Impiksi
Impiksi yaitu sarangan wan batambah banyaknya nang digawi lawan patogen di awak mahluk hidup.[1] Patogen nang maulah impiksi nangkaya mikroorganisme kaya pirus, prion, hayumu wan kulat. Pahadangan nitu, parasit kaya cacing duwa organisme uniseluler jua kawa maulah impiksi, tagal lah bahanu kuyaan Impiksi wan infestasi dipakai juwa gasan manyambat sarangan matan agen parasit. Sarangan patogen-patogen ngini, atawa wisa nang diulah ulihnya, kawa maulah panyakit di awak nang dihinggapinya.
Mahluk nang sudah taimpiksi kawa haja malawan impiksi mamakai sistem kataguhan awak. Mamallia nang taimpiksi bariaksi lawan sistem imun bawaan, nang rancak maumpatiakan paradangan, wan imbahtu diumpati lawan sistem imun adaptif.[2]
Tatambaan husus nang dipakai gasan manambai impiksi tamasuk antibiotik, antipirus, antikulat, antiprotozoa, wan antelmintik. Pungkala impiksi ngini nang maulah 9,2 juta kamatian wayah 2013 (kikira 17% matan barataan kamatian).[3]
Pungkala
[babak | babak asal-mulanya]Impiksi kawa dipungkalai tumatan bamamacam mahluk biologis nang dipinandui sawagai agen Impiksi. Kata sipat patogenik diraitakan ka mahluk biologis nang hingkat maulah panyakit, nangkaya hayumu patogenik wan cacing patogenik. Hal ngini manunjukakan juwa bahwa kada sabarataan hayumu wan cacing iya patogen; banyak matan buhannya nang kawa hidup wan bakambang kada manyarang wan manimbulkan panyakit duwa mahluk lain.
Jujuhutan
[babak | babak asal-mulanya]- ↑ "infection", The Free Dictionary, diakses tanggal 2026-06-03
- ↑ Alberto Signore (2013). "About inflammation and infection" (PDF). EJNMMI Research. 8 (3).
- ↑ GBD 2013 Mortality and Causes of Death, Collaborators (17 December 2014). "Global, regional, and national age-sex specific all-cause and cause-specific mortality for 240 causes of death, 1990-2013: a systematic analysis for the Global Burden of Disease Study 2013". Lancet. 385 (9963): 117–71. doi:10.1016/S0140-6736(14)61682-2. PMC 4340604
. PMID 25530442.
