Edukira joan

Ella Farman

Wikipedia, Entziklopedia askea
Ella Farman
Bizitza
JaiotzaAugusta, 1837ko azaroaren 1a
Herrialdea Ameriketako Estatu Batuak
HeriotzaWarner, 1907ko maiatzaren 22a (69 urte)
Jarduerak
Jarduerakhaur literaturaren idazlea eta idazlea

Eliza Anna Farman Pratt (Augusta, 1837ko azaroaren 1a – Warner, 1907ko maiatzaren 22a), Ella Farman eta Dorothea Alice Shepherd izengoitiez ere ezaguna, estatubatuar haur literaturako idazle eta argitaratzailea izan zen. Wide Awake aldizkaria zuzendu zuen 16 urtez, 1875ean hasita.

Bizitza

[aldatu | aldatu iturburu kodea]

Gaztaroa

[aldatu | aldatu iturburu kodea]

Farman 1837ko azaroaren 1ean jaio zen[1] Augustan, New York estatuan[2], Tural Tufts Farman eta Hanna Burleson Farmanen alaba.[1] New Yorkeko nesken eskola batean ikasi zuen[2], eta han Emma L. Shaw ezagutu zuen, bere lagun min bihurtu zena. Denbora batez Farman eta Shaw irakasle gisa lan egin zuten, Michiganera joatea eta nekazaritzatik bizibidea ateratzen saiatzea erabaki aurretik.[3]

Ibilbide profesionala

[aldatu | aldatu iturburu kodea]

1870 inguruan idazten hasi zen, Ella Farman izenpean.[1] 1875ean D. A. Shepherd izengoitia erabili zuen Two Girls that Tried Farming ipuina The Atlantic Monthly aldizkariari saldu zionean.[4] Ipuin horrek ospea lortu eta D. Lothrop and Companyk liburu gisa argitaratu zuenean 1879an, Dorothea Alice Shepherd izengoitia beste behin erabili zuen.[5]

Farmanek haurrentzako ipuinak idatzi zituen, eta lehenengo urteetan Emma Shawren laguntza jaso zuen edizio lanetan.[3] Hainbat liburu D. Lothrop Companyk argitaratu zituen. Daniel Lothrop argitaletxeak Wide Awake izeneko haurrentzako aldizkari bat argitaratzea erabaki zuenean, Farman aukeratu zuen editore gisa.[6] Wide Awake editatu zuen 1875etik 1891ra, Charles Stuart Pratt editorekidearen laguntzarekin.[7] 1877an, Farman eta Pratt ezkondu ziren.[8]

Farmanek eta Prattek D. Lothrop Companyko beste aldizkari batzuetan ere lan egin zuten. Babyland editatu zuten 1877tik 1892ra[9] eta gero 1894tik 1897ra.[10] Farmanek Our Little Men and Women ere editatu zuen 1880tik 1898ra.[11]

1897tik 1907an hil baino pixka bat lehenago arte, Farmanek eta Charles Stuart Prattek Little Folks editatu zuten[12], S. E. Cassino Companyk Salemen (Massachusetts) argitaratutako haurrentzako aldizkaria.[13] Prattek editore gisa jarraitu zuen 1909ra arte.[14]

Editore gisa lanean ari zela, Farmanek 20 liburu inguru argitaratu zituen, gehienak haurrentzat.[2]

Bizitza pertsonala

[aldatu | aldatu iturburu kodea]

Eliza Anna Farman Charles Stuart Prattekin ezkondu zen 1877ko azaroaren 11n.[8] Senar-emazteak Warnerren (New Hampshire) bizi izan ziren gehienbat.[2] Farman Prattek seme bat izan zuen, Ralph Farman Pratt, 1878ko uztailaren 7an jaioa, paisaia-margolari bihurtu zena.[15]

Farman Prattek osasun-arazoak izan zituen hainbat urtez, 1907ko maiatzaren 22an bere etxean hil zen miokarditis eta neurasteniaren ondorioz. Massachusettsko Weymouthen lurperatu zuten.[2]

Lan hautatuak

[aldatu | aldatu iturburu kodea]
  • Anna Maylie (1873)
  • A Little Woman : A Story for Other Little Women (1873)
  • Anna Maylie : A Story of Work (1873)
  • A Girl's Money (1874)
  • A White Hand (1875)
  • Mrs. Hurd's Niece : Six Months of a Girl's Life (1876)
  • The Doll Doctor, and Other Stories (1877)
  • Sugar Plums (1877)
  • Good-for-Nothing Polly (1877)
  • Little Miss Mischief and Her Happy Thoughts (1878)
  • How Two Girls Tried Farming (Dorothea Alice Shepherd izengoitipean, 1879)
  • The Home Primer (1882)
  • Nursery Primer (1882)
  • Rosabell's Adventure (1883)
  • Christmas Snowflakes (1883)
  • Yule Tide (1884)
  • Polly Himself (1886)
  • The Cooking Club of Tu-Whit Hollow (1886)
  • All the World Over : Interesting Stories of Travel, Thrilling Adventure and Home Life (1892)
  • Mrs. White's Party : and Other Stories (1894)
  • Happy Children (1896)
  • A Dozen Darlings and Their Doings (1898)
  • The Play Lady : a Story for Other Girls (1900)
  • The Little Cave-Dwellers (1901)
  • "Chicken Little" : Picture Guessing Story for Little Children (1903)
  • The Little Owls at Red Gates (1903)
  • Dear Little Sheila : a Picture Guessing Story for Children (1905)
  • Grandma Crosby's Household : a Story for Girls (1907)

Erreferentziak

[aldatu | aldatu iturburu kodea]
  1. 1 2 3 (Ingelesez) Farman, Elbert Eli. (1911). Foreman-Farman-Forman Genealogy. Tobias A. Wright, 74-75 or..
  2. 1 2 3 4 5 (Ingelesez) «Ella Farman Pratt (death notice)» Kearsarge Independent and Times (Warner, N.H.) 1907-05-24.
  3. 1 2 (Ingelesez) Lowe, Berenice Bryant. (1976). Tales of Battle Creek. The Albert L. and Louise B. Miler Foundation, Inc, 262-264 or..
  4. ↑ (Ingelesez) Shepherd, D. A. «Two Girls That Tried Farming» The Atlantic 1875-02-01 (kontsulta data: 2026-03-13).
  5. ↑ (Ingelesez) Shepherd, Dorothea Alice. (1879). How two girls tried farming. Boston: D. Lothrop and company (kontsulta data: 2026-03-13).
  6. ↑ (Ingelesez) «The Story of Wide Awake» Wide Awake: 196. August, 1893.
  7. ↑ (Ingelesez) Kelly, R. Gordon. (1984). «Wide Awake» Children's Periodicals of the United States. Greenwood Press, 460 or..
  8. 1 2 (Ingelesez) Leonard, John William. (1914). Who's Who in America. 8 A. N. Marquis, 1893 or..
  9. ↑ (Ingelesez) Kelly, R. Gordon. (1984). «Babyland» Children's Periodicals of the United States. Greenwood Press, 26 or..
  10. ↑ (Ingelesez) Sullivan, Larry. (2011). Century Authors of Warner New Hampshire. Warner Historical Society & Pillsbury Free Library, 60 or..
  11. ↑ (Ingelesez) Okker, Patricia. (1995). Our sister editors: Sarah J. Hale and the tradition of nineteenth-century American women editors. Athens, Ga.: University of Georgia Press, 205 or. ISBN 978-0820316864..
  12. ↑ (Ingelesez) «Obituary» New York Tribune: 8. 1907-05-24.
  13. ↑ (Ingelesez) Kelly, R. Gordon. (1984). «Little Folks: An Illustrated Magazine» Children's Periodicals of the United States. Greenwood Press, 285 or..
  14. ↑ (Ingelesez) «Charles Stuart Pratt (death notice)» Kearsarge Independent and Times 1921-04-08.
  15. ↑ (Ingelesez) Marquis, Albert Nelson. (1916). Who's Who in New England. 2 A. N. Marquis & Company, 872 or..

Kanpo estekak

[aldatu | aldatu iturburu kodea]
"https://eu.wikipedia.org/w/index.php?title=Ella_Farman&oldid=10693745"(e)tik eskuratuta