هطل شعري كما طشٍ تهامل

على طرسي يبرّد حرتلّي

فكر واشعور واحساسه تكامل

اعانقه ويعانك هامتلّي

أنا لي قط ما احب المجامل

ونكر الطيب ماهي عادتلّي

أعرف الكل بسلوب التعامل

وأميز للوفي المخلصلّي

أشوف الناس شروات الانامل

محب وحَدّ منهم مبغضلّي

وأنا بهامة جبال الجود صامل

عزيز الهام واحب التجلّي

امد الكف واجيد التعامل

واهلّي والمهلّي مايولّي

ولو سيل الحسد طامي تعامل

ضعيفٍ لا يبل ولايشلّي

فكل عامل بيلقى ويش عامل

تدون له سطورٍ فالسجلّي