2024ko Korrika

2024ko Korrika
Leloa	Harro Herri
Mota	ekitaldia
Honen parte da	Korrika
Denbora-tarte	2024ko martxoaren 14a - 2024ko martxoaren 24a
← 2022 2026 →
Estatu burujabe	Frantzia eta Espainia
Antolatzailea	Alfabetatze Euskalduntze Koordinakundea
Abiapuntu	Irun
Helmuga	Baiona
Lanaren edo izenaren hizkuntza	euskara

23. Korrikaren hasiera Irunen.

Korrika 2024 gaueko ordu txikitan Zarautz zeharkatzen.

2024ko Korrika edo 23. Korrika Euskal Herrian zehar ospatzen den Korrika jaialdiaren hogeita hirugarren edizioa izan zen. AEK elkarteak antolatu zuen eta Azterketak Euskaraz kolektiboa omendu zituen, baxoa eta brebeta euskaraz egiteko borrokan aritu diren ikasleak. Martxoaren 14tik 24ra korritu zen.

Ibilbidea

Irunen (Gipuzkoa) abiatu zen martxoaren 14an eta Baionan (Lapurdi) amaitu martxoaren 24an, 2.792 kilometro egin ondoren. Ekitaldi guztietan bezala Euskal Herriko zazpi probintzietan barrena ibili zen.

Abestia

Harro herri izeneko abestia Maite Arroitajauregik konposatu zuen, IbonRGk eta Mikel Kau Kori Kurak ekoizpena egin zuten. Hitzak Amaia Astobizak ondu zituen.

Korrika munduan zehar

Afrikan

• Réunion
• Tinduf (Mendebaldeko Sahara - Aljeria)

Amerikan

Montreal (Quebec) New York (AEB) Washington (AEB) Reno (AEB) Santa Barbara (Kalifornia) (AEB) Illinois (AEB) Mexiko Hiria (Mexiko) Habana (Kuba) Bogota (Kolonbia) Medellín (Kolonbia)

Lima (Peru) Sao Paulo (Brasil) Montevideo (Uruguai) Buenos Aires (Argentina) La Plata (Argentina) Necochea (Argentina) Santiago (Txile) (Txile) Viña del Mar (Txile)

Asian

• Mumbai (India)
• Seul (Hego Korea)
• Tokio (Japonia)

Europan

Bartzelona (Katalunia) Girona (Katalunia) Terrassa (Katalunia) Madril (Espainia) Valladolid (Espainia) Kanariak (Espainia) Alacant (Espainia) Valentzia (Espainia) Palma (Espainia) Paris (Frantzia) Bordele (Frantzia) Paue (Frantzia) Tolosa Okzitania (Frantzia) Edinburgo (Eskozia) Londres (Ingalaterra)

Brusela (Belgika) Berlin (Alemania) Bremen (Alemania) Munich (Alemania) Laponia Varsovia (Polonia) Gdansk (Polonia) Poznan (Polonia) Praga (Txekia) Brno (Txekia) Erroma (Italia) Bologna (Italia) Lesbos (Grezia)

Ozeania

• Melbourne (Australia)
• Sydney (Australia)

Erronka

2022ko Korrikan egin bezala, hizkuntza gutxituen inguruan euskaraz sorturiko mezua ahalik eta hizkuntza gehienetara itzultzeko erronka sortu du.

Momentuz hizkuntza hauetara itzuli da mezua:

• hizkuntza gutxituak:
  • okzitaniera, bretainiera, amazigera, kitxua, griko hizkuntza, llionesera, kurduera, sanskritoa eta gaelera.
• beste hizkuntzak:
  • finlandiera, suediera, hungariera, italiera eta errumaniera.

Etorkinen afera

Iazko Korrikan, Irun eta Hendaia arteko Santiago zubia zeharkatuz, 36 migratzaileri Ipar Euskal Herrian sartzen lagundu izana egotzi zien Frantziako Justiziak. Migratzaileak Korrikako beste partehartzaileen gisa muga igaro zuten. Epaiketaren aurrean J’accuse izeneko kanpaina jarri zuten martxan, eta laster 3.513 autoinkulpazio bildu zituzten.

Argazki galeria

• 
  Euskal Wikilariko gazteenak Korrikan.
• 
  Euskal Wikilari beteranoak lekukoa eroaten.
• 
  Korrikakan EWKEko beteranoak.
• 
  Euskal Wikilariak lasterketan.
• 
  Euskal wikilariak arin-arinka.
• 
  EWKEko "gazteak" arineketan.

Kanpo estekak

• Korrikaren webgunea

• Datuak: Q124342136
• Multimedia: 2024 Korrika / Q124342136