Edukira joan

Petra Elser

Wikipedia, Entziklopedia askea
Petra Elser

Bizitza
JaiotzaFrankfurt am Main, 1963ko maiatzaren 26a (63 urte)
Herrialdea Alemania
 Espainia
Hezkuntza
Hizkuntzakalemana
euskara
gaztelania
Jarduerak
Jarduerakitzultzailea

Inguma: petra-elser Tabakalera: 95738

Petra Elser (Frankfurt am Main, Alemania, 1963ko maiatzaren 26a) alemaniar itzultzailea eta gizarte-ekintzailea da.

Petra Elser 1963ko maiatzaren 26an jaio zen, Frankfurten. Gaztetan Alemaniako 80ko hamarkadako ezker mugimenduetan ibili zen. Idazkari-ikasketak egin zituen sorterrian, eta 28 urterekin Madrila joan zen, gaztelania ikastera. Hiru urtez Espainiako hiriburuan bizi ostean, Juan Luis Agirre euskal herritarra ezagutu zuen, eta harekin batera Frantziako hegoaldean bizitzen jarri zen.

1996an, biak atxilotu zituzten, Elser eta Agirre, 18 hilabeteko semearekin batera. Elserri ETAren laguntzaile izatea egotzi zioten; Agirreri, berriz, ETAko militantea izatea. Elserrek sei urte egin zituen kartzelan, eta handik aterata Parisen bizi izan zen; nazioarteko enpresa batean jardun zuen, idazkari-lanetan. Urtebetegarrenera, berriz atxilotu zuten, eta Madrila estraditatu zuten. Espainian, bi urte gehiago egin zituen kartzelan. Espetxealdiak euskara ikasteko probestu zituen.

Aske geratu zenez geroztik, Elser Euskal Herrian bizi da. Azken urteetan, euskarazko literatura alemanera itzultzeko proiektu bat dauka esku artean. Horrez gain, Banaiz Bagara elkarteko zuzendaria da; lan-munduaren esparruko egitasmoen bidez, bai eta kulturaren eta kirolaren alorreko proiektuen eta hizkuntza-transmisioaren bidez, euskararen inguruan biltzen diren herritarren artean kohesioa areagotzeko eta aukera-berdintasuna sustatzeko lan egiten dute.

Itzulpen-lanak

[aldatu | aldatu iturburu kodea]

Petra Elserrek hainbat liburu itzuli ditu euskaratik alemanera:

Euskara eta etorkinen integrazioaren aldeko ekintzailea

[aldatu | aldatu iturburu kodea]
Petra Elser (ezkerraldean) 2018an Eusko Ikaskuntzaren kongresuan.

Espetxealdian euskara ikas zuen eta geroztik euskararen militantea izan da. Banaiz Bagara taldeko dinamizatzailea eta zuzendaria da. Lan-munduaren esparruko egitasmoen bidez, bai eta kulturaren eta kirolaren alorreko proiektuen eta hizkuntza-transmisioaren bidez, euskararen inguruan biltzen diren herritarren artean kohesioa areagotzeko eta aukera-berdintasuna sustatzeko lan egiten dute.[1] [2][3]

Herriko elkarteak –dantza taldeak, kirol taldeak, abesbatzak, bertso-eskolak...- integrazioaren eragile aktiboak izatea sustatzen du. Elkarteen artean sentsibilizazio prozesu bat abiaraztearen alde lan egiten du, eta elkarrekin aztertu etorkinei ateak kontzienteki nola ireki.[4]

Combi izeneko proiektuan Europako hainbat hizkuntza gutxitutako komunitateak landu ditu (Frisia, Gales, Suedia, Finlandia, Sizilia eta Euskal Herria). Adinekoen zaintzan lan egiten duten etorkinen integrazioa eta jarduera horretarako hizkuntzaren irakaskuntza lortzen ari dira esperientzia eredugarri horretan.[5]

Erreferentziak

[aldatu | aldatu iturburu kodea]
  1. ↑ Ansa, Mikel P. (2015eko abuztuaren 23a), «JOANEKO TXARTEL BAT PLUTONERA», Berria. 2018ko azaroaren 7an kontsultatua.
  2. ↑ Olaizola, Ane, «Bizitakoa, gizartean lagungarri», urolakosta.hitza.eus. 2018ko azaroaren 7an kontsultatua.
  3. ↑ Elser, Petra (2018ko urriaren 19a), «Etorkinak eta adineko pertsonen zaintza. Euskararen Etorkizuneko Eszenarioak Elkarrekin Eraikitzen.», www.eusko-ikaskuntza.org, Eusko Ikaskuntza. 2018ko azaroaren 7an kontsultatua.
  4. ↑ Alberdi Estibaritz, Uxue (2009ko abenduaren 20a), «Petra Elser. Kartzelako urteak nire biografiaren parte dira», Argia. 2018ko azaroaren 7an kontsultatua.
  5. ↑ «Petra Elser: "Ikusi dugu zein garrantzitsua den hizkuntza irakaskuntza/normalizazio arlokoak eta lan munduko arduradunak elkartzea" – UEU365», www.unibertsitatea.net. 2018ko azaroaren 8an kontsultatua.

Kanpo loturak

[aldatu | aldatu iturburu kodea]