Mine sisu juurde

Alaska

Läteq: Wikipedia
Alaska

Alaska om Ameeriga Ütisriike (USA) osariik põh'aõdagu Põh'a-Ameerikan. Alaskast hummogu puul om Kanada ja õdagu puul Beringi väin ja Vaiknõ suurmeri.

Alaska pääliin om Juneau, osariigi kõgõ suurõmb liin om Anchorage. Alaska om Ameerika Ütisriike pindalalt kõgõ suurõmb ja kõgõ põh'apoolitsõmb osariik.

Kõgõ suurõmbaq Alaska saarõq ommaq Kodiaki saar, Walesi Prindsi saar ja Chichagofi saar. Alaska kõgõ korgõmb mägi om Denali (vannamuudu Mount McKinley), miä om üteliidsi Põh'a-Ameeriga kõgõ korgõmb mägi.

Alaska om ilma poolõst kõgõ külmemb osariik Ameeriga Ütisriigen. Alaska maast 85% om igikelts.

Alaskan eläs päält 700 000 inemise (2020), miä tähendäs, et taa om inemiisi hulga poolõst 48. osariik Ameeriga Ütisriigen. Kõgõ inämb kõnõldas Alaskan inglüse kiilt. Paigapäälitsit kiili om 22 ja noid kõnõlõs 5,2% rahvast. Kõgõ populaarsõmbaq usoq ommaq protõstantlus, roomakatoliiklus, mormuunlus ja vinne õigõusk.

Alaska põlidsõq rahvaq ommaq sääl olnuq jo mitu tuhat aastagat. Alaska oll' Vinnemaa osa, kooniq aastagal 1867 Ameeriga Ütisriigiq ostiq taa ärq 7,2 mill'oni Ameeriga dollari iist. Osariigi staatusõ sai Alaska 1959. aastagal.