Sydney

	Sydney
	Localidat d'Australia
	; Anvista de Sydney, con o Puent d'a badía a la dreita y l'edificio d'a Opera de Sydney a la ezquierda.
País; • Estau	Australia; Nueva Galas d'o Sud
Superficie	12.144,60 km²
Población; • Total	; 4.284.379 hab. (2023)
Altaria; • Meyana	; 6 y 58 m.
Codigo postal	2000
Coordenadas	33°52’ 4’’S151°12’36’’E
	Sydney Sydney en Australia
	Web oficial

Iste articlo ye sobre una ciudat australiana en Nueva Galas d'o Sud; ta atros usos, se veiga Sydney (desambigación).

Sydney ye un municipio y ciudat australiana, que ye a capital d'o estau de Nueva Galas d'o Sud.

A suya población ye de 4.284.379 habitants (2006) en una superficie de 12.144,60 km², con una densidat de población de 352,78 hab/km².

A ciudat se troba situada en a costa sud-este d'o país, a una distancia de 881 km a lo nord-este de Melbourne, a 938 km a lo sud de Brisbane, a 3.970 km a l'este de Perth, a 1.406 a l'este d'Adelaida y a 4.003 km a lo sud-este de Darwin. Fue construida en os dos cantos d'a badía de Port Jackson, a on bi ha l'edificio d'a Opera de Sydney y lo puent d'a badía, que son os dos prencipals molimentos d'a ciudat.

Sydney fue establida en 1788 por o capitán britanico Arthur Phillip, y estió lo primer asentamiento colonial europeu en o continent australiano. Hue ye la capital financiera d'Australia, estando tamién a ciudat mas popular y poblada d'o país.

Historia

A rechión de Sydney, seguntes prebas realizatas con radiocarbono revela que ha estau habitata per aboríchens australianos dende fa 30.000 anyos. Os habitants indichenas orichinarios de Sydney Cove son os "cadigal", que heban ocupau un territorio que s'estendillaba dende lo sud de Port Jackson dica Petersham.^[1] S'estima que la población d'antis d'a plegada d'a Primera Flota en l'anyo 1788 se manteneba entre 4.000 y 8.000 personas vivindo en a rechión de Sydney.

Cultura

Cine

En a ciudat de Sydney se celebra cada anyada lo Festival de Cine de Sydney.

Esporte

L'esporte en Sydney, como en toda Australia, ye una parte important d'a cultura y d'a vida d'os ciudadans y ya yera present dende los primers periodos colonials. Posteriorment, dende la suya independencia como herencio britanico, l'esporte continó estando important. En l'actualidad l'esporte mas popular ye lo rugby en a suya modalidat de rugby a 13 y la ciudat ye la seu de nueu equipos d'os doce que bi ha en a National Rugby League d'Australia. Tamién son esportes populars o rugby Unión (rugby a 15) y lo fútbol australiano. Amás d'istos esportes bi ha una gran diversificación de partecipants d'atros muitos esportes, como la natación, l'atletismo, lo ciclismo, lo fútbol y la triatlón.

Cal destacar que tamién son grans aficionaus a los esportes de motor.