Məzmuna keç

Norman Foster Ramzey

Vikipediya, azad ensiklopediya
Norman Foster Ramzey
ing. Norman Foster Ramsey, Jr.
Doğum tarixi 27 avqust 1915(1915-08-27)[1][2][…]
Doğum yeri
Vəfat tarixi 4 noyabr 2011(2011-11-04)[5][6][…] (96 yaşında)
Vəfat yeri
Elm sahəsi nüvə fizikası
Elmi dərəcələri
İş yerləri
Təhsili
Elmi rəhbəri İsidor Ayzek Rabi[10]
Üzvlüyü
Mükafatları ABŞ Milli Elmlər medalı — 1988 Ernest Orlando Lawrence Award — 1960 Fizika üzrə "Nobel" mükafatı — 1989 IEEE Şərəf Medalı — 1984
Vikianbarın loqosu Vikianbarda əlaqəli mediafayllar

Norman Foster Ramzey Cunior (ing. Norman Foster Ramsey Jr.; 27 avqust 1915[1][2][…], Vaşinqton[3][4][…] – 4 noyabr 2011[5][6][…], Midlseks[d], Massaçusets[7]) — atom saatlarının qurulmasında mühüm tətbiqləri olan "ayrılmış rəqs sahələri metodu"nun (bax: Ramsi interferometriyası) ixtirasına görə 1989-cu ildə Fizika üzrə "Nobel" mükafatına layiq görülmüş amerikalı fizikdir. Karyerasının böyük hissəsini Harvard Universitetində fizika professoru kimi keçirən Ramsi, eyni zamanda NATO və ABŞ Atom Enerjisi Komissiyası kimi hökumət və beynəlxalq agentliklərdə müxtəlif vəzifələr tutmuşdur. Onun digər nailiyyətləri sırasında ABŞ Energetika Nazirliyinin Brukhaven Milli Laboratoriyasının və Fermilabın təsis edilməsindəki rolu xüsusi qeyd olunmalıdır.

Erkən həyatı

[redaktə | vikimətni redaktə et]

Norman Foster Ramzey Cunior 27 avqust 1915-ci ildə Vaşinqtonda, Minna Bauer Ramzey və Norman Foster Ramzeyin ailəsində anadan olmuşdur. Onun anası alman mühacirlərinin qızı idi və Kanzas Universitetində müəllim kimi çalışırdı.[11] Şotland mənşəli atası isə 1905-ci ildə Vest-Pointdəki ABŞ Hərbi Akademiyasının məzunu olmuş, İkinci Dünya müharibəsi illərində briqada generalı rütbəsinə qədər yüksələrək Artilleriya-Texniki Xidmət Departamentinin zabiti kimi Rok-Aylend Arsenalına komandanlıq etmişdir.[12]

Atasının hərbi xidməti ilə əlaqədar olaraq uşaqlığı müxtəlif hərbi bazalarda keçən Ramzey, bir müddət atasının Artilleriya İdarəsində rabitə zabiti və hərbi attaşe köməkçisi vəzifəsində çalışdığı Fransada yaşamışdır.[13] Bu səfərlər ona təhsil illərində bir neçə sinfi atlamağa imkan vermiş və nəticədə o, 15 yaşında Kanzas ştatının Livenvort şəhərindəki Livenvort orta məktəbindən məzun olmuşdur.[11]

  1. 1 2 Norman Foster Ramsey (ing.). // Encyclopædia Britannica. (İstifadə tarixi: 9 oktyabr 2017).
  2. 1 2 Norman F. Ramsey Jr. // Solomon Quqqenhaym muzeyi.
  3. 1 2 Norman Ramsey dies at 96; Nobel winner's work led to MRI machines (ing.). // Los Angeles Times. Los Angeles. 9 noyabr 2011. ISSN 0458-3035; 2165-1736.
  4. 1 2 David Wineland. Norman Ramsey (1915-2011). (ing.). // Nature. / ed. Magdalena Skipper. Nature Portfolio, Springer Science+Business Media. 7 dekabr 2011. Vol. 480, Iss. 7376. P. 182. ISSN 1476-4687; 0028-0836 DOI PMID:22158235.
  5. 1 2 Norman Ramsey Dies at 96; Work Led to the Atomic Clock (ing.). // The New York Times. / ed. Joseph Kahn. Manhattan: New York Times Company, A. G. Sulzberger. 6 noyabr 2011. ed. size: 443000 ISSN 0362-4331.
  6. 1 2 Week ending Saturday, November 5, 2011 (ing.). // Life In Legacy.
  7. 1 2 Store norske leksikon (buk.). ISSN 2464-1480. (İstifadə tarixi: 18 oktyabr 2026).
  8. ↑ 1940.
  9. 1 2 Norman Foster Ramsey, Jr. (ing.). // Harvard University gazette. Harvard University. 16 iyul 2015. ISSN 0364-7692. (İstifadə tarixi: 26 avqust 2017).
  10. ↑ Riyazi genealogiya layihəsi (ing.). (İstifadə tarixi: 14 sentyabr 2018).
  11. 1 2 "Norman F. Ramsey – Autobiography". The Nobel Foundation. İstifadə tarixi: 13 iyun 2013.
  12. ↑ Cullum, 1950. səh. 101
  13. ↑ Cullum, 1930. səh. 669–670

Xarici keçidlər

[redaktə | vikimətni redaktə et]