cocu

Asturianu

Pronunciación

• [ ˈko.ku ]

«cocu»

(rexistru)

Anagrama: cuco

Etimoloxía

• pa sustantivu 1: Del llatín coccum.
• pa sustantivu 2: Voz espresiva infantil que fai referencia a un oxetu redondu y duru.

Sustantivu (1)

Cocos (animal invertebráu).

Cocu Curculio elephas.

masculín singular cocu; plural cocos

1. (Helmintoloxía) Cualquier animal invertebráu ensin estremidaes, de cuerpu blandiu, allargáu y cilíndricu, y de tamañu pequeñu, que vive llibre o como parásitu de vexetales o animales.
2. (Helmintoloxía) Guxán pequeñu o mui pequeñu.
3. (Helmintoloxía) Guxán que sal nos alimentos como la carne, el pexe o'l quesu.
4. (Entomoloxía) Cualquiera de los inseutos coleópteros como los escarabayos, la mayoría de la familia Curculionidae, de tamañu pequeñu y carauterizaos por tener un focicu allargáu a mou de trompa, que se nutren d'alimentos vexetales y críen nellos, produciendo plagues dañibles nes colleches o alimentos almacenaos.

Sinónimos

• [1] guxán ~ guxanu ~ buxán ~ buxanu, viérbene ~ viérmene, vierbe, coca, crialexu
• [2] coca, paparrachu, paparraxa, paparraxona, paparraxu, paparrón, paparroxa, paparroxu, paparruxu, papón
• [3] belesa, bichu, caresa ~ carexa, carrazana, vesa, vierbe, viérbene ~ viérmene
• [4] gorgoxu ~ gorgoyu, gorgollu, corcoxu, coscoyu, paparraxu

Términos rellacionaos

• [1] guxana ~ buxana, xorra; llombriga, llombriz, merucu, milu
• [2] guxarapa, guxarapu; gata, gatona, rata; burru; saltón
• [3, 4] poliya ~ polía, gurruetu, pulgón

Llocuciones

1. cocu cenón
2. cocu de lluz
3. cocu relluciente
4. cocu la vieya
5. fueu del cocu

Traducciones y equivalencies

«cocu»: animal invertebráu → ver traducciones na entrada guxán

▶ ver traducciones na entrada guxán

«cocu»: guxán pequeñu o mui pequeñu

«cocu»: guxán que sal nos alimentos → ver traducciones na entrada caresa

▶ ver traducciones na entrada caresa

«cocu»: inseutu Curculionidae → ver traducciones na entrada gorgoyu

▶ ver traducciones na entrada gorgoyu

Sustantivu (2)

Cocu (frutu).

masculín singular cocu; plural cocos

1. (Botánica) Palmera de hasta 20 metros d'altor, con fueyes d'hasta 6 metros de llargor, que produz un frutu mui apreciáu, de nome científicu Cocos nucifera.
2. (Botánica), (Alimentación), (Gastronomía) Frutu de la palmera de nome científicu Cocos nucifera, d'hasta 30 centímetros de diámetru, de forma arredondiada-ovalada, con dos corteces, la esterior frebosa y blandia, y al interior mui dura y a la que se xunce la pulpa, de color blanco, y contién una especie d'agua.

Sinónimos

• [1] cocoteru, cocotal

Traducciones y equivalencies

«cocu»: árbol

Catalán: cocoter (ca) Español: coco (es), cocotero (es) Francés: cocotier (fr) Gallegu: coco (gl)

Inglés: coconut (en), coconut palm (en), coconut tree (en) Occitanu: cocotièr (oc) Portugués: coqueiro (pt) Vascu: kokondo (eu)

«cocu»: frutu

Catalán: coco (ca) Español: coco (es) Francés: noix de coco (fr), coco (fr) Gallegu: coco (gl)

Inglés: coconut (en) Occitanu: còco (oc) Portugués: coco (pt) Vascu: koko (eu)

Referencies

• Diccionariu de la Llingua Asturiana; Academia de la Llingua Asturiana, 2000, Uviéu; ISBN: 84-8168-208-X. Versión on-line.
• Diccionario General de la Lengua Asturiana; Xosé Lluis García Arias, Editorial Prensa Asturiana, 2002-2004, Uviéu; ISBN: 84-87730-86-8. Versión on-line.
• Diccionariu Etimolóxicu de la Llingua Asturiana; Xosé Lluis García Arias, Universidá d'Uviéu & Academia de la Llingua Asturiana, 2017-2021, Uviéu; ISBN: 978-84-17445-18-8.
• Nomenclátor de los seres vivos en llingua asturiana, Sabencia - Sociedá Asturiana de les Ciencies. Consulta on-line.
• Diccionariu de consultes llingüístiques del asturianu, Ramón d'Andrés Díaz, Ediciones Trabe, 2021, Uviéu; ISBN: 978-84-18286-55-1.

Ver tamién

Consulta l'artículu de Wikipedia.