Philadelphia

Hierdie artikel handel oor die stad in die Verenigde State. Vir die dorp in Suid-Afrika, sien gerus Philadelphia, Wes-Kaap.

Philadelphia World Heritage City
Kaart	Seël
	Vlag
Land	Verenigde State
Deelstaat	Pennsilvanië
County	Philadelphia
Koördinate	39°57′N 75°09′W
Gestig op	27 Oktober 1682
Inkorporasie	25 Oktober 1701
Oppervlakte:
- Totaal	369,59 vk km
Hoogte bo seevlak	12 m
Bevolking:
- Totaal (2020)	1 603 797
- Bevolkingsdigtheid	4 608/vk km
- Metropolitaanse gebied	6 245 051
Tydsone	UTC -5 (OST)
- Somertyd	UTC -4 (ODT)
Burgemeester	Cherelle Parker (D)
Amptelike webwerf	phila.gov

Philadelphia (Engels: [fɪləˈdɛlfiə], ), in die omgangstaal ook Philly, is die grootste stad in die Amerikaanse deelstaat Pennsilvanië en die sesde grootste in die Verenigde State met 'n bevolking van sowat 1,6 miljoen. Philadelphia is die administratiewe setel van die Philadelphia-distrik (Engels: Philadelphia County) en 'n belangrike nasionale handel-, onderwys- en kulturele sentrum. Die metropolitaanse gebied van Philadelphia-Camden-Wilmington is die vyfde grootste in die Verenigde State met sowat 6,2 miljoen inwoners (2020).

Independence Hall, noordfasade – 'n Unesco-wêrelderfenis

Assembly Room, Independence Hall, met lewensgroot figure van Benjamin Franklin en ander ondertekenaars van die Amerikaanse Onafhanklikheidsverklaring

Sy Heiligheid Pous Franciskus het op 26 September 2016 'n historiese besoek aan die Independence Hall gebring. Hier gesels hy met U.S. Secretary of the Interior, Sally Jewell, en Jonathan B. Jarvis, direkteur van die Nasionale Parkdiens. Independence Hall maak deel uit van die Independence National Historic Park in die Old City-buurt van Philadelphia

Freedom is a Light for Which Many Men Have Died in Darkness
Graf van die Onbekende Rewolusionêre Soldaat, Washington Square

Delaware River Waterfront

Feestelike verligting van 30th Street Station ter geleentheid van die 2016 Democratic National Convention, die Nasionale Vergadering van die Demokratiese Party in 2016

Philadelphia word dikwels The City of Brotherly Love ("Die Stad van Broederlike Liefde") genoem, afgelei van die betekenis van sy Griekse naam: Φιλαδέλφεια, /fi.la.ˈdɛl.fɛj.a/, "broederlike liefde" van Grieks philos "liefde" en adelphos "broeder".

Philadelphia, wat in die 18de eeu ook as die eerste Amerikaanse hoofstad gedien het, was destyds die grootste stad in die Verenigde State en die tweede grootste in die Britse Ryk ná Londen. Ten opsigte van sy politieke en sosiale belangrikheid het dit selfs Boston en New York oortref en het veral danksy die invloed van Benjamin Franklin tot die maatskaplike en geografiese sentrum van die oorspronklike dertien Amerikaanse kolonies ontwikkel. Die idee van 'n onafhanklike Amerikaanse nasie het in hierdie stad ontstaan, en Philadelphia was ook die toneel van belangrike gebeurtenisse gedurende die Amerikaanse Rewolusie, die beginpunt van die Amerikaanse vryheid, demokrasie en onafhanklikheid.

Philadelphia was een van die gasheerstede tydens die Vrouesokkerwêreldbeker 2003.

Sien ook

• Philadelphia Orkes

Eksterne skakels

• Wikimedia Commons het meer media in die kategorie Philadelphia.
• (en) Amptelike webwerf
• (en) "Philadelphia". Encyclopædia Britannica. Besoek op 16 Januarie 2026.

Toerisme

---

• (en) Toerisme-inligting oor Philadelphia op Wikivoyage
• (en) Visit Philadelphia, The City of Brotherly and Sisterly Love