Campus 103.7 - The official radio station of the University of Malta

The official radio
station of the
University of Malta

Shows on Campus

Campus Breakfast

Produzzjoni u preżentazzjoni ta’ Antonella Galea Loffreda

Programm radjofoniku li qed jixxandar b’mod dirett kuljum fuq Campus 103.7 bejn il-ħin tas-7:00 u l-10:00 ta’ filgħodu. L-għan ewlieni tagħna hu li nwasslu programm li jappella u jattira udjenza vasta u għaldaqstant il-kontenut ser ikun wieħed leġġer illi primarjament jiffoka fuq lifestyle u divertiment. Ma jistax jonqos illi l-programm iservi wkoll bħala għodda sabiex titwassal informazzjoni edukattiva u kulturali kif ukoll bħala leħen l-Università ta’ Malta. Campus Breakfast qed jagħti spazju mhux biss lill-għaqdiet tal-istudenti iżda wkoll lid-diversi fakultajiet li permezz tal-intervent tagħhom tul l-iskedi sejrin mhux biss iżommu lis-semmiegħa infurmati dwar diversi aspetti iżda saħansitra jippromowovu l-korsijiet ta’ studju illi toffri l-Università.

Tul: 180 minuta – mis-7:00am sal-10:00am

Campus Breakfast

:Antonella Galea Loffreda

Lunch Box

Produzzjoni u preżentazzjoni ta’ Coryse Borg

Mit-Tnejn sal-Ġimgħa programm live minn nofsinhar sas-sagħtejn li jiddiskuti b’mod speċjali it-temi ta’ nutrizzjoni, saħħa mentali u lifestyle, marbuta maż-żgħażagħ u studenti tal-Università. Waqt Lunch Box se niddiskutu wkoll suġġetti bħall-midja soċjali u ż-żgħażagħ, il-ħruġ, (fejn qed imorru ż-żgħażagħ illum il-ġurnata), eżerċizzju fiżiku, attitudnijiet, trends riċenti u bosta suġġetti oħra relatati. Waqt Lunch Box, fis-1 ta’ waranofsinhar ikun hemm waqfa għar-ripetizzjoni tal-analiżi tal-ġurnali; dritt wara jkompli Lunch Box sas-2pm.

Tul: 120 minuta

Lunch Box

:Coryse Borg

Andrew fuq 103.7

Produzzjoni u preżentazzjoni ta’ Andrew Azzopardi

Diskussjoni s-Sibt filgħodu b’temi kurrenti u kontroversjali li jolqtu l-interessi tal-pubbliku inġenerali. Dan it-tip ta’ programmar se joħloq dibattitu ‘LIVE’ fl-istudjo fuq ġrajjiet kurrenti bl-istil uniku ta’ Andrew Azzopardi.

Tul: 180 minuta

Andrew fuq 103.7

:Andrew Azzopardi

Campus Drive

Colin Fitz

Programm radjofoniku bil-Malti li se jixxandar b’mod dirett kuljum fuq Campus 103.7 bejn il-ħin tal-4 ta’ waranofsinhar u s-6 waqt li n-nies sejrin lura d-dar. Jinkludi wkoll aħbarijiet dwar dak li jkun għaddej f’pajjiżna, sports, arti u kultura però l-enfasi se tkun il-mużika.

Tul: 120 minuta

Campus Drive

:Colin Fitz

Campus Magazine

Produzzjoni u preżentazzjoni ta’ Sonia Young

Programm mexxej stil magazine b’intervisti dwar suġġetti varji bħall-kura tal-annimali, il-wellbeing, il-mediċina, l-ikel, il-kura tal-ġnien u l-pjanti, imżewwaq b’mużika u features li jinżlu tajjeb għall-istaġun tax-xitwa.

Tul: 120 minuta – Tliet darbiet fil-ġimgħa mill-10:00 sa nofsinhar

Campus Magazine

:Sonia Young

Dellijiet

Rakele Fiott

Programm storiku narrativ li jesplora il-kriminalità f’Malta tul is-sekli, mhux bħala sensazzjonaliżmu, imma bħala tieqa lejn is-soċjetà Maltija, il-poter, u l-vittmi li ħafna drabi jintesew. L-għan tal-programm hu li juri kif il-kriminalità mhix biss kwistjoni ta’ liġi, imma rifless ta’ biżgħat, preġudizzji, relazzjonijiet ta’ poter u realtajiet soċjali. Is-serje tittratta temi bħall-qtil, l-Inkwiżizzjoni, il-mediċina u l-abbuż, il-piraterija, l-ereżija, l-omosesswalità, il-vjolenza fuq it-tfal, l-iskjavitù, l-abbużi fl-arti u l-mużika, u oħrajn, dejjem b’enfasi fuq il-vittmi u l-kuntest storiku tagħhom.

Tul: 60 minuta

Dellijiet

Name:Rakele Fiott

Campus Lifestyle

Produzzjoni u preżentazzjoni ta’ Nathalie Camilleri

Campus Lifestyle permezz ta’ mistiedna preżenti u sensiela ta’ suġġetti bħall-kura tal-annimali, is-saħħa u n-nutrizzjoni, fuq kollox intervisti li jiggwidawna biex ngħixu aħjar.

Tul: 120 minuta – It-Tnejn u l-Ġimgħa bejn l-10:00 u nofsinhar

Campus Lifestyle

:Nathalie Camilleri

Therapy Talk

Karl Wright & Claire Borg

Programm li jfittex li jilħaq lill-individwi u/jew ġenituri li jgħixu waħedhom, lill-koppji, lill-ġenituri, lin-nanniet u lil kull min huwa miftuħ jirrifletti dwar għeruqu, il-familja.

Tul : 60 minuta

Therapy Talk

Name:Karl Wright & Claire Borg

View All Shows

On Demand

Education

Film

Interviews & Discussions

Maltese Language & History

Public Lectures

Religion

Theatre

Visual Arts

World History & Culture

From Our Socials

Campus 103.7

1 day ago

Programm ġdid fuq Campus 103.7: Tradutturi!

F’din is-sensiela, Dr Sergio Grech se jlaqqagħna ma’ persuni li jaħdmu jew ħadmu fil-kamp tat-traduzzjoni u grazzi lilhom se niskopru kemm opri letterarji sbieħ ġew maqluba fil-Malti. 🗣️👂✍️

Mistieden: Paul Zahra

30.3.2026 fit-8:00pm.🎙️

#campus1037 #UniversityRadio ... See MoreSee Less

Photo

View on Facebook

Campus 103.7

2 days ago

Therapy Talk 🧠🗣️ illum jitfa' ħarstu fuq dinamika li tista' tiżviluppa bejn l-aħwa meta jkunu adulti.

Il-psikoterapisti Karl Wright u Claire Borg jiddiskutu, illum fit-3pm b'ripetizzjoni fl-10pm fuq Campus 103.7.🎙️
#campus1037 #campus1037 #UniversityRadioUniversityRadio ... See MoreSee Less

Photo

View on Facebook

Campus 103.7

2 days ago

Programm radjofoniku bil-Malti li se jixxandar b’mod dirett kuljum dirett fuq Campus 103.7 bejn il-ħin tal-4pm u 6pm waqt li i-nies sejrin lura d-dar. Il-programm jinkludi wkoll aħbarijiet dwar dak li jkun għaddej f’pajjiżna, sports, arti u kultura pero l-enfasi se tkun il-mużika.

#campus1037 #UniversityRadio ... See MoreSee Less

Photo

View on Facebook