Vai al contenuto

Maghju

À prupositu di Wikipedia
Maghju
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Maghju, da L'ore ricchissime di u duca di Berry

Maghju hè u quintu mese di l'annata è di u calendariu gregurianu.

U mese di maghju hè mintuvatu in uni pochi di pruverbii è spressione corse. Per esempiu:

Par maghju o par maghjonu, ùn ti caccià u to pilonu.
Serate di ghjennaghju è ghjurnate di maghju.
U piu beddu ceppu, teni lu à maghju.
Maghju urtulanu assai paglia è pocu granu.
Matinati di maghju è sirintini di ghjinnaghju.
Per ogni runzinu vène u so maghju.
U fasgiulaghju, fà lu di maghju.
L'acqua di ghjinnaghju alloca u vinu à maghju.
Aprile è maghju lumagaghju.
Veni d'aprili è ti farò murire, veni di maghju è ti cuntintaraghju.
Longu quant'è maghju.

Maghju hè mintuvatu dinù in a paghjella[1]:

U primu fiore di maghju
Hè quellu di la viola
Ma lu più chì mi dispiace
Hè d'avè l'à coglie sola
Chì le pene di l'amore
Ùn le sà chè chì le prova.
  1. ↑ www.paghjella.com
  • Arnestu Papi, Manghjà è bia.
  • Saravelli-Retali, 1976, A vita in Corsica cù i pruverbii è i detti - La vie en Corse à travers proverbes et dictons, Nice: Don Bosco.
  • Stefanelli, Marcedda, Tempu è staghjoni, U Taravu 176, ghjinnaghju 2009.
  • paghjella.com Inventariu di e paghjelle. Archiviu 2007-04-17 at the Wayback Machine
I mesi di l'annu
Ghjennaghju - Ferraghju - Marzu - Aprile - Maghju - Ghjugnu - Lugliu - Aostu - Settembre - Uttobre - Nuvembre - Dicembre