sotro kely
- Sira ½ sotro kely

Fomba fikarakarana azy :

- Afangaro ny atody sy ny siramamy ary ny sira
- Kapohina mafy hifangaro tsara mba ho levona ny siramamy
- Rehefa levona tsara ny siramamy dia arotsaka tsikelikely ny farine notatavanina sy ny
levure
- Tsy kapohina intsony fa afangaro mora mora amin’ny spatule (sotro hazo fisaka)
- Rehefa mifangaro tsara ireo dia alefa amin’izay ny beurre natsonika
- Afangaro dia avela ho pause mandritra ny adiny roa
- Vita ny pause dia atao anaty moule, chemisena ny moule raha vy
- Ampidirina lafaoro 200 °mandritra ny 15 minute eo eo

41
 CHARCUTERIE

Ny charcuterie ampianarina anao eto dia charcuterie tsy misy produits chimiques
mihintsy. Ny produits chimiques atao amin’ny charcuterie mantsy dia natao mba
hitehirizana azy saingy kosa misy akony ratsy eo amin’ny fahasalamana.
Noho izany, raha manao azy ianao dia ny frigo no hitehirizanao azy, raha tsy misy rano
tafiditra mihitsy koa ao anatiny dia tsy atahorana ho mora simba. Azo tonga dia
hoanina avy hatrany koa anefa fa tsy voatery tehirizina.

1- Mortadelle de bœuf :
Ingredients :
- 500 g totokena
- Tongolo gasy
- Atody 4
- Fecule de manioc 3 sotro lehibe
- Fromage vache qui rit 4
- Sira sy poivre
- Epices hafa izay tinao
Fomba fanaovana azy :
- Mixena miaraka ny ingredients rehetra
- Velarina ny papier alu
- Araraka eo ny fangaro, atambatra tsara mba tsy hiparitaka
- Ahorona amin’izay, fatory ny sisiny roa, gejaina tsara mba tsy hidiran’ny rano, azonao
doublena ny papier alu raha mbola tsy zatra ianao.
- Raha manana recipient toy ny amin’ny sary ianao dia tsy mila papier alu.
- Andrahoina bain marie mandritra ny adiny 1 sy sasany mba ho masaka tsara
- Rehefa mangotraka ny rano izay vao atao ny bain marie

42
 2- Paté de foie
Ingredients :
- Nofon-ken’omby 500g
- Atiny 250g
- Farine 100g
- Sira
- Poivre
- Tongolo oignon 2 notetehina madinika
- Epices izay tinao
- Tongolo gasy
- Menaka 3sotro fihinana
Fomba fikarakarana azy :
- Tetitetehina ny nofon-kena, dia andrahoina amin’ny rano 1 litatra latsaka kely
mandritra ny 30min
- Rehefa masaka dia totona miaraka amin’ny ati-kena manta efa voadio tsara
- Avy eo mixena miaraka amin’ny ingredients rehetra.
- Atao anaty moule
- Andrahoina bain marie ihany koa ka tsatohana antsy kely rehefa tsy manaraka intsony
dia masaka
- Azonao ahosotra amin’ny mofo na atao farce entrée sns

3- Rilettes de carotte

Ingredients :
- 300g de carottes
- 5cl crème liquide
- 10 vache qui rit
- Sel et poivre

Fomba fanaovana azy

- Voasana ny karoty dia tetehina boribory
- Mixena avokoa ny ingredients rehetra
- Atao malemy tsara toy ny paté dia atao anaty bocal
- Avela hipetraka indray alina dia maraina vao manomboka hoanina

43
 4- Fromage blanc
Ingredients :
- Ronono ½ litatra
- Fromage vache qui rit 2
- Vinaigre 1 sotro fihinana
- Ranomboasary makirana 1 sotro fihinana
- Beurre natsonika 1 sotro fihinana
Fomba fikarakarana azy :
- Andrahoina ny ronona ½ litatra, vao mangotraka dia alana ambony afo
- Arotsaka ao ny vinaigre dia arohiroina
- Mamoaka fangaro mivaingambaingana toy ny amin’ny sary
- Tatavanina, ilay fangaro mitambaingambaingana iny no ilaina satria iny no antsoina
hoe fromage blanc
- Avela ho pause mandritra ny adiny 2
- Mixena avy eo ny fromage blanc, ny vache qui rit ary ny beurre
- Rehefa malemy tsara dia arotsaka ny jus de citron
- Vita ny fromage blanc

44
 TENY FAMARANANA

Dia misaotra anao eram-po eran-tsaina nanokana fotoana handinihanao sy

hianaranao ity tahirinkevitra ity. Raha toa ka misy fanontaniana tianao apetraka, dia aza
misalasala mifampiresaka aminay ao amin’ny page Facebook « cours cuisine » na miantso ny
laharana 034 03 990 77.
Mandram-panoratra indray ao anatin’ilay boky mitondra ny lohateny hoe :
HIKARAKARA LANONANA AHO

Ny Hoavy Razafimahatratra

45