Vergilius

den
Reizh pe jener	paotr
Bro ar geodedouriezh	Henroma
Anv e yezh-vamm an den	Publius Vergilius Maro
Praenomen	Publius
Nomen	Vergilius
Cognomen	Maro
Deiziad ganedigezh	15 Her 70 BCE
Lec'h ganedigezh	Andes
Deiziad ar marv	21 Gwe 19 BCE
Lec'h ar marv	Brindisi
Lec'h douaridigezh	Parco Virgiliano
Mamm	Magia Polla
Kar	Vergilia Vera
Gens	Vergilia gens
Yezh vamm	latin
Yezhoù komzet pe skrivet	latin
Yezh implijet dre skrid	latin
Micher	barzh, skrivagner
Studier	Cebes
Tuadur revel	non-heterosexuality
Oberenn heverk	Eclogues, Georgics, Aeneis
Oberennoù zo en dastumad	National Gallery of Art, Vatican Library
Luskad	Augustan poetry
Tachenn	Meurgan, pastoral poetry
Levezonet gant	Aulus Furius Antias, Homeros, Theocritus
Present in work	Divina Commedia
Prantad	Impalaeriezh roman
Statud e wirioù aozer	Ar gwirioù aozer ne dalvezont ket ken

Publius Vergilius Maro (15 a viz Here 70 kent J-K - 21 a viz Gwengolo 19 kent J-K) anvet diwezhatoc'h Virgilius, a oa ur barzh roman klasel, aozour ar Bucolica, ar Georgica hag an Aeneis, ur meurgan a 12 levrenn a oa deuet da vout barzhoneg broadel an Impalaeriezh roman.

Ganet e oa e-kichen Mantova e Galia Cisalpina en amzer koñsuliezh Crassus ha Pompeius, e ti bourc'hizien vihan. Koñsuled e oa Crassus ha Pompeius adarre pa wiskas Vergilius toga an oad gour, c'hwezek vloaz diwezhatoc'h, e -54, en deiz en-eeun ma marvas Lucrecius. Darn a wel aze un arouez, goude ma ne voe ket bras levezon oberour an De natura rerum war oberenn Vergilius e-skoaz hini Catullus, skrivagner Verona, un amezeg a anavezas moarvat, pe barzhed all a zo saludet gantañ en e v-Bucolica, evel Aemilius Macer (a c'hallfe bezañ Melibe ar Bucolica), C. Helvius Cinna, keneil da Gatullus, L. Varius Rufus, a voe embanner an Eneas, ha Q. Horatius Flaccus (Lycidas er Buc. 9 ?), a zo Horatius e vignon bras a raio animae dimidium meae, « an hanter eus ma ene » anezhañ. En-yaouank ivez e skoulmas darempred gant Quintilius Varus, a vo ur skridvarnour meur (gwelout Hor. Odes, I, 24), ha Cornelius Gallus, a oa o vont da ziazezañ ar varzhoniezh a glemmganerezh e Roma.