BeBox

BeBox
Тып	рабочая станцыя
Вытворца	Be Incorporated
Выпушчаны	кастрычнік 1995
Выпускаўся па	студзень 1997
Працэсар	PowerPC
АС	BeOS
Сайт	The BeBox Zone

BeBox — персанальны камп’ютар, які выпускаўся кампаніяй Be Incorporated у 1995-1997 гадах. Распрацоўку ўзначальваў Стыў Сакаман, інжынер, які раней працаваў у Apple і кіраваў распрацоўкай Apple Newton. Камп’ютар працаваў пад кіраваннем аперацыйнай сістэмы BeOS, таксама распрацаванай кампаніяй Be Inc.

Гісторыя

Першыя прататыпы BeBox будаваліся на працэсарах AT&T Hobbit, пакуль іх не знялі з вытворчасці. Тады Ве перайшла на працэсары PowerPC.

BeBox дэбютаваў у кастрычніку 1995 года мадэллю BeBox Dual603-66 з частатой працэсара 66 МГц. Ужо ў жніўні 1996 года выходзіць новая мадэль рабочай станцыі BeBox Dual603e-133 з частатой працэсара 133 МГц. Усе камп’ютары былі шматпрацэсарнымі: у адной з версій камп’ютара стаялі 7 працэсараў, у іншай — 2.

BeBox называлі «Silicon Graphics для бедных» з-за іх магутнасці, якая дазваляла выкарыстоўваць BeBox у якасці графічнай рабочай станцыі пры сціплых апаратных рэсурсах і адносна невысокім кошце.

Было прададзена каля 1000 BeBox з частатой 66 МГц і 800 з частатой 133 МГц. 30 студзеня 1997 года Be Inc. спыніла вытворчасць абсталявання і пераключылася на выпуск праграмнага прадукту.

Канфігурацыя працэсара

Першыя прататыпы былі абсталяваны двума ЦП AT&T Hobbit і трыма AT&T 9308S. У серыйных узорах выкарыстоўваліся два працэсары PowerPC 603, якія працавалі на 66 або 133 МГц. Былі таксама прататыпы з 2 і 4 працэсарамі па 200 МГц, але яны ніколі не прадаваліся.

Плата ўводу / вываду

• Чатыры паслядоўныя парты (9-pin D-sub)
• Адзін порт мышы, PS/2-type
• Два парты джойсціка (15-pin D-sub)
• Два MIDI out ports
• Два MIDI in ports
• Тры інфрачырвоныя парты ўводу / вываду (IR) (6-pin mini DIN)
• Адзін унутраны CD-аўдыяўваход лінейнага ўзроўню (5-pin strip)
• Адзін унутраны мікрафонны ўваход аўдыя (4-pin strip)
• Адзін унутраны выхад на навушнікі аўдыя (4-pin strip)
• Два ўваходы RCA лінейнага ўзроўню (L / R)
• Два выхады лінейнага ўзроўню (L / R)
• Адзін уваход для мікрафона 3,5 мм стэрэараз'ём аўдыя
• Адзін выхад на навушнікі 3,5 мм раз'ём для стэрэанавушнікаў
• 16-разрадны стэрэагук @ 48 і 44,1 кГц
• Адзін «GeekPort» (37-pin D-sub)

Blinkenlights

На пярэдняй панэлі двухпрацэсарнай прылады BeBox былі ўсталяваныя дзве вертыкальныя паласы жоўта-зялёных святлодыёдаў. Яны служылі візуальным індыкатарам нагрузкі на кожны з двух працэсараў. Самы ніжні LED на правым баку паказваў на ступень актыўнасці жорсткага дыска.

Спасылкі

• The BeBox Zone
• BeBox History
• BeBox Photo Gallery (Joseph Palmer: Be HW Engineer)
• Pinout for the GeekPort connector