Zum Inhalt springen

Joy Matter

Us der alemannische Wikipedia, der freie Dialäkt-Enzyklopedy
Joy Matter (um 1990)

D Joy Matter (Joyce Matter-Doebeli; * 7. Oktober 1935; † 8. Oktober 2025) isch e schwizerischi Leererin und Politikerin gsy.

Sie het vo 1959 bis 1998 als Änglischlehrerin i Sekundarschuele gschafft u het sech i der Frouebewegig engagiert. Vo 1989 bis 1996 isch si Schueldiräktorin im Gmeindraat vo der Stat Bärn gsy.[1] Vo 1998 bis 2007 isch si Presidäntin vo der Schtiftig Gertrud Kurz gsy, wo sech für d Integration vo Ussländer engagiert.

Vo 1963 bis zu sym Tod 1972 isch d Joy Matter mit em Bärndütsch-Liedermacher Mani Matter verhüraatet gsy u het syni Wärch useggä. Si hei zäme drü Chind gha, drunger d Regisseurin Meret Matter. Si het z Waabere bi Bärn gwohnt und isch ei Tag nach irem 90. Geburtstag gschtorbe.

  1. ↑ swissinfo.ch, 11. Oktober 2025