Homosexualitate


Homosexualitatea (antzinako grezieraz: ὁμός, ‘berdin’, eta latinez: sexus, ‘sexu’) sexu edo genero berdineko kideen arteko erakarpen erromantiko, sexual edo sexu jarrera da[1][2]. Joera sexual bezala, homosexualitatea sexu berdineko pertsonekiko "erakarpen erromantiko, sexual edo emoziozko erakarpen patroi iraunkor bat" da[3].
Bisexualitatearekin eta heterosexualitatearekin batera, homosexualitatea sexu-orientazioaren hiru kategoria nagusietako bat da heterosexual-homosexual jarraikortasunaren baitan[3]. Zientzialariek oraindik ez dute ezagutzen orientazio sexualaren kausa zehatza, baina eragin genetiko, hormonal eta ingurukoen elkarrekintza konplexu batek eragiten duela teorizatzen dute, eta ez dute haututzat hartzen[4][5][6][7]. Orientazio sexualaren kausari buruzko teoria bakar batek ere ez du oraindik babes orokorrik lortu, baina zientzialariek oinarri biologikoa duten teorien alde egiten dute[8][9][10]. Askoz froga gehiago daude sexu-orientazioaren kausa biologiko ez-sozialak babesten dituztenak sozialak baino, batez ere gizonen kasuan[11]. Ez dago funtsezko frogarik hazkuntzak edo lehen haurtzaroko esperientziek orientazio sexualean paper bat betetzen dutela iradokitzen duenik. Pertsona batzuek uste dute jarduera homosexuala antinaturala dela[12], baina ikerketa zientifikoak erakusten du homosexualitatea giza sexualitatearen aldaketa normala eta naturala dela, eta berez ez dela ondorio psikologiko negatiboen iturri[13]. Ez dago froga nahikorik orientazio sexuala aldatzeko esku-hartze psikologikoen erabilera babesten duenik[14][15].
Homosexualei buruz hitz egiteko erabiltzen diren adjektiborik ohikoenak lesbiana dira, emakumezkoen kasuan, eta gay gizonezkoen kasuan, baina maiz gay hitza erabiltzen dira bi sexu-generoei buruz hitz egiteko. Gay edo lesbianak diren pertsonen ehunekoa eta sexu bereko pertsonekin harreman erromantikoak dituzten edo sexu bereko pertsonekin sexu-esperientziak izan dituzten pertsonen proportzioa zein den jakitea zaila da ikerlarientzat, hainbat arrazoirengatik; besteak beste, gay eta lesbiana asko ez direla horrela identifikatzen, homofobia eta heterosexismoa bezalako aurreiritzien edo diskriminazioaren ondorioz[16]. Portaera homosexuala gizakiak ez diren animalia-espezie askotan ere dokumentatu da[17][18][19][20][21], baina orientazio homosexuala ez da modu esanguratsuan ikusten beste animalia batzuetan[16].
Gay eta lesbiana askok harreman egonkorrak dituzte sexu bereko pertsonekin. Harreman horiek harreman heterosexualen baliokideak dira funtsezko alderdi psikologikoetan. Harreman eta ekintza homosexualak miretsi eta kondenatu izan dira historian zehar, hartzen duten moduaren eta gertatzen diren kulturaren arabera. XX. mendearen amaieratik, homosexualen askatasunaren eta berdintasunaren aldeko mugimendu globala egin da, eta, horren barruan, jazarpenaren aurkako legeak sartu dira haur homosexualak eskolan babesteko, diskriminaziorik eza bermatzen duten legeak, armadan zerbitzatzeko gaitasun-berdintasuna, osasun-arreta jasotzeko aukera-berdintasuna, adoptatzeko eta guraso izateko gaitasun-berdintasuna, eta ezkontza-berdintasuna ezarri dira.
Etimologia
[aldatu | aldatu iturburu kodea]Homosexual hitza grezieratik zein latinetik eratortzen da, lehenengo atala grezierako ὁμός homos, "berdina" (ez dago lotuta latineko homo, "gizona", hitzarekin, Homo sapiens kasu), eta, beraz, sexu berdina duten pertsonen arteko ekintza sexualak iradokitzen ditu[22][23]. Ezagutzen den lehen aldia homosexual hitza idatziz agertu zena Karl Heinrich Ulrichs austriar idazlearen 1868ko gutun bat da, Karl-Maria Kertbenyri idatzia[24], Prusiako sodomiaren aurkako legeari kritika eginez[25]. 1886an Richard von Krafft-Ebingek homosexual eta heterosexual hitzak erabili zituen Psychopathia Sexualis liburuan. Liburua arrakastatsua izan zen eta, beraz, hitzak onarpena izan zuen sexu-orientazioa aipatzeko garaian[26].
Homosexual adjektiboa, sexu harremanak sexu bereko pertsonekin izateko joera duen gizabanakoa izendatzeko erabiltzen da, emakume zein gizon izan. Homosexualitatea askotan heterosexualitatearen edo bisexualitatearen aurkakotzat ageri da. Lesbiana terminoa emakume homosexualak izendatzeko erabiltzen da. Eta ingelesetik datorren gay terminoa, euskaraz, gizon homosexualak izendatzeko erabiltzen da; ingelesez, oro har, edozein homosexual —emakume nahiz gizon— izendatzeko erabiltzen da, baina bereziki gizonezkoak.
Terminologia gutxiesgarria ere erabiltzen da homosexualitateari eta homosexualei buruz hitz egiteko. Gizonezkoen kasuan, atzelari[27], ipurdijale, marineska, maritxu, marikoi edo popazale bezalakoak erabiltzen dira[28]. Emakumeen artean bollera[29], marimutil edo joxepa bezalako hitzak.
Historia
[aldatu | aldatu iturburu kodea]Inkisizioa
[aldatu | aldatu iturburu kodea]Eliza katolikoak etengabe jazarri zuen homosexualitatea Erdi Aroan zehar, nahiz eta sodomia akusazio baliagarria zen, batzuetan batu egiten zena, eta ez zen beti bereizten heresiatik, eta horrek oso zail egiten du edozein azterketa egitea. Prozesurik sonatuenak, hala nola tenplarioen aurkako erasoa, praktika homosexual eta heretikoetan aritzeagatik akusatuak, denak dira susmagarriak eta arrazoi politikoengatik sustatuak. Egoera normaletan, nobleei eta pribilegiatuei gutxitan leporatzen zitzaizkien horrelako delituak, garrantzi gutxiko pertsonei egozten baitzitzaizkien ia erabat, eta haiei buruzko datu gutxi dago.
V. mendetik XVIII. mendera bitartean, tortura eta heriotza-zigorra, gehienetan sutan, Europako zatirik handienean homosexualak zigortzen zituzten. Eliza katolikoaren Inkisizio Santua ez da bereizten, homosexualitatearekiko jazarpenean, ia leku guztietan ohikoa zenarekin, eta ezin konta ahala pertsonaren tortura eta heriotzaren erruduna da, bekatu negargarria deiturikotik akusatuak.
Nazien jazarpena
[aldatu | aldatu iturburu kodea]

Nazien garaian, homosexualitatea gutxiagotasuntzat eta akats genetikotzat jo zen[30], eta, beraz, 1871ko kode penal alemaniarraren lege bateko artikulu bat aplikatu zen. Honako hau zioen 175. paragrafoak: "Sexu maskulinoko pertsonen artean edo gizakien eta animalien artean egindako sexu-ekintza antinatural bat espetxearekin zigortzeko modukoa da. Eskubide zibilak galtzea ere xedatu daiteke."[31][32]
Weimar Errepublikan, lehen mundu gerraren amaieratik Hitlerren gorakadara bitartean, oso gutxitan jarri zen praktikan lege hori, eta, beraz, 1920ko hamarkadako Berlin bizitza homosexual handiko tokitzat hartzen zen, lehen mugimendu homosexualaren sorrera eman baitzen[33][34]. Nazismoa iritsi zenean, homosexualtzat jotzen ziren alemaniarrak preso hartu edo kontzentrazio-esparruetan sartu zituzten, eta asko hil egin zituzten. Klaus Müller historialari alemaniarraren arabera, gutxi gorabehera 100.000 gizon atxilotu zituzten aipatutako artikulu penalaren pean 1933 eta 1945 bitartean. Erdiak, gutxi gorabehera, espetxera bidali zituzten; horietatik, 15.000 eta 10.000 artean kontzentrazio-esparruetara bidali zituzten, eta horietatik 4.000 inguruk bizirik iraun zuten gerra amaitzean.
Kontzentrazio-esparruen barruan homosexualtzat jotako presoak arrosa koloreko alderantzizko triangelu batekin identifikatzen ziren. Gainera juduak ziren homosexual haiek Daviden izar bat erabiltzera behartzen zituzten, zeinaren alderantzizko triangelua arrosa baitzen. Sinbolo hori, kontzentrazio-esparruetako sarraskiaren oroimenezkoa, orientazio sexualagatiko diskriminazioaren aurka borrokatzen duten elkarteek erabiltzen dute gaur egun.
Gerraren ondoren, paragrafo horrek lege izaten jarraitu zuen bi Alemanietan 1960ko hamarkadaren amaiera arte. Horrela, nazien kontzentrazio-esparruetatik bizirik atera ziren homosexual batzuk lege horren pean atxilotu zituzten berriro. 1998an, Alemaniako parlamentuak nazien zigor-arloko justiziaren administrazioan ezarritako epai bidegabeak baliogabetzeko lege bat onartu zuen. Bi talde baztertuak izan ziren epai nazi bidegabeen deuseztapen integraletik: Armadako desertoreak eta pertsona homosexualak. Horrela, biziraun zuten homosexualei legezko estigma garbitzeko eta jasandako bidegabekeriengatik konpentsazioak jasotzeko prozedurak galarazten zitzaizkien, beste biktima batzuekin gertatzen den bezala. 2002. urtera arte aldatu zen lege hori, homosexualak sartzeko.
Homosexualak nazien holokaustoan akabatu zituzten taldeen artean zeuden, baina ez zen ahalegin sistematikorik egin homosexual guztiak desagerrarazteko (juduekin edo ijitoekin egin zen bezala). Kontzentrazio esparruetan hiltzera bidali zituzten homosexualak sarritan hautatu zituzten jazarpen, tortura eta hilketa berezietarako, bai espetxeratutakoengatik, bai guardiengatik.
Homosexualitatearen egoera legala munduan
[aldatu | aldatu iturburu kodea]
Homosexualitatea legala: ██ Ezkontza homosexuala ██ Bateratze zibilak ██ Beste herrialde edo Estatuetan emandako ezkontzen onartzea ██ Bateratze zibil gabe Homosexualite ilegala/mugatua: ██ Adierazpen askatasunaren mugatzea ██ de jure zigorra, baina ez de facto aplikaturik. ██ Kartzela zigorra ██ Betibiziko zigorra ██ Heriotz zigorra
Munduko herrialdeen artean homosexualitatearekiko jarrera nahiko ezberdina da. Herrialde batzuetan, homosexualitatea babesten saiatzen da Gobernua, homofobiaren aurka arituz eta gizabanako bakoitzaren askatasuna defendatuz. Beste herrialde batzuetan, homosexualitatea zigorturik dago, isun zigorra izatetik heriotz zigorra izatera, herrialdearen arabera.
Homofobia
[aldatu | aldatu iturburu kodea]Homofobia pertsona homosexualekiko gorrotoa, beldurra edota diskriminazioa erakusten duen jarrera da. Batzuetan, homofobia terminoa, LGBT+ komunitate osoko pertsonen aurkako jarrerari deritzo, hau da, pertsona ez-zisgenero edo ez-heterosexualen aurkako jarrerari.
Homosexualen aurkako jarrera hauek oso zabal daude munduko hainbat gizartetan. Orokorrean, herrialde eta gizarte garatuetan homofobia gutxiago nabaritzen da garatzeko bidean dauden herrialdeetan baino. Nahiz eta homofobia oraindik LGBT+ elkartearen kezka nagusia den, homosexualen eta gainontzeko gutxiengo sexualen onarpena mundu mailan handitu egin da, batez ere Europa, Amerika eta Ekialde Urruneko hainbat herrialdetan, XX. mendetik gaur egunera.
Bikote homosexualen ume-adopziorako eskubideak
[aldatu | aldatu iturburu kodea]
Bikote homosexualen umeak adoptatzeko eskubideak bermatuta daude lurralde gutxi batzuetan, batez ere Europan eta Amerikan. Kasu horietan, legeak bi bikotekideei aita edo ama izateko eskubidea bermatzen die. Neurri horrek, ordea, ez du orokorrean hainbesteko onarpen sozialik, homosexualen eskubideei dagozkien beste lege edo lege-proposamenekin konparatuz, ezkontza homosexualarekin konparatuz, adibidez.
Erreferentziak
[aldatu | aldatu iturburu kodea]- ↑ Shiraev, Eric (2016), Cross-cultural psychology : critical thinking and contemporary applications (6. argitaraldia), ISBN 978-1-134-87131-5, OCLC 956953593. 2022ko maiatzaren 11n kontsultatua.
- ↑ The equal curriculum : the student and educator guide to LGBTQ health, 2020, ISBN 3-030-24025-8, OCLC 1129296830. 2022ko maiatzaren 11n kontsultatua.
- 1 2 «Sexual orientation, homosexuality and bisexuality», web.archive.org, 2013ko abuztuaren 8a. 2022ko maiatzaren 11n kontsultatua.
- ↑ Frankowski, Barbara L.; and Committee on Adolescence (2004ko ekainaren 1a), «Sexual Orientation and Adolescents», Pediatrics, 113 (6): 1827–1832, doi:10.1542/peds.113.6.1827, ISSN 0031-4005. 2022ko maiatzaren 11n kontsultatua.
- ↑ Lamanna, Mary Ann; Riedmann, Agnes; Stewart, Susan D. (2014ko urtarrilaren 17a), Marriages, Families, and Relationships: Making Choices in a Diverse Society (Ingelesez), Cengage Learning, ISBN 978-1-305-17689-8. 2022ko maiatzaren 11n kontsultatua.
- ↑ Stuart, Gail Wiscarz (2014ko apirilaren 14a), Principles and Practice of Psychiatric Nursing - E-Book (Ingelesez), Elsevier Health Sciences, ISBN 978-0-323-29412-6. 2022ko maiatzaren 11n kontsultatua.
- ↑ Kersey-Matusiak, Gloria (2013), Delivering culturally competent nursing care, Springer Pub. Co, ISBN 978-0-8261-9382-7, OCLC 823727701. 2022ko maiatzaren 11n kontsultatua.
- ↑ Bailey, J. Michael; Vasey, Paul L.; Diamond, Lisa M.; Breedlove, S. Marc; Vilain, Eric; Epprecht, Marc (2016ko iraila), «Sexual Orientation, Controversy, and Science», Psychological Science in the Public Interest (Ingelesez), 17 (2): 45–101, doi:10.1177/1529100616637616, ISSN 1529-1006. 2022ko maiatzaren 11n kontsultatua.
- ↑ Balthazart, J. (2011), The biology of homosexuality, Oxford University Press, ISBN 978-0-19-983882-0, OCLC 727705003. 2022ko maiatzaren 11n kontsultatua.
- ↑ LeVay, Simon (2010eko irailaren 30a), Gay, Straight, and the Reason Why: The Science of Sexual Orientation (Ingelesez), Oxford University Press, ISBN 978-0-19-975296-6. 2022ko maiatzaren 11n kontsultatua.
- ↑ «Rainbow SIG | Royal College of Psychiatrists», RC PSYCH ROYAL COLLEGE OF PSYCHIATRISTS (Ingelesez). 2022ko maiatzaren 11n kontsultatua.
- ↑ «Divergent beliefs about the nature of homosexuality», www.religioustolerance.org. 2022ko maiatzaren 11n kontsultatua.
- ↑ «"Therapies" to change sexual orientation lack medical justification and threaten health - Pan American Health Organization - Organización Panamericana de la Salud», web.archive.org, 2012ko maiatzaren 23a. 2022ko maiatzaren 11n kontsultatua.
- ↑ www.apa.org https://www.apa.org/about/policy/sexual-orientation. 2022ko maiatzaren 11n kontsultatua.
{{Erreferentzia}}:|izenburua=falta da edo hutsik dago (laguntza) - ↑ «Use of psychological practices that attempt to change or suppress sexual orientation or gender | APS», psychology.org.au. 2022ko maiatzaren 11n kontsultatua.
- 1 2 LeVay, Simon (1996), Queer science : the use and abuse of research into homosexuality, MIT Press, ISBN 0-585-00336-X, OCLC 42328593. 2022ko maiatzaren 11n kontsultatua.
- ↑ «Same-sex Behavior Seen In Nearly All Animals, Review Finds», ScienceDaily (Ingelesez). 2022ko maiatzaren 11n kontsultatua.
- ↑ «1,500 animal species practice homosexuality», web.archive.org, 2011ko otsailaren 10a. 2022ko maiatzaren 11n kontsultatua.
- ↑ Homosexual behaviour in animals : an evolutionary perspective, Cambridge University Press, 2006, ISBN 978-0-521-86446-6, OCLC 71798078. 2022ko maiatzaren 11n kontsultatua.
- ↑ Bagemihl, Bruce (1999), Biological exuberance : animal homosexuality and natural diversity (1. argitaraldia), St. Martin's Press, ISBN 0-312-19239-8, OCLC 39281997. 2022ko maiatzaren 11n kontsultatua.
- ↑ «Biological Exuberance: Animal Homosexuality and Natural Diversity. - Free Online Library», www.thefreelibrary.com. 2022ko maiatzaren 11n kontsultatua.
- ↑ Room, Adrian (1986), A dictionary of true etymologies, Routledge & Kegan Paul, ISBN 0-7102-0340-3, OCLC 11917595. 2022ko maiatzaren 11n kontsultatua.
- ↑ Statt, David A. (2003), A students dictionary of psychology (1. argitaraldia), Psychology Press, ISBN 1-84169-341-3, OCLC 51992690. 2022ko maiatzaren 11n kontsultatua.
- ↑ «glbtq >> social sciences >> Kertbeny, Károly Mária», web.archive.org, 2012ko irailaren 27a. 2022ko maiatzaren 11n kontsultatua.
- ↑ Feray, Jean-Claude; Herzer, Manfred; Peppel, Glen W. (1990eko apirilaren 30a), «Homosexual Studies and Politics in the 19th Century:», Journal of Homosexuality, 19 (1): 23–48, doi:10.1300/J082v19n01_02, ISSN 0091-8369, PMID 2187922. 2022ko maiatzaren 11n kontsultatua.
- ↑ «Psychopathia Sexualis», web.archive.org, 2007ko urriaren 4a. 2022ko maiatzaren 11n kontsultatua.
- ↑ «atzelari - Hiztegia - Gazte gara gazte», gazteak.ahotsak.eus. 2022ko maiatzaren 11n kontsultatua.
- ↑ «Euskal Sexu Hiztegia — Wikibooks», eu.wikibooks.org. 2022ko maiatzaren 11n kontsultatua.
- ↑ «Goazen telesaileko bollerak • ZUZEU», ZUZEU, 2016ko abenduaren 30a. 2022ko maiatzaren 11n kontsultatua.
- ↑ «Revista Orientaciones Nº 5 - Exterminio bajo el Nazismo by Fundación Triángulo por la igualdad social de lesbianas, gais, bisexuales y trans - Issuu», issuu.com (Ingelesez). 2022ko maiatzaren 11n kontsultatua.
- ↑ edited by Robert Gellately and Nathan Stoltzfus (2001), Social outsiders in Nazi Germany, ISBN 0-691-18835-1, OCLC 1043575704. 2022ko maiatzaren 11n kontsultatua.
{{Erreferentzia}}:|abizena=parametroak izen generikoa du (laguntza) - ↑ The Routledge history of the Holocaust, Routledge, 2011, ISBN 978-0-415-77956-2, OCLC 633145422. 2022ko maiatzaren 11n kontsultatua.
- ↑ Whisnant, Clayton John (2016), Queer identities and politics in Germany : a history, 1880-1945, ISBN 978-1-939594-10-5, OCLC 942745098. 2022ko maiatzaren 11n kontsultatua.
- ↑ Marhoefer, Laurie (2015), Sex and the Weimar Republic : German homosexual emancipation and the rise of the Nazis, ISBN 978-1-4426-1956-2, OCLC 961410912. 2022ko maiatzaren 11n kontsultatua.