Kirschnaumen - jen francigite, historie ĝis la 17-a jarcento kaj en la 19-a kaj 20-a ankoraŭ 54 jarojn germaneKirchnaumen, do la origina vorto aludis al la germana vortradiko Kirch, kirko aŭ kristana preĝejo, ne la germana Kirsch, ĉerizo, sed en multaj dialektoj, ekzemple la loka variaĵo de la germana, kaj la najbaraj leceburga, ripuara kaj alemana, la prononcaj distingoj viŝiĝas - estas komunumo de Francio. Ĝi situas en ladepartementoMoselle, nomata laŭ la rivero Mozelo, en la historia kultura regiono Loreno kaj ekde 2016 en la nova administra regiono Grand Est ("granda oriento"). Laŭ la stato de 2023 en la komunumo vivis 481loĝantoj sur areo de 19,93 kvadrataj kilometroj, kio rezultigas loĝdenson de 24 loĝantoj/km². Administre la komunumo apartenas al la arondismentoThionville kaj al la kantonoBouzonville / Busendorf.