Anwar al Farkadain
Anwar al Farkadain (η Ursae Minoris / η UMi / 21 Ursae Minoris)[5] ye una estrella na constelación boreal de la Osa Menor. De magnitú aparente +4,95, alcuéntrase a 97 años lluz del Sistema Solar. El so nome, d'orixe árabe, significa «el más brillosu de los dos magüetos/tenrales», en contraposición a Alifa al Farkadain, «el más tenue de los dos magüetos», denominación que recibe la estrella ζ Ursae Minoris. Curiosamente Alifa al Farkadain ye más brillosu que Anwar al Farkadain. Esta postrera ye tamién conocida pol nome de Alasco.[6]
Anwar al Farkadain ye una estrella nana blancu-mariella de tipu espectral F5V[5] —non bien distintu del Sol— anque más caliente qu'él, con una temperatura de 6400 K. La so lluminosidá, equivalente a 7,4 soles, ye mayor de lo que cabría esperar pa una estrella del so tipu espectral y temperatura, polo que se piensa que ta próxima a convertise nuna subxigante, esto ye, una estrella que remató la combustión del hidróxenu. Con un diámetru dos veces mayor que'l del Sol, la so masa envalórase en redol a 1,4 mases solares.[7]
A diferencia del Sol, que la so velocidá de rotación ye de 2 km/s, Anwar al Farkaidan tien una velocidá de rotación enforma mayor, de siquier 76 km/s, emplegando menos de 1,4 díes en completar una vuelta, tiempu enforma menor que'l periodu de rotación solar d'aproximao 27 díes.[7]
Referencies
[editar | editar la fonte]- 1 2 3 4 5 6 Afirmao en: SIMBAD. Llingua de la obra o nome: inglés.
- 1 2 3 «Gaia EDR3» (n'inglés). VizieR Online Data Catalog. 3 avientu 2020. doi:.
- 1 2 «Abundances in the Local Region II: F, G, and K Dwarfs and Subgiants». The Astronomical Journal (1). 21 avientu 2016. doi:.
- ↑ «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11): páxs. 759-771. payares 2006. doi:.
- 1 2 NLTT 42585 - High proper-motion Star (SIMBAD)
- ↑ Constellations: Ursa Minor 'The Little Bear' (BBC)
- 1 2 Anwar al Farkadain (Stars, Jim Kaler)
Datos: Q14067