Pergi ke kandungan

Jimmy Wales

Simbanai noputan
Mantad Wikipedia

Jimmy Wales
Wales ontok 2023
Kinosusuon
Jimmy Donal Wales

(1966-08-08) Magus 8, 1966 (umul 59)[1]
Huntsville, Alabama, US
Ngaran suaiJimbo Wales
Mamasok
  • United States
  • United Kingdom
Pondidikan
Kalaja
Ointutunan montokCo-founding Wikipedia
Title
  • President of Fandom (2004–present)
  • Chairman of the Wikimedia Foundation (2003–2006)
  • Chair emeritus of the Wikimedia Foundation (2006–present)
Sawo
  • Pamela Green
    ​
    ​
    (m. 1986; div. 1993)​
  • Christine Rohan
    ​
    ​
    (m. 1997; div. 2011)​
  • ​
    (m. 2012)​
Tanak3
Jimmy Wales's voice
Recorded August 2014
Websitejimmywales.com
Signature
Signature: Jimmy Wales

Jimmy Donal "Jimbo" Wales (nosusu ontok 8 Magus 1966)[1] nopo nga songulun mongingindapu internet om bagas papadagang kousinan mantad Amerika Syarikat. Ointutunan isio sabaagi minongimpuun miampot do Wikipedia, iso ensiklopedia au bayaran om okon ko poingimpou untung, om nogi Fandom (i nopo pogulu po nga Wikia), iso koumatan pengehosan wiki poingimpou untung. Nokohompit nogi isido doid koburuon om kotoinaan projek suai miagal do Bomis, Nupedia, WikiTribune, om Trust Café (i nopo pogulu nga ointutunan sabaagi WT Social).

Nosusu id Huntsville, Alabama, suminikul i Jimmy hilo Randolph School om nakaanu ijazah id gana kousinan mantad Auburn University om University of Alabama. Maso monginobos id taang siswazah, koumbal isio mongia' id duo universiti nga minidu mantad ponginabasan pogulu nakaawi PhD montok kumalaja id gana kousinan. Sumusuhut, nosiliu isio luguan upisor ponoriukan id Chicago Options Associates.

Ontok toun 1996, minongimpuun isio miampai di Bomis, i minanakadai ensiklpodeia au bayaran berwasit tambalut miampon ii no Nupedia (2000–2003). Ontok 15 Milatok 2001, miampai di Larry Sanger om puru suai, minapalabus isio Wikipedia, i osikap do nokoburu. Nosiliu i Jimmy do lundu toponsol om turos awam projek dii sundung ontok nopo dii nga mongimuot isio kokomoi tonggungan di Sanger miampai mangakun do songulun no isio minongimpuun dii.

Momuru i Jimmy id Lembaga Pemegang Amanah Wikimedia Foundation mantad kinoponuridangan dii, mogowit tirikohon sabaagi "minongimpuun (pengasas) komuniti" i pinosiliu do lembaga dii. Manahak isio alamat monikid toun do "Pogun Wiki" id Wikimania.[2] Montok tonggungan disio minomorun do Wikipedia, pinungaranan isio do Time sabaagi songulun mantad 100 tulun bobos kirahung id pomogunan ontok toun 2006.

Koposion pogulu om pondidikan

[simbanai | simbanai toud]

Nosusu i Jimmy id Huntsville, Alabama, ontok 8 Magus 1966. [1][nb 1] Tapa disio, Jimmy Sr.,[3] nopo nga mononoina kadai runcit, om tama disio, Doris Ann (Templat:Nee), om nogi todu disio, Erma, monoina House of Learning,[4][5] iso sikul swasta tokoro miampai konsep sikul iso linimput id nombo nokotorimo i Jimmy on tolu tobpinai dau do pondidikan tosopung do hilo.[4][6]

I nopo tokoro po, aanangan i Jimmy do mambasa.[7] Ontok di tolu no toun, minomoli o tama disio World Book Encyclopedia mantad songulun papadagang mantad walai kumaa walai. Papaatod o World Book do pososokoton kumaa sanganu montok posokoton id bolikan pointantu montok monginwagu ensiklopedia dii, om momoguno i Jimmy do pososokoton dii id kodolinan dau, om mimboros miampai mamain-main do "Minggaso oku do minimpuun oku mantad tokoro po do menyunting ensiklopedia i binoli do tama ku."[3][8]

Id suang iso ponorubungan ontok toun 2005 miampai Brian Lamb, monginruai i Jimmy do sikul persendirian i sinikulan dau ontok di tokoro po sabaagi kifalsafah pondidikan poingimpou Montessori, id nombo kogumuan nopo timpu dau hilo nga menelaah isio do Ensiklopedia Britannica om World Book Encyclopedias".[9] Kiwaa apat no susumikul suai i kotipong gred disio om numaan do puru sikul piomungo o susumikul mantad toun koiso gisom apat id iso tinimungan, om toun kolimo gisom kawalu id iso tinimungan di suai. Soira nosukod, mengkritik i Jimmy do layanan porinta kumaa sikul dii, miampai komi "campur tangan om birokrasi potilombus om moomomorisa pogun i arayou" osiliu rahung toponsol id suang pombontukan falsafah pulitik dau.[9]

Kalapas nakaawi darjah walu, minongoput i Jimmy sinikulan id Randolph School,[10][11][12][13] iso sikul kotoundaan universiti id Huntsville, om nakaawi ponginabasan ontok di 16 o toun.[14] Kiboros isio do apagon kopio sikul dii montok paganakan dau, nga "oponsol o pondidikan id suang paganakan ku ... ponginsamakan bobos tradisional kumaa toilaan om pinsingilaan om poposiliu dii sabaagi impohon montok koposion di osonong."[9] Nakaanu isio ijazah sarjana muda id suang gana kousinan mantad Auburn University ontok toun 1986. Minongimpuun isio ponginabasan id Auburn ontok di 16 nogi toun.[5] Kalapas dii, sinumuang isio program PhD kousinan id University of Alabama nga linumabus miampai ijazah sarjana pogulu minongoput ponginabasan id program PhD kousinan id Indiana University Bloomington.[6][9][14] Maso hilo University of Alabama, mamain isio pomoinan fantasi internet om nokoimpuun o rahi disio kumaa web.[5] Mongia' nogi isio id koduo-duo universiti dii maso ponginabasan pascasiswazah dau nga au nokopongo tesis kedoktoran i nuru montok maganu PhD, iso i kapaasan montok disio.[6][9]

Kalaja

[simbanai | simbanai toud]
Kukumalaja syarikat internet di Jimmy, Bomis, hambal id nuludan dohuri, kotolu mantad gibang, miampai di Christine Rohan Templat:Mdash i ointutunan sabaagi Christine Wales maso dii, sawo koduo disio.

Ontok toun 1994, minaganu i Jimmy pakalajaan id Chicago Options Associates, iso firma dagangan niaga dumbangan om opsyen id Chicago, Illinois.[9][15][16] Jimmy nopo kaka nga songulun i sasatan do internet mantad di pogulu po, om insaru monuat kod kompiuto ontok timpu toliwang. Maso ponginabasan disio id Alabama, nosiliu isio pemain tegar do multi-user dungeons (MUDs)—iso kawo pomoinan minsingkono—aom maya koinganan dii, nokopuriman isio potensi rangkaian kompiuto montok popoimbulai projek kolaboratif miampai skala tagayo.[14][17]

Nakaanu inspirasi mantad kalantayon tawaran awam koimpuunon (IPO)Netscape ontok toun 1995, om soira nokotimung modal maya "spekulasi kumaa koingkawason om koinsiribaon faedah om mato tusin labus",[4] Minaganu i Jimmy kootuson do midu mantad gana pongindopuan kousinan om sinumiliu songulun mongingindapu internet.[14] Ontok toun 1996, minonuridong isio om duo tambalut do Bomis,[4][18] iso portal web i popokito webring asil winorun do moomomoguno om, id iso timpu, pornografi lembut.[19] Tumanud di Jimmy, ii nopo nga "enjin pogihuman miampai orientasi kusai" miampai pasaran di miagal do bukakak Maxim magazine;[6][9][20] nga usaha niaga do Bomis au nokodimpot kalantayon.[4][6][21]

Kumaa doid Wikipedia

[simbanai | simbanai toud]
Main article: Nupedia
Nupedia logo with text: NUPEDIA.COM THE FREE ENCYCLOPEDIA
Logo of Nupedia

Sukuon

[simbanai | simbanai toud]
  1. ↑ 1.0 1.1 1.2 Jimmy Wales profile, Encyclopedia Britannica
  2. ↑ Toor, Amar (Madas 15, 2012). "Jimmy Wales, Mary Gardiner address Wikipedia's gender gap at Wikimania conference". The Verge. Pinoopi mantad sanḏad ontok Madas 8, 2017. Linoyog ontok Momuhau 26, 2017.
  3. ↑ 3.0 3.1 Ralat maganu:Tag <ref> tidak sah; tiada teks disediakan bagi rujukan yang bernama kazek
  4. ↑ 4.0 4.1 4.2 4.3 4.4 Ralat maganu:Tag <ref> tidak sah; tiada teks disediakan bagi rujukan yang bernama bookstopshere
  5. ↑ 5.0 5.1 5.2 Wilson, Claire M. "Jimmy Wales". Encyclopedia of Alabama. Pinoopi mantad sanḏad ontok Momuhau 20, 2019. Linoyog ontok Momuhau 26, 2017.
  6. ↑ 6.0 6.1 6.2 6.3 6.4 Ralat maganu:Tag <ref> tidak sah; tiada teks disediakan bagi rujukan yang bernama reasonmag
  7. ↑ Ralat maganu:Tag <ref> tidak sah; tiada teks disediakan bagi rujukan yang bernama Economist2008
  8. ↑ Isaacson, Walter (Gumas 19, 2014). "You Can Look It Up: The Wikipedia Story". The Daily Beast. Pinoopi mantad sanḏad ontok Mahas 13, 2019. Linoyog ontok Momuhau 26, 2017.
  9. ↑ 9.0 9.1 9.2 9.3 9.4 9.5 9.6 Ralat maganu:Tag <ref> tidak sah; tiada teks disediakan bagi rujukan yang bernama qanda
  10. ↑ Ralat maganu:Tag <ref> tidak sah; tiada teks disediakan bagi rujukan yang bernama Randolph
  11. ↑ Moore, Rebecca (January 7, 2013). "Jimmy Wales '83: 'Information evangelist' Archived Gumas 31, 2018, at the Wayback Machine", Randolph School. Retrieved August 12, 2014.
  12. ↑ "Profile ". BBC Radio 4. March 18, 2012. Retrieved August 12, 2014.
  13. ↑ "Todd Chambers' answer to [Pictures or it didn't happen] what was jimmy wales' high school life like?". Quora. Pinoopi mantad sanḏad ontok Magus 10, 2022. Linoyog ontok Momuhau 26, 2017.
  14. ↑ 14.0 14.1 14.2 14.3 Ralat maganu:Tag <ref> tidak sah; tiada teks disediakan bagi rujukan yang bernama trend
  15. ↑ Ralat maganu:Tag <ref> tidak sah; tiada teks disediakan bagi rujukan yang bernama 2.0
  16. ↑ Ralat maganu:Tag <ref> tidak sah; tiada teks disediakan bagi rujukan yang bernama knowitall
  17. ↑ Ralat maganu:Tag <ref> tidak sah; tiada teks disediakan bagi rujukan yang bernama am 2006 p93
  18. ↑ Ralat maganu:Tag <ref> tidak sah; tiada teks disediakan bagi rujukan yang bernama am 2006 p88
  19. ↑ Ralat maganu:Tag <ref> tidak sah; tiada teks disediakan bagi rujukan yang bernama accessforall
  20. ↑ Hansen, Evan (Momuhau 19, 2005). "Wikipedia Founder Edits Own Bio". Wired. Pinoopi mantad sanḏad ontok Mikat 30, 2012. Linoyog ontok Momuhau 26, 2017.
  21. ↑ Ralat maganu:Tag <ref> tidak sah; tiada teks disediakan bagi rujukan yang bernama roy


Ralat maganu:Tag <ref> wujud untuk kumpulan bernama "nb", tetapi tiada tag <references group="nb"/> yang berpadanan disertakan

Naanu mantad "https://dtp.wikipedia.org/w/index.php?title=Jimmy_Wales&oldid=23598"