Perm (geologie)

Periode/ sisteem	Epog/ serie	Tydsnede/ etage	M. jaar gelede
Trias	Vroeg	Indusium	jonger
Perm	Lopingium	Changhsingium	252,2–254,1
		Wuchiapingium	254,1–259,8
	Guadalupium	Capitanium	259,8–265,1
		Wordium	265,1–268,8
		Roadium	268,8–272,3
	Sisuralium	Kungurium	272,3–283,5
		Artinskium	283,5–290,1
		Sakmarium	290,1–295,0
		Asselium	295,0–298,9
Karboon	Pennsylvanium	Gzhelium	ouer
Die verdeling van die Perm (IKS).

Diere en plante van 'n meeroewer-ekostelsel in die mid-Permtyd, waarvan fossiele in die Karoo gevind is.

Die Perm is die laaste geologiese periode van die Paleosoïese Era en strek van die einde van die Karboon sowat 298,9 miljoen jaar gelede, tot die begin van die Trias, die eerste periode van die Mesosoïese Era sowat 252,2 miljoen jaar gelede. Dit het in 1841 sy naam van die geoloog sir Roderick Murchison ontvang, en is na die antieke koninkryk Permië genoem. Dit is ook die laaste chronostratigrafiese sisteem van die Paleosoïese erateem.

Die floraryke van die Perm se begin

In die Perm het die vroeë Amniota in die voorouers van die soogdiere, waterskilpaaie, Lepidosauria en Archosauria verdeel. Daar was in dié tyd ’n enkele kontinent, Pangaea, wat deur die oseaan Panthalassa omring was. Die uitgebreide reënwoude van die Karboon het verdwyn en groot, droë woestyne het in die middelste dele van die kontinent ontstaan. Reptiele, wat beter by die droë toestande kon aanpas, het in die plek van hul amfibiese voorouers begin oorheers.

Die Perm en die Paleosoïkum het met die Perm-Trias-uitwissing, die grootste massa-uitwissing in die Aarde se geskiedenis geëindig. Byna 90% van die seespesies en 70% van die landspesies is uitgewis. Die Aarde sou eers weer ’n ruk ná die begin van die Trias van dié katastrofe herstel.

Eksterne skakels

• Die Universiteit van Kalifornië
• Klassieke Permiese strata
• Voorbeelde van Permiese fossiele
• Wikimedia Commons het meer media in die kategorie Perm (geologie).
• Wikiwoordeboek het 'n inskrywing vir Perm.