Indiaid Cochion
| Enghraifft o: | sarhad ethnig |
|---|---|
| Math | pobl groenliw |
| Dynodwyr | |
| Freebase | /M/04hvvd |
Hen enw ar frodorion Gogledd America yw Indiaid Cochion (Saesneg: Red Indians) neu groengochiaid[1] (Saesneg: redskins). Ystyrir bod yr enwau hyn yn ddifrïol ac yn dramgwyddus bellach.
Ansicr yw tarddiad yr ymadrodd "Indiaid Cochion". Ymddangosodd yn oes y Tair Gwladfa ar Ddeg, o bosib yn gyfieithiad o un o enwau'r brodorion ar eu hunain, neu'n fathiad gan yr Ewropeaid. Nid yw geiriadurwyr ychwaith yn cytuno at beth mae'r "coch" yn cyfeirio: lliw naturiol croen y brodorion, neu'r pigmentau a ddefnyddid gan ambell lwyth i liwio'r croen. Beth bynnag y geirdarddiad, trodd yn air difrïol wrth i'r gwynion ei ddefnyddio mewn modd hiliol yn y 19g a chychwyn yr 20g.[2] Cysylltir yr enw yn hanesyddol â'r gwobrau a gynigir am grwyn pennau'r brodorion.[3]
Ni ddefnyddir yr ymadrodd yn yr oes fodern, ond parheir mewn enwau nifer o dimau chwaraeon, gan gynnwys tîm pêl-droed Americanaidd y Washington Redskins.
Cyfeiriadau
[golygu | golygu cod]- ↑ Geiriadur yr Academi, [redskin].
- ↑ "What is the definition of redskin?". Oxford University Press. Archifwyd o'r gwreiddiol ar 16 Medi 2016. Cyrchwyd 3 Medi 2016.
- ↑ Roxanne Dunbar-Ortiz (17 Medi 2014). "What "Redskins" Really Means: An Origin of Violence and Genocide". Beacon Press. Cyrchwyd 3 Medi 2026.
Darllen pellach
[golygu | golygu cod]- C. Richard King, Redskins: Insult and Brand (University of Nebraska Press, 2016).