Məzmuna keç

III Honori

Vikipediya, azad ensiklopediya
III Honori
lat. Honorius PP. III
Doğum tarixi 1148(1148)
Doğum yeri
Vəfat tarixi 18 mart 1227(1227-03-18)[2] (78–79 yaşında)
Vəfat yeri
Dəfn yeri
Fəaliyyəti katolik keşişi[d]
Vikianbarın loqosu Vikianbarda əlaqəli mediafayllar

Papa III Honori (doğum adı Çençio Savelli; 1148, Roma[1] – 18 mart 1227[2], Roma[3][4]) — 18 iyul 1216-cı ildən 18 mart 1227-ci ilə qədər Papalıq etmişdir.

III Honori və Fransiskanlar

[redaktə | vikimətni redaktə et]

1223-cü ildə Assizli Fransiskin yeni dindarlar ordenini (Fransiskanlar ordeni) təsdiq etmişdir.[5]

III Honori və Beşinci Səlib Yürüşü

[redaktə | vikimətni redaktə et]

Beşinci səlib yürüşü (1218–1221) dövründə papalıq etmişdir. Bu səlib yürüşü zamanı səlibçi ordusu Misirin Dümyat şəhərinə desant çıxararaq bu qalanı Əyyubilərdən almışdır. Lakin bundan sonra səlibçilər bu qalada mühasirəyə alınmış və vəziyyətləri pisləşməyə doğru getmişdir. Səlibçiləri bu çətin vəziyyətdən xilas etmək üçün Papa III Honori Almaniya və Siciliya kralı olan II Fridrixin yürüşdə şəxsən iştirak etməsi üçün fəaliyyətə keçmişdir. Lakin II Fridrix buna söz verməsinə baxmayaraq yürüşə gecikmişdir. 1220-ci ildə Papa III Honori Romada II Fridrixə Müqəddəs Roma İmperatoru olaraq tac qoymuş və imperator səlib yürüşündə şəxsən iştirak edəcəyinə dair yenidən söz vermişdir. Buna baxmayaraq, II Fridrix Misirə getməkdə yenə də gecikmişdir. Digər tərəfdən, Dümyatdakı Papalıq nümayəndəsi kardinal Pelaqiusun təzyiqləri ilə Dümyatda olan səlibçilər Qahirəni ələ keçirmək məqsədilə Dümyatdan ayrılmış; Mənsurədə Əyyubilərin müqaviməti, Nil çayının daşması nəticəsində kanal bəndlərinin dağılması və nəhayət Əyyubilərin hücuma keçməsinə görə 1221-ci ildə səlibçi ordusu Əyyubilərə təslim olmaq məcburiyyətində qalmışdır. Beləliklə, 1221-ci ilin iyulunda Dümyat yenidən Əyyubilərin nəzarətinə keçmişdir.

Papa III Honori, II Fridrixin Qüds krallığının varisi II İzabella (Yolanda) ilə evlənməsini təmin edərək, ona səlib yürüşünə çıxmaq üçün əlavə bir səbəb də yaratmışdır. Lakin iyul 1225-ci ildə Papa ilə II Fridrix arasında bağlanan "San-Cermano müqaviləsi" ilə II Fridrixin yürüşə çıxması daha 2 il, yəni 1227-ci ilə qədər təxirə salınmışdır. Bu müddətə əməl edə bilmək üçün II Fridrix çox ciddi yürüş hazırlıqlarına başlamışdır. Lakin Papa III Honori 18 mart 1227-ci ildə Romada vəfat etmişdir. Altıncı səlib yürüşünə çıxan II Fridrixin döyüşsüz şəkildə Əyyubi sultanı əl-Kamil ilə razılığa gəlməsindən sonra Qüdsün xristianların əlinə keçməsini Honoridən sonra taxta çıxan Papa IX Qriqori görə bilmişdir.

  1. 1 2 Union List of Artist Names (ing.). 20 yanvar 2015. (İstifadə tarixi: 11 oktyabr 2018).
  2. 1 2 Enciclopedia dei Papi (it.). 2000.
  3. 1 2 Union List of Artist Names (ing.). 20 yanvar 2015. (İstifadə tarixi: 25 oktyabr 2018).
  4. 1 2 Store norske leksikon (buk.). ISSN 2464-1480. (İstifadə tarixi: 17 oktyabr 2026).
  5. ↑ Clouse, Robert G. Hıristiyanlık Tarihi. Yeni Yaşam Yayınları. 1977. 277. ISBN 975-8318-86-1.
  • Collins, Roger. Keepers of the Keys of Heaven: A History of the Papacy. Basic Books. 2009.260
  • Abbé César Auguste Horoy, Honorii III Romani pontificis opera Omnia 5 vols. (Paris 1879–1882).
  • Pietro Pressuti (editor), I regesti del pontefice Onorio III dall anno 1216 al anno 1227 Vol. 1 (Roma 1884).
  • J. Clausen, Papst Honorius III (1216–1227). Eine Monographie (Bonn: P. Hauptmann 1895).
  • Ferdinand Gregorovius, History of Rome in the Middle Ages, Volume V.1 second edition, revised (London: George Bell, 1906) Book IX, Chapter 3, pp. 96–128.
  • Narciso Mengozzi, Papa Onorio III e le sue relazioni col regno di Inghilterra (Siena: L. Lazzeri, 1911).
  • Mauro Giacomo Sanna, Onorio III e la Sardegna (1216–1227) (Cagliari: Centro studi filologici sardi, 2013).
  • Pierre-Vincent Claverie, Honorius III et l'Orient (1216–1227): Étude et publication de sources inédites des Archives vaticanes (ASV) (Leiden: Brill 2013).
  • Thomas W. Smith, Curia and Crusade: Pope Honorius III and the Recovery of the Holy Land, 1216-1227 (Turnhout: Brepols, 2017).
  • Initial text taken from a paper copy of the 9th edition of the Encyclopædia Britannica; 1881. Please update as needed.